TITUS
Ammonius, In Aristotelem commentaria
Part No. 65

Subchapter: 11  
Line: 20  არამედ ესენი განმწვალებელობითნი ნათესავთანი,
Line: 21  შემამტკიცებელობითნი და შემდგომნი*1


Paragraph: 1  
Line: 22    ხოლო ვითარ-იგი არიან რაჲმე მხოლოდ სახენი ოდენ და რომელნიმე
Line: 23    მხოლოდ ნათესავნი ოდენ, ხოლო რომელნიმე ნათესავნიცა და სახენი, ეგრეთ
Line: 24    განყოფილებათა ზედა, რამეთუ სახისმოქმედთა განყოფილებათანი რომელნიმე
Line: 25    არიან მხოლოდ განმწვალებელობითნი უნათესვესთანი და რომილნიმე მხოლოდ
Line: 26    შემადგინებელობითნი უსახეესთანი, ხოლო რომელნიმე შემადგინებელობითნი
Line: 27    და განმწვალებელობითნი ურთიერთარსნი. რამეთუ არსებისა ვიდრემე
Line: 28    განყოფილებანი, სხეულსა, ვიტყჳ, და უსხეულოსა მხოლოდ განმწვალებელობითნი
Line: 29    არსებისანი, ხოლო არსადა შემადგინებელობითნი; ხოლო კაცისა განყოფილებანი,
Line: 30    ვითარ /სიტყჳერი და მოკუდავი, [მხ]ოლოდ შემადგინებელობითნი2
Line: 31    კაცისანი; ხოლო საშუალთაგანნი, ვითარ-იგი ცხოველისანი მოკუდავი და უკუდავი,
Line: 32    სიტყჳერი და უსიტყჳ, შემადგინებელობითნიცა და განმწვალებელობითნი,
Line: 33    რამეთუ წინააღმდგომობითნი განწვალებულებანი ცხოველისანი, ვითარ მოკუდავი
Line: 34    და უკუდავი (რამეთუ ამათდა მიმართ განიყოფვის ცხოველი) და სიტყჳერი
Line: 35    და უსიტყჳ ეგრეთვე. ხოლო ურთიერთასმიმართნი სახეთანი არიან შემადგინებელობითნი,
Line: 36    რამეთუ სიტყჳერი უკუე და მოკუდავი _ კაცისა შემადგენელ,
Line: 37    ხოლო სიტყჳერი და უკუდავი _ ანგელოზისა, და უსიტყჳ და მოკუდავი
Line: 38    _ ცხენისა.





Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.