TITUS
Biblia Udica, Versio Nizhensis: Vetus Testamentum
Part No. 68
Previous part

Chapter: 28 

Här ġi ečala payurxo
Hər ği eçala payurxo



(Č̣eys. 29:38-46Link to udntv)
(C'eys. 29:38-46Link to udntv)


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Israilluġo upa ki, Zaynaḳ här iz \ vädä eġaṭan boḳospsuni q̇urbanluġ pay ešṭuna eyexun maq̇aṭun č̣evḳi. Šoṭoġoy boḳuni ad Za iräzibala ade.
   "İsrailluğo upa ki, Zaynak' hər iz \ vədə eğat'an bok'ospsuni q'urbanluğ pay eşt'una eyexun maq'at'un c'evk'i. Şot'oğoy bok'uni ad Za irəzibala ade.

Verse: 3  Link to rat Šoṭoġo upa ki, Zaynaḳ här ġi boḳospsuni q̇urban ḳinäḳ ṗä͑ dänä sa usenin salamat q̇uzi ečalaṭun.
   Şot'oğo upa ki, Zaynak' hər ği bok'ospsuni q'urban k'inək' p'ə̌ dənə sa usenin salamat q'uzi eçalat'un.

Verse: 4  Link to rat Q̣uzin sunṭu savaxṭan, ṭe sunṭu isä be͑ġ batḳaṭanq̇aṭun q̇urban ečeri.
   Q'uzin sunt'u savaxt'an, t'e sunt'u isə běğ batk'at'anq'at'un q'urban eçeri.

Verse: 5  Link to rat Här q̇urbanluġ q̇uzinaxun sagala iz taxəli payal ečalanan, mo hine * biṗ payaxun sa pay zeytuni č̣äyin lapi efin * vic̣ payaxun sa pay xarine.
   Hər q'urbanluğ q'uzinaxun sagala iz taxıli payal eçalanan, mo hine * bip' payaxun sa pay zeytuni c'əyin lapi efin * vis' payaxun sa pay xarine.

Verse: 6  Link to rat Mo Q̣ONƷ́UĠON Sinay buruġo här ġi śamseynaḳ bürüši, iz boḳuni aden Iču iräzibala q̇urbane.
   Mo Q'ONČUĞON Sinay buruğo hər ği šamseynak' bürüşi, iz bok'uni aden İçu irəzibala q'urbane.

Verse: 7  Link to rat Här śameġala q̇uzinaxun sagala iz cipseynaḳ bakala payal ečanan, mo sa hine biṗ payaxun sa pay finaġoybala u͑ġu͑n bakalane. Šoṭo ə͑vel čadəri be͑ś Q̣ONƷ́UĠOYNAḲ cipi boḳosṗanan.
   Hər šameğala q'uzinaxun sagala iz śipseynak' bakala payal eçanan, mo sa hine bip' payaxun sa pay finağoybala ǔğǔn bakalane. Şot'o ı̌vel çadıri běš Q'ONČUĞOYNAK' śipi bok'osp'anan.

Verse: 8  Link to rat P̣ä͑mǯi q̇uzina be͑ġ batḳaṭan śampanan. Šoṭoval savaxṭan śameci q̇urbanallariḳ taxəli q̇a cipseynaḳ bakala payaxun sagala ečanan. Me ečala payurxoy boḳuni ad Q̣ONƷ́UĠO iräzibala ade.
   P'ə̌mci q'uzina běğ batk'at'an šampanan. Şot'oval savaxt'an šameśi q'urbanallarik' taxıli q'a śipseynak' bakala payaxun sagala eçanan. Me eçala payurxoy bok'uni ad Q'ONČUĞO irəzibala ade.



Šamaṭ ġine ečala payurxo
Şamat' ğine eçala payurxo


Verse: 9  Link to rat Šamaṭ ġineyal ṗä͑ dänä sa usenin salamat q̇uzi q̇urban śamḳalaṭun. Q̣urbanaxun sagala taxəli pay ḳinäḳ bakala č̣äyin lapi efin qo payaxun sa pay xuri berxeci xarina q̇a cipseynaḳ bakala payal ečanan.
   Şamat' ğineyal p'ə̌ dənə sa usenin salamat q'uzi q'urban šamk'alat'un. Q'urbanaxun sagala taxıli pay k'inək' bakala c'əyin lapi efin qo payaxun sa pay xuri berxeśi xarina q'a śipseynak' bakala payal eçanan.

Verse: 10  Link to rat Mo här ġi \ cipseynaḳ bakala payaxun sagala ečala q̇urbanxoxun ǯöy, här Šamaṭ ġine śameġala q̇urbanxone
   Mo hər ği \ śipseynak' bakala payaxun sagala eçala q'urbanxoxun cöy, hər Şamat' ğine šameğala q'urbanxone



Täzä xaš č̣eġaṭan ečala payurxo
Təzə xaş c'eğat'an eçala payurxo


Verse: 11  Link to rat Q̣ONƷ́UĠOYNAḲ här täzä xaš č̣eġaṭanal boḳospsuni q̇urbanxo śampanan. Šameġala heyvanxo ṗä͑ dänä salamat araḳ, sa q̇oč eġel saal vu͑ġ dänä sa usenin q̇uzi bakalane.
   Q'ONČUĞOYNAK' hər təzə xaş c'eğat'anal bok'ospsuni q'urbanxo šampanan. Şameğala heyvanxo p'ə̌ dənə salamat arak', sa q'oç eğel saal vǔğ dənə sa usenin q'uzi bakalane.

Verse: 12  Link to rat Här śameġala araḳaxun sagala ečala taxəli pay zeytuni č̣äyin lapi sa efin vic̣ payaxun xib pay xuri berxeci xari, q̇oč eġelaxun ečala pay sa efin qo payaxun sa pay zeytuni č̣äyin lapi xuri berxeci xari,
   Hər šameğala arak'axun sagala eçala taxıli pay zeytuni c'əyin lapi sa efin vis' payaxun xib pay xuri berxeśi xari, q'oç eğelaxun eçala pay sa efin qo payaxun sa pay zeytuni c'əyin lapi xuri berxeśi xari,

Verse: 13  Link to rat här q̇uzinaxun sagala ečala taxəli pay isä sa efin vic̣ payaxun sa pay zeytuni č̣äyin lapi xuri berxeci xariq̇an baki. Me boḳospsuni q̇urbanxoy boḳuni ad Q̣ONƷ́UĠO iräzibala ade.
   hər q'uzinaxun sagala eçala taxıli pay isə sa efin vis' payaxun sa pay zeytuni c'əyin lapi xuri berxeśi xariq'an baki. Me bok'ospsuni q'urbanxoy bok'uni ad Q'ONČUĞO irəzibala ade.

Verse: 14  Link to rat Šoṭoġoxun sagala cipseynaḳ bakala payal ečalaṭun: här q̇urbanluġ araḳaxun sagala qə͑ hin fi, q̇oč eġelaxun sagala sa hine xib payaxun sa pay fi, här q̇urbanluġ q̇uzinaxun sagala isä sa hine biṗ payaxun sa pay fi. Mo usenasṭa här täzä xaš č̣eġaṭan ečala boḳospsuni q̇urbanxone.
   Şot'oğoxun sagala śipseynak' bakala payal eçalat'un: hər q'urbanluğ arak'axun sagala qı̌ hin fi, q'oç eğelaxun sagala sa hine xib payaxun sa pay fi, hər q'urbanluğ q'uzinaxun sagala isə sa hine bip' payaxun sa pay fi. Mo usenast'a hər təzə xaş c'eğat'an eçala bok'ospsuni q'urbanxone.

Verse: 15  Link to rat Cipseynaḳ bakala payaxun sagala här ġi śameġala q̇urbanxoxun ǯöy, Q̣ONƷ́UĠOYNAḲ günaxxo oc̣kseynaḳ bakala q̇urban ḳinäḳ sa ärkäy kečiyal śamḳalanan.
   Üipseynak' bakala payaxun sagala hər ği šameğala q'urbanxoxun cöy, Q'ONČUĞOYNAK' günaxxo os'kseynak' bakala q'urban k'inək' sa ərkəy keçiyal šamk'alanan.



Č̣ovaksuni axsibay q̇a Ä͑yinsuz śume axsibayasṭa ečala payurxo
C'ovaksuni axsibay q'a Ə̌yinsuz šume axsibayast'a eçala payurxo



(Lev. 23:5-14)
(Lev. 23:5-14)


Verse: 16  Link to rat Samǯi xaše biṗec̣c̣emǯi ġine Q̣ONƷ́UĠOY Č̣ovaksuni axsibaye. *
   Samci xaşe bip'es's'emci ğine Q'ONČUĞOY C'ovaksuni axsibaye. *

Verse: 17  Link to rat Me xaše qoc̣c̣emǯi ġine isä Ä͑yinsuz śume axsibaye burqesa: vu͑ġ ġi ä͑yinsuz śum ukalanan.
   Me xaşe qos's'emci ğine isə Ə̌yinsuz šume axsibaye burqesa: vǔğ ği ə̌yinsuz šum ukalanan.

Verse: 18  Link to rat Ṭe ġimxoy samǯi ġine Za bul ḳoc̣bseynaḳ bakala giresun č̣ovakesṭanan, q̇eräz sa äšäl ma biq̇anan.
   T'e ğimxoy samci ğine Za bul k'os'bseynak' bakala giresun c'ovakest'anan, q'erəz sa əşəl ma biq'anan.

Verse: 19  Link to rat Q̣ONƷ́UĠOYNAḲ boḳospsuni pay ḳinäḳ boḳospsuni q̇urbanxo ečanan: ṗä͑ dänä araḳ, sa q̇oč eġel saal vu͑ġ dänä sa usenin q̇uzi. Me heyvanxo bito salamat heyvanxo bakalane.
   Q'ONČUĞOYNAK' bok'ospsuni pay k'inək' bok'ospsuni q'urbanxo eçanan: p'ə̌ dənə arak', sa q'oç eğel saal vǔğ dənə sa usenin q'uzi. Me heyvanxo bito salamat heyvanxo bakalane.

Verse: 20  Link to rat Här śameġala araḳaxun sagala ečala taxəli pay zeytuni č̣äyin lapi sa efin vic̣ payaxun xib pay xuri berxeci xari, q̇oč eġelaxun ečala pay sa efin qo payaxun sa pay zeytuni č̣äyin lapi xuri berxeci xari,
   Hər šameğala arak'axun sagala eçala taxıli pay zeytuni c'əyin lapi sa efin vis' payaxun xib pay xuri berxeśi xari, q'oç eğelaxun eçala pay sa efin qo payaxun sa pay zeytuni c'əyin lapi xuri berxeśi xari,

Verse: 21  Link to rat här q̇uzinaxun sagala ečala taxəli pay isä sa efin vic̣ payaxun sa pay zeytuni č̣äyin lapi xuri berxeci xariq̇an baki.
   hər q'uzinaxun sagala eçala taxıli pay isə sa efin vis' payaxun sa pay zeytuni c'əyin lapi xuri berxeśi xariq'an baki.

Verse: 22  Link to rat Moṭoxun ǯöy, ef günaxxo oc̣kseynaḳ bakala q̇urban ḳinäḳ sa ärkäy kečiyal śampanan ki, šoṭay ṗiyen ef günaxi toya ödäyinši bakane.
   Mot'oxun cöy, ef günaxxo os'kseynak' bakala q'urban k'inək' sa ərkəy keçiyal šampanan ki, şot'ay p'iyen ef günaxi toya ödəyinşi bakane.

Verse: 23  Link to rat Me q̇urbanxo här savaxṭan ečala q̇urbanxoxun ǯöy ečala q̇urbanxone.
   Me q'urbanxo hər savaxt'an eçala q'urbanxoxun cöy eçala q'urbanxone.

Verse: 24  Link to rat Metärluġen, me vu͑ġ ġine härṭusṭa cipseynaḳ bakala \ payaxun sagala ečala q̇urbanxoxun ǯöy, me Bez pi q̇urbanxoval śamḳalanan. Mo iz boḳuni aden Q̣ONƷ́UĠO iräzibseynaḳ bakala q̇urbanxone.
   Metərluğen, me vǔğ ğine hərt'ust'a śipseynak' bakala \ payaxun sagala eçala q'urbanxoxun cöy, me Bez pi q'urbanxoval šamk'alanan. Mo iz bok'uni aden Q'ONČUĞO irəzibseynak' bakala q'urbanxone.

Verse: 25  Link to rat Barta vu͑ġu͑mǯi ġineyal Za bul ḳoc̣bseynaḳ bakala giresunxq̇an baki, me ġi q̇eräz sal sa äš ma biq̇anan.
   Barta vǔğǔmci ğineyal Za bul k'os'bseynak' bakala giresunxq'an baki, me ği q'erəz sal sa əş ma biq'anan.



Exe axsibayasṭa ečala payurxo
Exe axsibayast'a eçala payurxo



(Lev. 23:15-22; Ḳan. 16:9-12)
(Lev. 23:15-22; K'an. 16:9-12)


Verse: 26  Link to rat Exe axsibayasṭa Q̣ONƷ́UĠOYNAḲ täzä arumaxun nübärluġ pay ečala ġine Q̣ONǮUĠO bul ḳoc̣bseynaḳ bakala giresun č̣ovakesṭanan. Me ġi q̇eräz sal sa äš ma biq̇anan.
   Exe axsibayast'a Q'ONČUĞOYNAK' təzə arumaxun nübərluğ pay eçala ğine Q'ONCUĞO bul k'os'bseynak' bakala giresun c'ovakest'anan. Me ği q'erəz sal sa əş ma biq'anan.

Verse: 27  Link to rat Q̣ONƷ́UĠOYNAḲ boḳospsuni q̇urbanxo - ṗä͑ dänä araḳ, sa q̇oč eġel saal vu͑ġ dänä sa usenin ärkäy q̇uzi ečanan. Mo iz boḳuni aden Q̣ONƷ́UĠO iräzibseynaḳ bakala q̇urbanxone.
   Q'ONČUĞOYNAK' bok'ospsuni q'urbanxo - p'ə̌ dənə arak', sa q'oç eğel saal vǔğ dənə sa usenin ərkəy q'uzi eçanan. Mo iz bok'uni aden Q'ONČUĞO irəzibseynak' bakala q'urbanxone.

Verse: 28  Link to rat Här śameġala araḳaxun sagala ečala taxəli pay zeytuni č̣äyin lapi sa efin vic̣ payaxun xib pay xuri berxeci xari, q̇oč eġelaxun sagala ečala pay sa efin qo payaxun sa pay zeytuni č̣äyin lapi xuri berxeci xari,
   Hər šameğala arak'axun sagala eçala taxıli pay zeytuni c'əyin lapi sa efin vis' payaxun xib pay xuri berxeśi xari, q'oç eğelaxun sagala eçala pay sa efin qo payaxun sa pay zeytuni c'əyin lapi xuri berxeśi xari,

Verse: 29  Link to rat här śameġala q̇uzinaxun sagala ečala taxəli pay isä sa efin vic̣ payaxun sa pay zeytuni č̣äyin lapi xuri berxeci xariq̇an baki.
   hər šameğala q'uzinaxun sagala eçala taxıli pay isə sa efin vis' payaxun sa pay zeytuni c'əyin lapi xuri berxeśi xariq'an baki.

Verse: 30  Link to rat Moṭoxun ǯöy, ef günaxxo oc̣kseynaḳ bakala q̇urban ḳinäḳ sa ärkäy kečiyal śampanan ki, šoṭay ṗiyen ef günaxi toya ödäyinši bakane.
   Mot'oxun cöy, ef günaxxo os'kseynak' bakala q'urban k'inək' sa ərkəy keçiyal šampanan ki, şot'ay p'iyen ef günaxi toya ödəyinşi bakane.

Verse: 31  Link to rat Me q̇urbanxo q̇a šoṭoġoxun sagala cipseynaḳ bakala \ payurxo ečaṭan efi här ġi taxəli payaxun sagala ečala q̇urbanxoval eyexun ma č̣evḳanan. Bito śameġala q̇urbanluġ heyvanxo salamat heyvanxo bakalane".
   Me q'urbanxo q'a şot'oğoxun sagala śipseynak' bakala \ payurxo eçat'an efi hər ği taxıli payaxun sagala eçala q'urbanxoval eyexun ma c'evk'anan. Bito šameğala q'urbanluğ heyvanxo salamat heyvanxo bakalane".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.