TITUS
Vetus Testamentum graece iuxta LXX interpretes
Part No. 636
Previous part

Chapter: 67 
Verse: 1  Εἰς τὸ τέλος· τῷ Δαυιδ ψαλμὸς ᾠδῆς.
Verse: 2  ᾽Αναστήτω ὁ ϑεός, καὶ διασκορπισϑήτωσαν οἱ ἐχϑροὶ αὐτοῦ,
καὶ ϕυγέτωσαν οἱ μισοῦντες αὐτὸν ἀπὸ προσώπου αὐτοῦ.
Verse: 3  ὡς ἐκλείπει καπνός, ἐκλιπέτωσαν·
ὡς τήκεται κηρὸς ἀπὸ προσώπου πυρός,
οὕτως ἀπόλοιντο οἱ ἁμαρτωλοὶ ἀπὸ προσώπου τοῦ ϑεοῦ.
Verse: 4  καὶ οἱ δίκαιοι εὐϕρανϑήτωσαν,
ἀγαλλιάσϑωσαν ἐνώπιον τοῦ ϑεοῦ,
τερϕϑήτωσαν ἐν εὐϕροσύνῃ.
Verse: 5  ᾄσατε τῷ ϑεῷ, ψάλατε τῷ ὀνόματι αὐτοῦ·
ὁδοποιήσατε τῷ ἐπιβεβηκότι ἐπὶ δυσμῶν, κύριος ὄνομα // αὐτῷ,
καὶ ἀγαλλιᾶσϑε ἐνώπιον αὐτοῦ.
ταραχϑήσονται ἀπὸ προσώπου αὐτοῦ,
Verse: 6  τοῦ πατρὸς τῶν ὀρϕανῶν καὶ κριτοῦ τῶν χηρῶν·
ὁ ϑεὸς ἐν τόπῳ ἁγίῳ αὐτοῦ.
Verse: 7  ὁ ϑεὸς κατοικίζει μονοτρόπους ἐν οἴκῳ
ἐξάγων πεπεδημένους ἐν ἀνδρείᾳ,
ὁμοίως τοὺς παραπικραίνοντας τοὺς κατοικοῦντας ἐν // τάϕοις.
Verse: 8  ὁ ϑεός, ἐν τῷ ἐκπορεύεσϑαί σε ἐνώπιον τοῦ λαοῦ σου,
ἐν τῷ διαβαίνειν σε ἐν τῇ ἐρήμῳ
διάψαλμα
Verse: 9  γῆ ἐσείσϑη, καὶ γὰρ οἱ οὐρανοὶ ἔσταξαν,
ἀπὸ προσώπου τοῦ ϑεοῦ τοῦτο Σινα,
ἀπὸ προσώπου τοῦ ϑεοῦ Ισραηλ.
Verse: 10  βροχὴν ἑκούσιον ἀϕοριεῖς, ὁ ϑεός, τῇ κληρονομίᾳ σου,
καὶ ἠσϑένησεν, σὺ δὲ κατηρτίσω αὐτήν.
Verse: 11  τὰ ζῷά σου κατοικοῦσιν ἐν αὐτῇ·
ἡτοίμασας ἐν τῇ χρηστότητί σου τῷ πτωχῷ, ὁ ϑεός.
Verse: 12  κύριος δώσει ῥῆμα τοῖς εὐαγγελιζομένοις δυνάμει πολλῇ,
Verse: 13  ὁ βασιλεὺς τῶν δυνάμεων τοῦ ἀγαπητοῦ,
καὶ ὡραιότητι τοῦ οἴκου διελέσϑαι σκῦλα.
Verse: 14  ἐὰν κοιμηϑῆτε ἀνὰ μέσον τῶν κλήρων,
πτέρυγες περιστερᾶς περιηργυρωμέναι,
καὶ τὰ μετάϕρενα αὐτῆς ἐν χλωρότητι χρυσίου.
διάψαλμα.
Verse: 15  ἐν τῷ διαστέλλειν τὸν ἐπουράνιον βασιλεῖς ἐπ' αὐτῆς
χιονωϑήσονται ἐν Σελμων.
Verse: 16  ὄρος τοῦ ϑεοῦ ὄρος πῖον,
ὄρος τετυρωμένον, ὄρος πῖον.
Verse: 17  ἵνα τί ὑπολαμβάνετε, ὄρη τετυρωμένα,
τὸ ὄρος, ὃ εὐδόκησεν ὁ ϑεὸς κατοικεῖν ἐν αὐτῷ;
καὶ γὰρ ὁ κύριος κατασκηνώσει εἰς τέλος.
Verse: 18  τὸ ἅρμα τοῦ ϑεοῦ μυριοπλάσιον,
χιλιάδες εὐϑηνούντων·
ὁ κύριος ἐν αὐτοῖς ἐν Σινα ἐν τῷ ἁγίῳ.
Verse: 19  ἀνέβης εἰς ὕψος, ᾐχμαλώτευσας αἰχμαλωσίαν,
ἔλαβες δόματα ἐν ἀνϑρώπῳ,
καὶ γὰρ ἀπειϑοῦντες τοῦ κατασκηνῶσαι.
κύριος ὁ ϑεὸς εὐλογητός,
Verse: 20  εὐλογητὸς κύριος ἡμέραν καϑ' ἡμέραν,
κατευοδώσει ἡμῖν ὁ ϑεὸς τῶν σωτηρίων ἡμῶν.
διάψαλμα.
Verse: 21  ὁ ϑεὸς ἡμῶν ϑεὸς τοῦ σῴζειν,
καὶ τοῦ κυρίου κυρίου αἱ διέξοδοι τοῦ ϑανάτου.
Verse: 22  πλὴν ὁ ϑεὸς συνϑλάσει κεϕαλὰς ἐχϑρῶν αὐτοῦ,
κορυϕὴν τριχὸς διαπορευομένων ἐν πλημμελείαις αὐτῶν.
Verse: 23  εἶπεν κύριος ᾽Εκ Βασαν ἐπιστρέψω,
ἐπιστρέψω ἐν βυϑοῖς ϑαλάσσης,
Verse: 24  ὅπως ἂν βαϕῇ ὁ πούς σου ἐν αἵματι,
ἡ γλῶσσα τῶν κυνῶν σου ἐξ ἐχϑρῶν παρ' αὐτοῦ.
Verse: 25  ἐϑεωρήϑησαν αἱ πορεῖαί σου, ὁ ϑεός,
αἱ πορεῖαι τοῦ ϑεοῦ μου τοῦ βασιλέως τοῦ ἐν τῷ ἁγίῳ.
Verse: 26  προέϕϑασαν ἄρχοντες ἐχόμενοι ψαλλόντων
ἐν μέσῳ νεανίδων τυμπανιστριῶν.
Verse: 27  ἐν ἐκκλησίαις εὐλογεῖτε τὸν ϑεόν,
τὸν κύριον ἐκ πηγῶν Ισραηλ.
Verse: 28  ἐκεῖ Βενιαμιν νεώτερος ἐν ἐκστάσει,
ἄρχοντες Ιουδα ἡγεμόνες αὐτῶν,
ἄρχοντες Ζαβουλων, ἄρχοντες Νεϕϑαλι.
Verse: 29  ἔντειλαι, ὁ ϑεός, τῇ δυνάμει σου,
δυνάμωσον, ὁ ϑεός, τοῦτο, ὃ κατειργάσω ἡμῖν.
Verse: 30  ἀπὸ τοῦ ναοῦ σου ἐπὶ Ιερουσαλημ
σοὶ οἴσουσιν βασιλεῖς δῶρα.
Verse: 31  ἐπιτίμησον τοῖς ϑηρίοις τοῦ καλάμου·
ἡ συναγωγὴ τῶν ταύρων ἐν ταῖς δαμάλεσιν τῶν λαῶν
τοῦ μὴ ἀποκλεισϑῆναι τοὺς δεδοκιμασμένους τῷ ἀργυρίῳ·
διασκόρπισον ἔϑνη τὰ τοὺς πολέμους ϑέλοντα.
Verse: 32  ἥξουσιν πρέσβεις ἐξ Αἰγύπτου,
Αἰϑιοπία προϕϑάσει χεῖρα αὐτῆς τῷ ϑεῷ.
Verse: 33  αἱ βασιλεῖαι τῆς γῆς, ᾄσατε τῷ ϑεῷ, ψάλατε τῷ κυρίῳ.
διάψαλμα.
Verse: 34  ψάλατε τῷ ϑεῷ τῷ ἐπιβεβηκότι ἐπὶ τὸν οὐρανὸν τοῦ οὐρανοῦ // κατὰ ἀνατολάς·
ἰδοὺ δώσει ἐν τῇ ϕωνῇ αὐτοῦ ϕωνὴν δυνάμεως.
Verse: 35  δότε δόξαν τῷ ϑεῷ·
ἐπὶ τὸν Ισραηλ ἡ μεγαλοπρέπεια αὐτοῦ,
καὶ ἡ δύναμις αὐτοῦ ἐν ταῖς νεϕέλαις.
Verse: 36  ϑαυμαστὸς ὁ ϑεὸς ἐν τοῖς ἁγίοις αὐτοῦ·
ὁ ϑεὸς Ισραηλ αὐτὸς δώσει δύναμιν καὶ κραταίωσιν τῷ λαῷ // αὐτοῦ.
εὐλογητὸς ὁ ϑεός. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.