და იტრნეს ძენი ისრაელისანი და დაიბანაკეს დასავალით კერძო მოაბსა, მახლობელად იორდანისა, იერიქოდ მიმართ.
და იხილნა ბალაკ, ძემან სეპფორისმან, ყოველნი, რაოდენნი უყვნა ისრაელმან აღმორეველსა. 3. და შეეშინა მოაბსა ერისაგან ფრიად, რამეთუ მრავალ იყვნეს, და მოწყინე იქმნა ბალააკ პირისაგან ისრაელისა.
და თქუა მოაბ ბერობისა მიმართ მედიამელთაჲსა: აწ აღლოშნეს შესაკრებელმან ამან ყოველნი გარემოჲსნი ჩუენნი, ვითარცა აღლოშნის ზუარაკმან მწუანვილნი ველისაგან. და ბალაკ, ძე სეპფორისი, მეფე მოაბისაჲ იყო მას ჟამსა ოდენ.
და წარავლინა მოციქული ბალაამის მიმართ, ძისა ბეორისსა, ფათურაჲსსა, რომელ არს მდინარესა ზედა, ქუეყანისა ძეთა ერისა მისისათასა, მიწოდებად მისსა, მეტყუელმან: აჰა ერი გამოვიდა ეგჳპტით და აჰა დაფარა პირი ქუეყანისაჲ, და ესე დადფრომილ არს მახლობელად ჩემსა.
და აწ მოვედ და მიწყევე მე ერი ესე, Page of ms. Gb: 73r რამეთუ უძლიერეს ჩემსა არს; უკუეთუ უძლოთ დაცემად მათგანთა და განვასხნე იგინი ქუეყანით, რამეთუ Page of ms. Ga: 169r უწყი, რომელნი სწყე\ვნე Page of ms. Ga: 169v შენ, წყეულ არიედ.
და წარვიდა ბერობაჲ მოაბისაჲ და ბერობაჲ მადიამისაჲ და სამისნველი ჴელთა შინა მათთა. და მივიდა ბალაამისსა და უთხრნა მას სიტყუანი ბალაკისნი.
დამან თქუა მათდა მიმართ: დაადგერით თქუენ მანდა ღამე და მიგიგნე თქუენ საქმენი, რომელნიცა თქუნეს უფალმან ჩემდა მომართ. და დაადგრეს მთავარნი მოაბისანი ბალაამის თანა.
Page of ms. Ga: 170r Page of ms. Gb: 74r და მოვიდა უფალი ბალაამისსა და ჰრქუა მას: რაჲ არიან კაცნი ესე შენ თანა?
და თქუა ბალაამ ღმრთისა მიმართ: ბალაკ, ძემან სეპფორისმან, მეფემან მოაბისმან, მოავლინნა ესენი ჩემდა, მეტყუელმან:
აჰა, ერი გამოვიდა ეგჳპტით, დაფარა პირი ქუეყანისაჲ და ესე დადგრომილ არს მახლობელად ჩემსა. აწ მოვედ, მიწყევე მე იგი, უძლო თუ სადმე დაცემად მისსა და განვჴადო იგი ქუეყანით.
და თქუა უფალმან ბალამის მიმართ: არა წარხჳდე მაგათ თანა, არცა სწყევო ერი, რამეთუ არს კურთხეულ.
და აღდგა ბალაამ განთიად და ჰრქუა მთავართა ბალაკისთა: წარვედით უფლისა თქუენისა, არა მიფლო მე ღმერთმან მისლვად თქუენ თანა.
და აღდგეს მთავარნი მოაბისნი, მოვიდეს ბალაკისა და ჰრქუეს მას: არა ჰნებავს ბალაამს მოსლვაჲ ჩუენ თანა.
და შესძინა მერმე ბალაკ მივლინებაჲ მთავართა, უმრავლესთა და უპატიოსნესთა მათგან.
და მოვიდეს ბალაამისსა და ჰრქუეს მას: ამას იტყჳს ბალაკ, ძე სეპფორისი: გლოცავ შენ, ნუ გცონის მოსლვად ჩემდა,
რამეთუ პატიოსნად პატივ-გცე შენ და ყოველნი, რომელნი მრქუნე, გიყვნე შენ, და მოვედ და დამიწყევე მე ესე.
და მიუგო ბალაამ და ჰრქუა მთავართა ბალაკისთა: უკუეთუ მომცეს ბალაკ სახლი თჳსი, სავსე ვეცხლითა და ოქროჲთა, ვერ Page of ms. Ga: 171r ძალ-მიც გარდასლვად სიტყუასა უფლისა ღმრთისასა და ყოფად მისსა მცირედ ანუ დიდად გონებასა შინა ჩემსა.
და აწ დაადგერით მანდა თქუენცა ღამესა ამას და ვცნა, რაჲ შესძინოს უფალმან თქუმად ჩემდა მომართ.
და მოვიდა ღმერთი ბალაამისსა ღამე და ჰრქუა მას: ხადიდ თუ შენდა მოსრულ არიან კაცნი ისი, აღდეგ, შეუდეგ მათ, არამედ სიტყუაჲ, რომელი ვთქუა შენდა მომართ, იგი ჰყო.
Page of ms. Ga: 171v Page of ms. Gb: 74v და აღდგა ბალაამ განთიად, დაასხნა კაჰრაულსა თჳსსა და წარვიდა მთავართა თანა მოაბისათა.
და განრისხნა გულისწყრომით Page of ms. Ga: 172r უფალი, რამეთუ მივიდოდა იგი. და აღდგა ანგელოზი ღმრთისაჲ დაბრკოლებად მისსა გზასა ზედა. და იგი აღმჴედრებულ იყო კაჰრაულსა ზედა მისსა, და ორნივე ყრმანი მისნი მის თანა.
და იხილა კაჰრაულმან ანგელოზი ღმრთისაჲ მდგომარე გზასა ზედა, და მაჴჳლი ჴდილი ჴელსა შინა მისსა. და მიაქცია კაჰრაულმან გზისაგან და ვიდოდა ველსა, და სცა კაჰრაულსა კუერთხითა მოქცევად მისსა გზად.
და დადგა ანგელოზი ღმრთისაჲ ფილოცთა ვენაჴთასა ღობე ერთ კერძო და ღობე ერთ კერძო.
და იხილა კაჰრაულმან ანგელოზი ღმრთისაჲ და შეაქლიშა Page of ms. Gb: 75r თავი თჳსი ზღუდისა მიმართ და შეუქლიშა ბალაამს ფერჴი ზღუდესა მას, და შეძინა მერმეცა გუემად მისსა.
და შესძინა ანგ\ელოზმან Page of ms. Ga: 172v ღმრთისამან და წარსრული დადგა ადგილსა იწროსა, რომელსა არა იყო მისაქცეველი მარჯულ, ანუ მარცხლ.
და იხილა რაჲ კაჰრაულმან ანგელოზი ღმრთისაჲ, დაჯდა ქუეშე მალაამისა. და განრისხდა ბალაამ და სცემ\და Page of ms. Ga: 173r კაჰრაულსა კუერთხითა.
და აღაღო ღმერთმან პირი კაჰრაულისაჲ და ჰრქუა ბალაამს: რაჲ გიყავ შენ, რამეთუ მეც მე ესე სამგზის?
და ჰრქუა ბალაამ კაჰრაულსა: რამეთუ დამიწუნე მე, და თუმცა მაქუნდა მახჳლი ჴელსა შინა ჩემსა, ეგერა განგუ[გ]მირეცა შენ.
და ჰრქუა კარაულმან ბალაამს: არა მე კარაული შენი ვარა, რომელსა ზედა შჯდი სიჭაბუკით შენითგან ვიდრე ჳრესისა ჳრედმდე? ნუ შეურაცხებით შეურაცხისმყოფელმან გიყავა შენ ესე? და მან ჰრქუა: არა.
Page of ms. Gb: 75v და გამოუცხადა ღმერთმან თუალთა ბალაამისთა და იხილა ანგელოზი ღმრთისაჲ, მჴდომად მდგომი გზასა ზედა, და მახჳლი წუდილი ჴელსა შინა მისსა. და მოდრკა და თაყუანის-სცა პირსა მისსა.
და ჰრქუა მას ანგელოზმან ღმრთისამან: რაჲსთჳს ეც კაჰრაულსა შენსა ესე სამგზის? და აჰა მე მოსრულ ვარ დაყდუნებად შენდა, რამეთუ არა მართალ არს გზაჲ შენი წინაშე ჩემსა.
და მხილველი ჩემი კაჰრაული მისდრკა ჩემგან ესე სამგზი, და არა თუმცა მიდრეკილ იყო ჩემგან ესე სამგზის, შენმცა მომეკალ აწ და ეგე განმერინა.
და ჰრქუა ბალაამ ანგელოზსა უფლისასა: ვცოდე, რამეთუ არა უწყოდე, ვითარმედ შენ სდგა მჴდომად შემთხუევისათჳს ჩემისა გზასა ზედა, და აწ არა თუ სათნო არს შენდა, კუალად ვიქცე.
და თქუა ანგელოზმან ღმრთისამან ბალაამის მიმართ: მივედ Page of ms. Ga: 174r კაცთა მათ თანა, გარნა სიტყუაჲ, რომელიცა ვთქუა შენდა მომართ, იგი დაიცვა თქუმად. და წარვიდა ბალაამ მთავართა თანა ბალაკისთა.
და ესმა რაჲ ბაკალს, ვითარმედ ერჩდა ბალაამ, გამოვიდა მიგებებად მისსა ქალაქსა მოაბსა, რომელ არს საზღვართა ზედა არნონისთა, რომელ არს კერძოსა საზღვართასა.
და თქუა ბალაკ ბალაამის მიმართ: არა მივავლინეა შენდამი წოდე\ბად Page of ms. Ga: 174v შენდა? რაჲსათჳს არა მოხუედ ჩემდა? ნამდჳლვე ვერ შემძლებელ ვარა პატივის-პყრობად შენდა?
და თქუა ბალაამ ბალაკის მიმართ: აჰა მოსრულ ვარ შენდა, აწ შემძლებელ ვარა თქუმად რასმე? სიტყუაჲ, რომელიცა შედვას Page of ms. Gb: 76r ღმერთმან პირსა ჩემსა, იგი ვთქუა.
და მოვიდა ბალაამ ბალაკის თანა, და მოვიდეს ქალაქსა ეპავლეონს.
და დაწყჳდა ბალაკ ცხოვრები და ზუარაკები და წარუცა ბალაამს და მთავართა, რომელნი იყვნეს მის თანა.
და იქმნა განთიადი და წარიყვანა ბაკალმან ბალაამ და აღიყვანა იგი სუაეტსა ზედა ბაალისსა და უჩუენა მას მიერ კერძოჲ რაჲმე ერისაჲ.
