TITUS
Vetus Testamentum graece iuxta LXX interpretes
Part No. 634
Previous part

Chapter: 65 
Verse: 1  Εἰς τὸ τέλος· ᾠδὴ ψαλμοῦ· [ἀναστάσεως.]
᾽Αλαλάξατε τῷ ϑεῷ, πᾶσα ἡ γῆ,
Verse: 2  ψάλατε δὴ τῷ ὀνόματι αὐτοῦ,
δότε δόξαν αἰνέσει αὐτοῦ.
Verse: 3  εἴπατε τῷ ϑεῷ ῾Ως ϕοβερὰ τὰ ἔργα σου·
ἐν τῷ πλήϑει τῆς δυνάμεώς σου ψεύσονταί σε οἱ ἐχϑροί σου·
Verse: 4  πᾶσα ἡ γῆ προσκυνησάτωσάν σοι καὶ ψαλάτωσάν σοι,
ψαλάτωσαν τῷ ὀνόματί σου.
διάψαλμα.
Verse: 5  δεῦτε καὶ ἴδετε τὰ ἔργα τοῦ ϑεοῦ·
ϕοβερὸς ἐν βουλαῖς ὑπὲρ τοὺς υἱοὺς τῶν ἀνϑρώπων,
Verse: 6  ὁ μεταστρέϕων τὴν ϑάλασσαν εἰς ξηράν,
ἐν ποταμῷ διελεύσονται ποδί.
ἐκεῖ εὐϕρανϑησόμεϑα ἐπ' αὐτῷ,
Verse: 7  τῷ δεσπόζοντι ἐν τῇ δυναστείᾳ αὐτοῦ τοῦ αἰῶνος·
οἱ ὀϕϑαλμοὶ αὐτοῦ ἐπὶ τὰ ἔϑνη ἐπιβλέπουσιν,
οἱ παραπικραίνοντες μὴ ὑψούσϑωσαν ἐν ἑαυτοῖς.
διάψαλμα.
Verse: 8  εὐλογεῖτε, ἔϑνη, τὸν ϑεὸν ἡμῶν
καὶ ἀκουτίσασϑε τὴν ϕωνὴν τῆς αἰνέσεως αὐτοῦ,
Verse: 9  τοῦ ϑεμένου τὴν ψυχήν μου εἰς ζωὴν
καὶ μὴ δόντος εἰς σάλον τοὺς πόδας μου.
Verse: 10  ὅτι ἐδοκίμασας ἡμᾶς, ὁ ϑεός,
ἐπύρωσας ἡμᾶς, ὡς πυροῦται τὸ ἀργύριον·
Verse: 11  εἰσήγαγες ἡμᾶς εἰς τὴν παγίδα,
ἔϑου ϑλίψεις ἐπὶ τὸν νῶτον ἡμῶν.
Verse: 12  ἐπεβίβασας ἀνϑρώπους ἐπὶ τὰς κεϕαλὰς ἡμῶν,
διήλϑομεν διὰ πυρὸς καὶ ὕδατος,
καὶ ἐξήγαγες ἡμᾶς εἰς ἀναψυχήν.
Verse: 13  εἰσελεύσομαι εἰς τὸν οἶκόν σου ἐν ὁλοκαυτώμασιν,
ἀποδώσω σοι τὰς εὐχάς μου,
Verse: 14  ἃς διέστειλεν τὰ χείλη μου
καὶ ἐλάλησεν τὸ στόμα μου ἐν τῇ ϑλίψει μου·
Verse: 15  ὁλοκαυτώματα μεμυαλωμένα ἀνοίσω σοι
μετὰ ϑυμιάματος καὶ κριῶν,
ποιήσω σοι βόας μετὰ χιμάρων.
διάψαλμα.
Verse: 16  δεῦτε ἀκούσατε καὶ διηγήσομαι,
πάντες οἱ ϕοβούμενοι τὸν ϑεόν,
ὅσα ἐποίησεν τῇ ψυχῇ μου.
Verse: 17  πρὸς αὐτὸν τῷ στόματί μου ἐκέκραξα
καὶ ὕψωσα ὑπὸ τὴν γλῶσσάν μου
Verse: 18  ᾽Αδικίαν εἰ ἐϑεώρουν ἐν καρδίᾳ μου,
μὴ εἰσακουσάτω κύριος.
Verse: 19  διὰ τοῦτο εἰσήκουσέν μου ὁ ϑεός,
προσέσχεν τῇ ϕωνῇ τῆς δεήσεώς μου.
Verse: 20  εὐλογητὸς ὁ ϑεός, ὃς οὐκ ἀπέστησεν τὴν προσευχήν μου
καὶ τὸ ἔλεος αὐτοῦ ἀπ' ἐμοῦ. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.