TITUS
Biblia Udica, Versio Nizhensis: Vetus Testamentum
Part No. 37
Previous part

Chapter: 37 

ω͑vel sanduġa düzbsun
Ǐvel sanduğa düzbsun



(Č̣eys. 25:10-22Link to udntv)
(C'eys. 25:10-22Link to udntv)


Verse: 1  Link to rat Besalelen yasämäni daxṭaḳaxun sanduġe düzbi. Sanduġi boxoyluġ ṗä͑nqə͑ ä͑m, iz gengluġ q̇a alloyluġ isä sä͑nqə͑ ä͑mey. *
   Besalelen yasəməni daxt'ak'axun sanduğe düzbi. Sanduği boxoyluğ p'ə̌nqı̌ ə̌m, iz gengluğ q'a alloyluğ isə sə̌nqı̌ ə̌mey. *

Verse: 2  Link to rat Šoṭo bonaxun saal ćoyexun tämiz q̇əzəlen buṭeḳi, iz härrämine isä q̇əzəli zolaġe laxi.
   Şot'o bonaxun saal ç̌oyexun təmiz q'ızılen but'ek'i, iz hərrəmine isə q'ızıli zolağe laxi.

Verse: 3  Link to rat Oša q̇äliben biṗ q̇əzəli halq̇a düzbi šoṭoġo sanduġi biṗ dönbine, ṗä͑ halq̇ina sa täräf, ṗä͑ halq̇ina isä ṭe soġo täräf osṭaarebi.
   Oşa q'əliben bip' q'ızıli halq'a düzbi şot'oğo sanduği bip' dönbine, p'ə̌ halq'ina sa tərəf, p'ə̌ halq'ina isə t'e soğo tərəf ost'aarebi.

Verse: 4  Link to rat Yasämäni xodaxun duruṭxo düzbi iz looxun q̇əzəlen buṭeḳi,
   Yasəməni xodaxun durut'xo düzbi iz looxun q'ızılen but'ek'i,

Verse: 5  Link to rat oša šoṭoġo sanduġi dönboġo bakala halq̇oġo laveḳi ki, sanduġa tašes bakaṭun.
   oşa şot'oğo sanduği dönboğo bakala halq'oğo lavek'i ki, sanduğa taşes bakat'un.

Verse: 6  Link to rat Tämiz q̇əzəlen baġəšlayinšbsuni q̇apaġane düzbi. Šoṭay boxoyluġ \ ṗä͑nqə͑ ä͑m, gengluġ isä sä͑nqə͑ ä͑mey. *
   Təmiz q'ızılen bağışlayinşbsuni q'apağane düzbi. Şot'ay boxoyluğ \ p'ə̌nqı̌ ə̌m, gengluğ isə sə̌nqı̌ ə̌mey. *

Verse: 7  Link to rat Baġəšlayinšbsuni q̇apaġi ṗä͑ buleynaḳ q̇əzəlaxun čäküčen äšeci ṗä͑ angele düzbi.
   Bağışlayinşbsuni q'apaği p'ə̌ buleynak' q'ızılaxun çəküçen əşeśi p'ə̌ angele düzbi.

Verse: 8  Link to rat Sa angela q̇apaġi sa bel, ṭe sunṭu isä ṭe soġo bel ṭetäre düzbi ki, q̇apaġaxun saṭun baki.
   Sa angela q'apaği sa bel, t'e sunt'u isə t'e soğo bel t'etəre düzbi ki, q'apağaxun sat'un baki.

Verse: 9  Link to rat Angelxoy ala qayeġala q̇änädxon baġəšlayinšala q̇apaġa buṭṭunksay. Šoṭoġon ćobaćo čurpi q̇apaġačṭun be͑ġsay.
   Angelxoy ala qayeğala q'ənədxon bağışlayinşala q'apağa but't'unksay. Şot'oğon ç̌obaç̌o çurpi q'apağaçt'un běğsay.



Q̣onʒ́uġo häsrbakala śumurxoynaḳ isṭola düzbsun
Q'ončuğo həsrbakala šumurxoynak' ist'ola düzbsun



(Č̣eys. 25:23-30Link to udntv)
(C'eys. 25:23-30Link to udntv)


Verse: 10  Link to rat Besalelen yasämäni daxṭaḳen isṭole düzbi; šoṭay boxoyluġ ṗä͑ ä͑m, gengluġ sa ä͑m, alloyluġ isä sä͑nqə͑ ä͑mey. *
   Besalelen yasəməni daxt'ak'en ist'ole düzbi; şot'ay boxoyluğ p'ə̌ ə̌m, gengluğ sa ə̌m, alloyluğ isə sə̌nqı̌ ə̌mey. *

Verse: 11  Link to rat Šoṭo tämiz q̇əzəlen buṭeḳi. Iz härrämine q̇əzəli zolaġe laxi.
   Şot'o təmiz q'ızılen but'ek'i. İz hərrəmine q'ızıli zolağe laxi.

Verse: 12  Link to rat Šoṭay härrämine alloyluġ biṗ ḳäšä bakala ṭo͑ġu͑rxone düzbi. Ṭo͑ġu͑rxoy härrämine isä q̇əzəli zolaġe laxi.
   Şot'ay hərrəmine alloyluğ bip' k'əşə bakala t'ǒğǔrxone düzbi. T'ǒğǔrxoy hərrəmine isə q'ızıli zolağe laxi.

Verse: 13  Link to rat Isṭoleynaḳ q̇äliben biṗ dänä q̇əzəli halq̇a düzbi šoṭoġo isṭolin biṗ turaxun osṭaarebi.
   İst'oleynak' q'əliben bip' dənə q'ızıli halq'a düzbi şot'oğo ist'olin bip' turaxun ost'aarebi.

Verse: 14  Link to rat Isṭoli ganu badalbaṭan duruṭxoxun biq̇i tašes bakeq̇aṭun pi, halq̇oox isṭoli ṭo͑ġu͑rxoxuney läčäq̇.
   İst'oli ganu badalbat'an durut'xoxun biq'i taşes bakeq'at'un pi, halq'oox ist'oli t'ǒğǔrxoxuney ləçəq'.

Verse: 15  Link to rat Isṭola tašṭeynaḳ bakala duruṭxo yasämäni xodaxun düzbi šoṭoġo q̇əzəlen buṭeḳi.
   İst'ola taşt'eynak' bakala durut'xo yasəməni xodaxun düzbi şot'oğo q'ızılen but'ek'i.

Verse: 16  Link to rat Isṭolin loxol laxseynaḳ tämiz q̇əzəlaxun ṭaliḳxo, q̇avurxo, \ cipseynaḳ bakala payurxoynaḳ ǯürdäkxo saal ǯamurxone düzbi
   İst'olin loxol laxseynak' təmiz q'ızılaxun t'alik'xo, q'avurxo, \ śipseynak' bakala payurxoynak' cürdəkxo saal camurxone düzbi



Q̣əzəli pisosa düzbsun
Q'ızıli pisosa düzbsun



(Č̣eys. 25:31-40Link to udntv)
(C'eys. 25:31-40Link to udntv)


Verse: 17  Link to rat Besalelen tämiz q̇əzəlaxun sa pisose düzbi. Me pisos čäküčen äšeci tämiz q̇əzəlaxuney. Šoṭay oq̇in hissä, tur saal ture loxol bakala varde ṭuṗulxo q̇a xazalxo šoṭoxun saney.
   Besalelen təmiz q'ızılaxun sa pisose düzbi. Me pisos çəküçen əşeśi təmiz q'ızılaxuney. Şot'ay oq'in hissə, tur saal ture loxol bakala varde t'up'ulxo q'a xazalxo şot'oxun saney.

Verse: 18  Link to rat Pisosaxun u͑q taye č̣eysay - xibo sa ṭo͑o͑xun, xiboval ṭe soġo ṭo͑o͑xun.
   Pisosaxun ǔq taye c'eysay - xibo sa t'ǒǒxun, xiboval t'e soğo t'ǒǒxun.

Verse: 19  Link to rat U͑q taye här sunṭay loxol xib dänä badami c̣ic̣iḳxo ošq̇ardala ṭuṗulxo saal vardurxone buy.
   Ǔq taye hər sunt'ay loxol xib dənə badami s'is'ik'xo oşq'ardala t'up'ulxo saal vardurxone buy.

Verse: 20  Link to rat Pisosi ture loxol vardla saal ṭuṗulla badami c̣ic̣iḳä ošq̇ardala biṗ kasane buy.
   Pisosi ture loxol vardla saal t'up'ulla badami s'is'ik'ə oşq'ardala bip' kasane buy.

Verse: 21  Link to rat Me ṭuṗulxoy soġo pisosi turexun č̣eġala süfṭin ṗä͑ taye oq̇a, ṭe soġo ṗä͑mǯi č̣eġala ṗä͑ taye oq̇a, xibimǯiyo isä xibimǯi č̣eġala ṗä͑ taye oq̇aney. Metär, šorox pisosi turexun č̣eġala u͑q taye oq̇al buṭuniy.
   Me t'up'ulxoy soğo pisosi turexun c'eğala süft'in p'ə̌ taye oq'a, t'e soğo p'ə̌mci c'eğala p'ə̌ taye oq'a, xibimciyo isə xibimci c'eğala p'ə̌ taye oq'aney. Metər, şorox pisosi turexun c'eğala ǔq taye oq'al but'uniy.

Verse: 22  Link to rat Ṭuṗulxo q̇a tayurxo pisosaxun saṭuniy; čäküčen äšeci tämiz q̇əzəlaxunṭuniy.
   T'up'ulxo q'a tayurxo pisosaxun sat'uniy; çəküçen əşeśi təmiz q'ızılaxunt'uniy.

Verse: 23  Link to rat Pisoseynaḳ tämiz q̇əzəlaxun vu͑ġ dänä zeytuni č̣äyinen boḳala čiraġ, mašoox q̇a xätängäzxoṭun düzbi.
   Pisoseynak' təmiz q'ızılaxun vǔğ dənə zeytuni c'əyinen bok'ala çirağ, maşoox q'a xətəngəzxot'un düzbi.

Verse: 24  Link to rat Pisosa saal šoṭo lazəm bakala bütüm šeyurxo düzbseynaḳ sa ṭalanṭ * tämiz q̇əzəle äšeci.
   Pisosa saal şot'o lazım bakala bütüm şeyurxo düzbseynak' sa t'alant' * təmiz q'ızıle əşeśi.



Buxur boḳospseynaḳ q̇urban ečala ganu düzbsun
Buxur bok'ospseynak' q'urban eçala ganu düzbsun



(Č̣eys. 30:1-5Link to udntv; 30:22-38Link to udntv)
(C'eys. 30:1-5Link to udntv; 30:22-38Link to udntv)


Verse: 25  Link to rat Yasämäni daxṭaḳaxun buxur boḳospseynaḳ q̇urban ečala gaṭun düzbi. Iz boxoyluġ q̇a gengluġ sa ä͑m, alloyluġ isä ṗä͑ ä͑mey. * Iz dönboġo bakala mu͑q̇o͑o͑x isä ičuxun saney.
   Yasəməni daxt'ak'axun buxur bok'ospseynak' q'urban eçala gat'un düzbi. İz boxoyluğ q'a gengluğ sa ə̌m, alloyluğ isə p'ə̌ ə̌mey. * İz dönboğo bakala mǔq'ǒǒx isə içuxun saney.

Verse: 26  Link to rat Šoṭay ćoya, böriġo saal mu͑q̇o͑ġo tämiz q̇əzəlenṭun buṭḳi, iz härrämine isä q̇əzəli zolaġṭun laxi.
   Şot'ay ç̌oya, böriğo saal mǔq'ǒğo təmiz q'ızılent'un but'k'i, iz hərrəmine isə q'ızıli zolağt'un laxi.

Verse: 27  Link to rat Q̣urban ečala ganu duruṭxoxun biq̇i tašṭeynaḳ iz ṗä͑ börine, zolaġi oq̇a ṗä͑ q̇əzəli halq̇aṭun düzbi.
   Q'urban eçala ganu durut'xoxun biq'i taşt'eynak' iz p'ə̌ börine, zolaği oq'a p'ə̌ q'ızıli halq'at'un düzbi.

Verse: 28  Link to rat Duruṭxo yasämäni xodaxun düzbi q̇əzəlen buṭṭunḳi.
   Durut'xo yasəməni xodaxun düzbi q'ızılen but't'unk'i.

Verse: 29  Link to rat Bašaraġlu usṭoġon lä͑ä͑msṭeynaḳ bakala ə͑vel č̣äyinä saal boḳospseynaḳ bakala šaaṭ adeġala oyurxoval häzirṭunbi. *
   Başarağlu ust'oğon lə̌ə̌mst'eynak' bakala ı̌vel c'əyinə saal bok'ospseynak' bakala şaat' adeğala oyurxoval həzirt'unbi. *



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.