და შენ, ძეო კაცისაო, წინაწარმეტყუელებდ მთათა ზედა ისრაჱლისათა და არქუ მთათა ისრაჱლისათა: ისმინეთ სიტყუაჲ უფლისაჲ,
ამათ იტყჳს ადონაი უფალი ძის წილ, რომელ თქუა მტერმან თქუენ ზედა: ვაშა, ოჴერ საუკუნე მაღალნი დასაპყრობელად იქმნეს ჩუენდა.
ამისთჳს წინაწარმეტყუელებდ და არქუ: ამათ იტყჳს ადონაი უფალი: ნაცვლად ქმნისა თქუენისა განსაქარვებელად ყოველთა მიერ წარმართთა და ნაცვლად შეურაცხ-ქმნისა თქუენისა ყოველთა მიერ გარემოჲსთა თქუენთა, ქმნად თქუენდა დასაპყრობელად ყოველთაგან ნეშტთა წარმართთა, და აღხუედით სასიტყუელ ენისა ბაგეთა ზედა და საყუედრელად წარმართთა,
ამისთჳს, მთანო ისრაჱლისნო, ისმინეთ სიტყუაჲ უფლისაჲ: ამათ იტყჳს ადონაი უფალი მთათა და ბორცუთა და ნაღუარევთა და ჴევნებთა და დანახეთქთა და მოოჴრებულთა და უჩინოქმნილთა და ქალაქთა დარღუეულთა, რომელნი იქმნეს წარსატყუენველ და დასათრგუნველ დაშთომილთა წარმართთაჲ გარემოჲსთა თქუენთა,
ამისთჳს ამათ იტყჳს ადონაი უფალი: უკუეთუ არა ცეცხლითა გულისწყრომისა ჩემისაჲთა ვიტყოდი სხუათა ზედა ნათესავთა და იდუმეასა ზედა ყოველსა, რამეთუ მისცეს ნაწილი ჩემი თავთა მათთა დამკჳდრებად მხიარულებით ყოვლით გამო გუ\ლით Page of ed. 1709: 197b შეურაცხისმყოფელთა სულთასა უჩინო-ყოფად ტყუეობისა მიერ,
წინაწარმეტყუელებდ ამისთჳს ქუეყანასა ზედა ისრაჱლისა და არქუ მთათა და ბორცუთა და დანახეთქთა და ჴევნებთა: ამათ იტყჳს უფალი უფალი: აჰა მე შურითა ჩემითა და გულისწყრომითა ვთქუ ნაცვლად ყუედრებასა წარმართთასა თავს-დებისა თქუენგან.
ამისთჳს აჰა მე აღვიღებ ჴელსა ჩემსა წარმართთა ზედა, გარემოჲსთა თქუენთა, ამათ შეურაცხებაჲ მათი მიიღონ.
ხოლო თქუენ, მთანო ისრაჱლისნო, ყურძენი გამოსცეთ და ნაყოფი თქუენი ჭამოს ერმან ჩემმან ისრაჱლმან, რამეთუ ესვენ მოსლვად.
აჰა მე თქუენ ზედა და ზედმოვიხილო თქუენ ზედა და მოიქმნნეთ და დაითესნეთ.
და განვამრავლნე თქუენ ზედა კაცნი, ყოველი სახლი ისრაჱლისაჲ სრულიად და დამკჳდრებულ იქმნენ ქალაქნი და ოჴერქმნილნი აღეშენნენ.
და განვამრავლო თქუენ ზედა კაცნი და საცხოვარნი Page of ms. Ga: 273r და აღორძნდენ და განმრავლდენ და დაგამკჳდრნე თქუენ, ვითარცა დასაბამსა თქუენსა, და კეთილი გიყო თქუენ, ვითარ-იგი წელიწადთა წინაჲსწართა თქუენთა, და სცნათ, ვითარმედ მე ვარ უფალი.
და ვშვნე თქუენ შორის კაცნი ერისა ჩემისა ისრაჱლისა და დაგიმკჳდრნენ თქუენ და იყვნეთ მათდა დასაპყრობელად და არღა შესძინოთ მერმე უშვილოებად მათგან.
ამათ იტყჳს უფალი უფალი: მის წილ, რომელ გრქუეს: ქუეყანაჲ შემჭამელი კაცთაჲ ხარ შენ და უშ ვილოქმნილ, წარმართთა მიერ იქმენ,
ამისთჳს კაცთა არღარა შჭამდე შენ და ნათესავი შენი არა უშვილო ჰყო მერმე, -- იტყჳს ადონაი უფალი,
და არა ისმეს არა მერმე თქუენ ზედა შეურაცხებაჲ წარმართთაჲ და ყუედრებანი ერთანი არა თავს-ისხნეთ მერმე, და ნა\თესავი Page of ed. 1709: 198a შენი არა უშვილო იქმნეს მერმე, -- იტყჳს ადონაი უფალი.
და იქმნა სიტყუაჲ უფლისაჲ ჩემდამო მეტყუელი:
ძეო კაცისაო, სახლი ისრაჱლისაჲ დაემკჳდრა ქუეყანასა ზედა მათსა და შეაგინეს იგი გზათა მიერ მათთა, და კერპთა მიერ მათთა, და არაწმიდებათა მიერ მათთა. არაწმიდებისაებრ დაშტანეულისა და იქმნა გზაჲ მათი წინაშე პირსა ჩემსა.
და განვჰფინე გულისწყრომაჲ ჩემი მათ ზედა მის წილ, რომელ განჰფინეს სისხლი ქუეყანასა ზედა და კერპთა მათთა მიერ შეაგინეს იგი.
და განვაბნიენ იგინი წარმართთა შორის და განვფიწლენ იგინი სოფლებთა შორის და გზისაებრ მათისა და სიმარჯუეთაებრ მათთა ვსაჯენ იგინი.
და შევიდეს იგინი წარმართთა მიმართ, რომელთა მიმართ შევიდეს მუნ, და მუნ შეაგინეს სახელი ჩემი წმიდაჲ თქუმასა შინა მათთჳს, -- ერი უფლისაჲ ესენი, და ქუეყანისაგან მისისა გამოვიდეს.
და ვჰრიდე მათ სახელისათჳს ჩემისა წმიდისა, რომელი შეაგინეს სახლმან ისრაჱლისამან წარმართთა შორის, სადა შევიდეს მუნ.
ამისთჳს არქუ სახლსა ისრაჱლისასა: ამათ იტყჳს უფალი უფალი: არა თქუენთჳს ვჰყოფ მე, სახლო ისრაჱლისაო, არამედ სახელისათჳს ჩემისა წმიდისა, რომელი შეაგინეთ წარმართთა შორის, სადა შეხუედით მუნ.
წმიდა ვყო სახელი ჩემი დიდი, მწიკულევანქმნილი წარმართთა შორის, რომელი შეაგინეთ შორის მათსა; და ცნან წარმართთა, ვითარმედ მე ვარ უფალი, -- იტყჳს ადონაი უფალი. Page of ms. Ga: 273v განვწმიდნე რაჲ მე თქუენ შორის წინაშე თუალთა მათთა.
და მოგიყვანნე თქუენ წარმართთაგან და შეგკრიბნე თქუენ ყოველთა ქუეყანათაგან და შეგიყვანნე თქუენ ქუეყანად თქუენდა.
და გასხურო თქუენ წყალი წმიდაჲ და განსწმდეთ ყოველთაგან არაწმიდებათა თქუენთა და ყოველთაგან კერპთა თქუენთა და განგწმიდნე თქუენ.
და მიგცე თქუენ გული ახალი და Page of ed. 1709: 198b სული ახალი მივსცე თქუენ შორის; და მოგიღო გული ქვისაჲ ჴორცისაგან თქუენისა და მიგცე თქუენ გული ჴორციელი.
და სული ჩემი მივსცე თქუენ შორის და ვყო, რაჲთა სამართალთა შინა ჩემთა ხჳდოდით და მშჯავრნი ჩემნი დაიცვნეთ და ჰყოფდეთ მათ.
და დაემკჳდრნეთ ქუეყანასა ზედა, რომელი მივეც მამათა თქუენთა, და იყვნეთ ჩემდა ერად და მე ვიყო თქუენდა ღმრთად.
და განგწმიდნე თქუენ ყოველთაგან ცოდვათა თქუენთა, და მოუწოდო იფქლსა, და განვამრავლო იგი და არა მივსცე თქუენ ზედა სიყმილი.
და განვამრავლო ნაყოფი ხისაჲ და ნაშრომნი ველისანი, რაჲთა არა მიიღოთ მერმე ყუედრებად სიყმილისაჲ წარმართთა შორის.
და აღიჴსენნეთ გზანი თქუენნი ბოროტნი და სიმარჯუენი თქუენნი არაკეთილნი და მოიწყინნეთ წინაშე პირებსა თავთა თქუენთასა უშჯულოებათა თქუენთათჳს და საძაგელებათა თქუენთათჳს.
არა თქუენთჳს ვჰყოფ მე, სახლო ისრაჱლისაო, -- იტყჳს ადონაი უფალი; ცნობილ იყავნ თქუენდა, გკდემებოდენ და სირცხჳლეულ იქმნენით გზათაგან თქუენთა, სახლო ისრაჱლისაო!
ამათ იტყჳს ადონაი უფალი: დღესა, რომელსა შინა განგწმიდნე თქუენ ყოველთაგან უშჯულოებათა თქუენთა, და დავამკჳდრნე ქალაქნი და აღეშენნენ ოჴერნი
და ქუეყანად უჩინოქმნილი მოიქმნას მის წილ, რამეთუ უჩინოქმნილ იქმნა წინაშე თუალთა ყოვლისა თანწარმავალისათა.
და თქუან: ქუეყანაჲ იგი, რომელი იყო უჩინოქმნული, იქმნა, ვითარცა სამოთხე შუებისაჲ, და ქალაქნი, ოჴერნი და უჩინოქმნულნი და დათხრილნი ზღუდეთა შინა განმაგრებულთა, დასხდეს.
და ცნან წარმართთა, რაოდენნიცა დაშთენ გარემოსნი თქუენსა, ვითარმედ მე უფალმან აღვაშენენ დარღუეულნი და დავჰნერგენ უჩინოქმნ\ილნი, Page of ed. 1709: 199a მე უფალმან ვთქუ და ვქმნე.
ამათ იტყჳს ადონაი Page of ms. Ga: 274r უფალი მერმე: ესეღა საძიებელი დავდვა, სახლო ისრაჱლისაო, ყოფად მათა და განვამრავლნე იგინი, ვითარცა ცხოვარნი კაცნი.
ვითარცა ცხოვარნი წმიდანი, ვითარმცა ცხოვარნი იერუსალჱმისნი დღესასწაულთა შინა მისთა, ეგრეთ იყვნენ ქალაქნი ოჴერნი, სავსენი ცხოვრებითა კაცთაჲთა და ცნან, ვითარმედ მე ვარ უფალი.
