დასაბამსა მეფისა იოაკიმისსა, ძისა იოსიაჲსსა, მეფისა იუდაჲსსა, იქმნა სიტყუაჲ ესე იერემიაჲს მიმართ უფლისა მიერ, მეტყუელი.
Page of ms. Ga: 238v ესრეთ თქუა უფალმან ჩემდამო; ექმნენ თავსა შენსა შესაკრავნი და საჴივნი და მოისხენ გარემოს ქედსა შენსა.
და წაჰგზავნნე იგინი მეფისა მიმართ იდუმიაჲსა და მეფისა მიმართ მოაბისა და მეფისა მიმართ ძეთა ამმონისთაჲსა და მეფისა მიმართ ტჳროსისა და მეფისა მიმართ სიდონისა ჴელითა მიმთხრობელთა მათთა, მომავალთაჲთა შემთხუევად მათდა იერუსალემს, სედეკიაჲს მიმართ, მეფისა იუდაჲსსა.
და მიუმცნო მათ უფალთა მათთა მიმართ თქუმად: ესრეთ თქუა უფალმან ღმერთმან ისრაელისამან: ესრეთ თქუთ უფალთა მიმართ თქუენთა ვითარმედ:
მე შევქმენ ქუეყანაჲ და კაცი და საცხოვარნი, რაოდენნი არიან პირსა ზედა ქუეყანისა, ძალითა ჩემითა დიდითა და მკლავისა მიერ ჩემისა მაღლისა და მივსცე იგი. რომლისაჲცა სთნდეს თუალთა ჩემთა.
და აწ მე ვარ, რომელი მივეც ქუეყანაჲ ნაბუხოდონოსორს -- მონებად მისსა, და მჴეცნი ველისანი საქმრად მივსცენ Page of ed. 1709: 97a მას.
და მონებად მისსა ყოველნი ნათესავნი და ძესა მისსა და ძესა ძისა მისისასა, ვიდრემდისცა მოიწიოს ჟამი რისხვისა მისისაჲ, და ჰმონონ მას ნათესავთა მრავალთა და მეფეთა დიდთა
და იყოს ნათესავი და მეფობაჲ, რომელმან არა ჰმონოს ნაბუქოდონოსორ მეფისა ბაბილონისა, და რომელთა არა თუ განყონ ქედი მათი უღელსა ქუეშე მეფისა ბაბილონისა, მახჳლისა მიერ და სიყმილისა ზედ-მოვიხილო მათდა, თქუა უფალმან, ვიდრემდის მოაკლდეს ჴელსა შინა მისსა.
და თქუენ ნუ ისმენთ ცრუ-წინაჲსწარმეტყუელთა თქუენთასა და მემისნეთა თქუენთასა და მეძილის-შინაეთა თქუენთასა და მზმნელთა თქუენთასა და მეწამლეთა თქუენთა, მეტყუელისა თქუენდამი; ნუ უქმთ მეფისა ბაბილონისასა.
რამეთუ ტყუილით გიწინაჲსწარმეტყუელებენ თქუენ იგინი განშორებისათჳს თქუენისა ქუეყანისაგან თქუენისა და მიმოგთესნენ თქუენ და წარგწყმიდნენ თქუენ.
და ნათესავმან რომელმანცა განუყოს ქედი მისი უღელსა ქუეშე მეფისა ბაბილონისასა და უქმოდის მას და დაუტეო იგი ქუეყანასა ზედა მისსა, თქუა უფალმან, და იქმოდის მას ზედა და დაეშენოს მას ზედა.
და სედეკიაჲს მიმართ, მეფისა იუდაჲსსა, ვიტყოდე ყოველთა ამათ სიტყუათაებრ, მეტყუელი: შეყავთ ქედი თქუენი უღელსა ქუეშე მეფისა ბაბილონისსა და ჰმონეთ მას და ერსა მისსა და ცოცხლებდეთ.
Page of ms. Ga: 239r და რაჲსათჳს მოჰკუდებით შენ და ერი შენი მახჳლითა და სიყმილითა და სიკუდილითა, ვითარცა თქუა უფალმან ნათესავისა მიმართ რომელმან არა ჰმონოს მეფესა ბაბილონისასა.
და ნუ ისმენთ ცრუ-წინაჲსწარმეტყუელთა, მეტყუელთასა თქუენდამი: არა უქმოდით მეფესა ბაბილონისასა, რამეთუ ცრუთა გიწინაჲსწარმეტყუელებენ თქუენ იგინი.
რამეთუ არ მივავლინენ იგინი იტყჳს უფალი, და გიწინაჲსწარმეტყუელებენ თქუენ სახელითა Page of ed. 1709: 97b ჩემითა სიცრუით წარწყმედისათჳს თქუენისა, და წარსწყმდეთ თქუენ და წინაჲსწარმეტყუელნი, მწინაჲსწარმეტყუელებნი თქუენნი უსამართლოდ სიცრუესა.
თქუენ და მღდელთა და ყოველსა ამას ერსა გარქუ, მეტყუელმან: ესრეთ თქუა უფალმან: ნუ ისმენთ სიტყუათა წინაჲსწარმეტყუელთა, მწინაჲსწარმეტყუელებთა თქუენთა და მეტყუელთასა: აჰა ჭურჭელი სახლისა უფლისაჲ მოიქცეს ბაბილონით მალიად აწ, რამეთუ ცრუთა გიწინაჲსწარმეტყუელებენ იგინი თქუენ. და არა მივავლინენ იგინი და არა არს სიტყუაჲ უფლისაჲ მათ შორის.
ნუ უსმენთ მათ, ჰმსახურეთ მეფესა ბაბილოვნისასა და და რაჲსათჳს იქმნების ქალაქი ესე და რაჲსათჳს იქმნების ქალაქი ესე ოჴერ?
ხოლო წინაჲსწარმეტყუელნი თუ არიან, და არს სიტყუაჲ უფლისაჲ მათ შორის, შემემთხჳნედ მე, რამეთუ ესრეთ თქუა უფალმან: და ნეშტნი ჭურჭელნი, რომელნი არა მოუღო მეფემან ბაბილონელთამან, რაჟამს წარტყუენა იექონია იერუსალიმით ბაბილონდ, მივიდეს, იტყჳს უფალი ძალთაჲ, არამედ არა მისრულთათჳს ნეშტთა ჭურჭელთა სახლისა უფლისა და სახლისა მეფისა იუდაჲსნი და იერუსალიმისაჲ ბაბილოვნდ.
რამეთუ ესრეთ იტყჳს უფალი ძალთაჲ სუეტთათჳს და ზღჳსათჳს და მექონოთათჳს და ნეშტთა ზედა ჭურჭელთა, რომელნი დაშთომილ არიან ქალაქსა ამას შინა.
რომელნი არა წარიხუნა ნაბუქოდონოსორ მეფემან ბაბილონისამან, ოდეს წარტყუენნა იეხონია და იოაკიმ. მეფენი იუდაჲსნი იერუსალიმით ბაბილონდ და ყოველნი მთავარნი იუდაჲსნი და იერუსალიმი.
რამეთუ ესრეთ იტყვს უფალი ძალთაჲ ღმერთი ისრაილისაჲ, ჭურჭელთა ზედა. დაშთომილთა სახლსა შინა. უფლისასა და სახლსა შინა მეფისა იუდაჲსსა და იერუსალიმს შინა.
ბაბილონდ წარიხუნენ, და მუნ იყვნენ ეიდრე დღედმდე მოძიებისა Page of ed. 1709: 98a მათისა, ესრეთ იტყჳს უფალი, და Page of ms. Ga: 239v აღმოვიხუნე იგი[ნი] და მოვაქცინე ამას ადგილსა.
