და ესმა ქანანის მეფესა არადის, რომელი მკჳდრ იყო უდაბნოჲთ კერძო, ვითარმედ მოვიდა ისრაელი გზასა ათარიმისასა და ბრძოლა სცეს ისრაელისა მიმართ და იტაცეს მათგან ნატყუენავი.
და აღუტქუა ისრაელმან აღთქუმაჲ უფალსა და თქუა: უკუეთუ მომცე ერი ესე ჴელის ქუეშედ, შეჩუენე\ბულ Page of ms. Ga: 164r ვყო იგი და ქალაქნი მისნი.
და ისმინა მაი და მისცა ქანანი ჴელსა ქუეშე მათსა. და შეჩუენებულ ყო იგი და ქალაქნი მისნი, Page of ms. Gb: 70v და უწოდა სახელი ადგილისაჲ მის `შეჩუენება'.
და იტრნეს მთით ორით გზასა ზღჳთ კერძო მეწამულით, გარე-შემვლელნი ქუეყანასა ედომისასა. და სულმოკლებდა ერი გზასა ზედა.
და ძჳრსა იტყოდა ერი ღმრთისა მიმართ და მოსესთჳს, იტყოდეს: რაჲსათჳს გამომიყვანენ ჩუენ ეგჳპტით მოსრვად ჩუენდა უდაბნოს ზედა, რამეთუ არა არს, პური, არცა წყალი? ხოლო სულმან ჩემმან მოიწყინა პური ესე ცუდი.
და მოუვლინნა უფალმან ერსა გუელნი მომსრველნი და უკბენდეს ერსა გუელნი მომსრველნი და უკბენდეს ერსა, და მოისრა ერი მრავალი ძეთაგან Page of ms. Ga: 164v ისრაელისათა.
და მოვიდა ერი მოსესსა და იტყოდა: ვცოდეთ, რამეთუ ძჳრსა ვიტყოდეთ ღმრთისათჳს და შენთჳს. ილოცე უკუე უფლისა მიმართ ერისათჳს.
და ჰრქუა უფალმან მოსეს: უქმენ თავსა შენსა გუელი, დადევ Page of ms. Ga: 165r იგი სასწაულსა ზედა, და იყოს, Page of ms. Gb: 71r და უკუეთუ უკბინოს კაცსა, ყოველი კბენილი, მიმხედველი მისი, ცხო\ვნდეს Page of ms. Ga: 166v .
Page of ms. Gb: 71v და შექმნა მოსე გუელი რვალისაჲ და აღჰმართა იგი სასწაულსა ზედა. და იყვის, რაჟამს უკბინის გუელმან კაცსა, და მიჰხედნის გუელსა რვალისასა და სცხოვნდის.
და იტრნეს ძენი ისრაელისანი და დაიბანაკეს ობოთს;
და იტრნეს ობოთით ხალხაის, წიაღ კერძო უდაბნოს შინა, რომელ არს პირისპირ მოაბსა აღმოსავლით კერძო;
მიერ იტრნეს და დაიბანაკეს ჴევსა ზარედიხასა;
და მიერ იტრნეს და დაიბანაკეს წიაღ არნონსა, უდაბნოს შინა, რომელი გამოაწევს საზღვრისაგან აღმორეველთაჲსა, რამეთუ არს არნონი საზღვარი მოაბისაჲ და საშუალი მოაბისაჲ და საშუალი აღმორებელისაჲ.
ამისთჳს თქუმულ არს წიგნსა შინა
და ნაღუარევნი დაუმტკიცნა დამკჳდრებად ერს
და მუნით ჯურღნული, ესე არს ჯურღმული, რომელი თქუა უფალმან მოსეს მიმართ: შეკრიბე ერი და მივსცე მათ წყალი Page of ms. Ga: 167r სუმად.
მაშინ იგალობა ისრაელმან გალობაჲ ესე ჯურღმულსა ზედა.
და იწყო იგი ჯურღმული, აღმოთხარეს იგი, მთავართა აღმოჰკუეთეს იგი მეფეთა წარმართთასა მეფობასა შინა მათსა და უფლებასა შინა მათსა.
და მანთანინით -- ნაალიილს და ნა\ალიილით Page of ms. Gb: 72r -- ბამოთს
და ბამოთით -- ნაპინს, რომელ არს ველსა მოაბისასა თხემითგან გამოთლილისაჲთ, რომელი ჰხედავს პირსა უდაბნოჲსასა.
და წარავლინა მოსემან მოციქული სიონის მიმართ, მეფისა აღმორეველთაჲსა, სიტყჳთა მამშჳდებელებითა, მეტყუელმან:
განვლოთ ქუეყანით შენით, გზაჲ განვვლოთ, არცა ვენაჴისა, არცა ვსუათ წყალი ჯურღმულთაგან შენთა, გზაჲ სამეფოჲ ვვლოთ, ვიფრემდის წარვიდეთ საზღვართაგან შენთა.
და არა მისცა სიონ ისრაელსა განსავალი საზღვრით მისით. და შეიკრიბა სიონ ყოველი ერი მისი და განვიდა წინა-განწყობად ისრაელისა უ\დაბნოს, Page of ms. Ga: 167v და მოვიდა ისსად და წყობა-სცა ისრაელსა.
და დასცა იგი ისრაელმან კლვითა მახჳლისაჲთა და ეუფლნეს ქუეყანასა მისსა არნონითგან იაბოკადმდე, ვიდრე ძეთა ამმანისთადმდე, რამეთუ იაზირი საზღვარი ძეთა ამმანისთაჲ არს.
და მოიპყრნა ისრაელმან ყოველნი ესე ქალაქნი. და დაიმკჳდრა ისრაელმან ყოველთა შინა ქალაქთა აღმორეველთასა, ესებონს შინა და და ყოველთა შინა მოსაზღვრეთა მისთა.
რამეთუ არს ესებონი ქალაქი სიონისი, მეფისა აღმორეველთაჲსაჲ, და ესე ებრძოლა მეფესა მოაბისასა პირველ და დაიპყრა ყოველი მისი აროირითგან ვიდრე არნონადმდე.
ამისთჳს თქჳან მეიგავეთა:
რამეთუ ცეცლი გამოვიდა ესებონით,
ვაჲ შენდა, მოაბ,
და თესლი მათი წარწყმდა ესებონით ვიდრე დებოდმდე,
ხოლო დაემკჳდრა ისრაელი ყოველთა შინა ქალაქთა აღმორეველთასა.
და წარავლინა მოსე განმსტურობად იაზირისსა, და დაიპყრა იგი და დაბნები მისი და გამოჴადეს აღმორეველი Page of ms. Gb: 72v იგი, მყოფი მუნ.
და მიაქციეს და აღვიდეს გზასა ბასანისასა. და გამოვიდა ოგ, მეფე ბასანისაჲ, შემთხუევად მათდა, და ყოველი ერი მისი ბრძოლად ედრაინს.
და ჰრქუა უფალმან მოსეს: ნუ გეშენინ მისგან, რამეთუ ჴელთა შენთა მივეც იგი და ყოველი ერი მისი და ყოველი შესაკრებელი მისი, და უყავ მას, ვითარცა-იგი უყავ სიონს, მეფესა აღმორეველთასა, რომელი მკჳდრ იყო ესებონს შინა.
და დასცა იგი და ძენი მისნი და ყოველი ერი მისი ვიდრე არა დაშთომადმდე მათგან ცოცხლისა, და დაიმკჳდრეს ქუეყანაჲ მათი.
