TITUS
Flavius Iosephus, Antiquitates Iudaicae I
Part No. 3
Previous part

Section: 3  
Paragraph: 1  
Line: 29       1) და ესენი ვიდრე შჳდ ნათესავაღმდე ეგნეს ღმრთისა ყოფად მგონებელნი
Line: 30    მეუფედ ყოველთა და ყოველნივე სათნოებისა მიმართ მხედველნი. ხოლო წარსრულობასა
Line: 31    ჟამისასა გარდაიქცეს მამულთა ჩუეულებათაგან ბოროტისა მიმართ, არცა
Line: 32    განწესებულთა პატივთა ღმრთისა მიმნიჭებელნი, არცა მყოფელნი ზრუნვასა
Line: 33    კაცთა მიმართისა სამართლისასა. არამედ შური, რომელი აქუნდა პირველად
Line: 34    სათნოებისათჳს, მაშინ ორწილად სიბოროტისასა აჩუენებღეს მათ მიერ, რომელთა
Line: 35    მოქმედებდეს. ამიერ ღმერთი განარისხეს მათთჳს, რამეთუ მრავალთა ანგელოზთა
Line: 36    ღმრთისათა დედაკაცთა და შეყოფილთა მაგინებელნი შვნეს ყრმანი და ყოვლისა
Line: 37    კეთილისა შეურაცხისმყოფელნი მინდობილობისათჳს ძალისა. რამეთუ მსგავსად
Line: 38    ელლინთა მიერ თქუმულთა შეკადრებად გმირთა და ესენიცა ქმნად მოიცემვიან.
Line: 39    ხოლო ნოხოს, მათ მიერ მოქმედებულთა ზედა მწუხარე და განზრახვათა ზედა
Line: 40    უშუებოდა მქონებელი, არწმუნებდა მათ უმჯობესისა მიმართ გონებასა და
Line: 41    საქმეთა გარდაღებად. ხოლო
Page: 98   Line: 1    მხედველი არადამტევებელთაჲ, არამედ პყრობილთაჲ ძლიერად შუებისა მიერ
Line: 2    ბოროტთაჲსა, შეშინებული, ნუუკუე მოკლან იგი, დედაკაცთა თანა და ყრმათა
Line: 3    და თანმკჳდრთა მათთა განვიდა ქუეყანისაგან.

Paragraph: 2  
Line: 4       2) ხოლო ესე ღმერთმან სიმართლისათჳს ვიდრემე შეიყუარა. ხოლო
Line: 5    განსაჯნა არა მხოლოდ იგინი ოდენ სიბოროტისათჳს, არამედ ყოველი, რაოდენი
Line: 6    იყო კაცებაჲ მაშინ საგონებელად მისდა, განხრწნად და ქმნად სხუასა ნათესავსა,
Line: 7    წმიდაჲ სიბოროტისაგან, შემამოკლებელმან ცხორებისა მათისამან და მოქმედმან
Line: 8    წელთა არა რაოდენთა პირველ ცხონდებოდიან, არამედ ას და ოცთამან. ჴმელეთი
Line: 9    ზდუად გარდაცვალა და იგინი ვიდრემე ესრეთ უჩინოიქმნებიან ყოველნი.
Line: 10    ხოლო ნოხოს მარტოჲ ცხოვნდების, წინადამდებელისა ღმრთისა მიერ მისდა
Line: 11    ღონესა ცხორებისა მიმართ ესევითარისა. ლარნაკსა ოთხკედელსა აღმაშენებელი,
Line: 12    სივრცით სამასთა წყრთასა, ხოლო სიფართით ორმეოცდაათისასა და სიდრმით
Line: 13    ოცდაათისასა, ამას შინა შევიდა დედისა თანა ყრმათაჲსა და ცოლებთა მათთა,
Line: 14    სხუათაცა შთამდებელი, რაოდენთა ეგულებოდა საჴმარებისა მათისა თანშეწევნაჲ,
Line: 15    თანშემყვანებელი ცხოველთა ყოვლითურთთაჲ, მამალსა და დედალსა, დაცვად
Line: 16    ნათესავისა მათისა და სხუანი უმრავლესნი ამათსა რიცხჳთ. ხოლო იყო ლარნაკი
Line: 17    კედლითა შეკრული და მტკიცე შენაწყობითა ძლიერად და სართულითა არა სადაჲთ
Line: 18    შთამომდინარეობისათჳს, არცა ძლევისათჳს წყლის მიერისა იძულებისა. და
Line: 19    ესრეთ ნოხოს ვიდრემე თჳსთა თანა ცხოვნდების. ხოლო იყო იგი ადამოჲსითგან
Line: 20    მეათე, რამეთუ ლამეხოს იყო ძე, რომლისა მამა იქმნა მათუსალა. ხოლო
Line: 21    ესე იყო ანოხოჲს, იარედოჲს ძისაჲ, ხოლო მარულოჲსგან იარედოს იქმნა,
Line: 22    რომელი იშვა კაინაჲსგან, ენოსოჲს ძისა, დათა თანა მრავალთა. ხოლო ენოსოს,
Line: 23    სითოჲს ძე, იყო ადამოჲსაჲ.

Paragraph: 3  
Line: 24       3) ხოლო იქმნა ვნებაჲ ესე მეექუსასესა წელსა ნოხოჲს მთავრობისასა,
Line: 25    თუესა მეორესა, მაკედონელთა მიერ დიოდ სახელდებულსა, ხოლო ებრაელთა
Line: 26    მიერ მარსუანად. ხოლო ესრეთ ეგჳპტეს შინა დამწესებელნი იყვნეს წელიწადსა.
Line: 27    ხოლო მოჳსი ნისაჲ, რომელ არს ქსანთიკოს, პირველად თუედ დღესასწაულთა
Line: 28    შინა განსაზღვრა, ამას შინა ეგჳპტით ებრაელთა გამომყვანებელმან. და
Line: 29    ესე მას შინა ყოვლისა მიმართ საღმრთოჲსა პატივისა მთავრობდა. და განსყიდანი
Line: 30    უკუე და მოსყიდანი და სხუაჲ განსაგებელი პირველსა თუესა დაიცვა. ხოლო
Line: 31    წჳმისა დაწყებასა იტყჳს მეშჳღესა პირველთქუმულისა თჳსასა და მეოცესა.
Line: 32    ხოლო წელიწადი ესე ადამოჲსითგან, პირველქმნულისა, იყო წელთა ორ ათას
Line: 33    ექუსას ორმეოცდაათექუსმეტთაჲ. და აღჭერილ არს უკუე წელიწადნი სამღდელოთა
Line: 34    წიგნთა შინა, დამნიშნველთაგან მაშინ მრავლისა თანა გამომწულილვისა
Line: 35    შობათაცა საჩინოთა კაცთასა და აღსრულებათა.

Paragraph: 4  
Line: 36       4) ადამოჲს ვიდრემე, სამას და ოცდაათ წლის ქმნილისა, იშვა ყრმაჲ
Line: 37    სითოს, რომელმან იცხოორება ცხრაას და ოცდაათსა წელსა. ხოლო სითოს,
Line: 38    ორას და მეხუთესა წელსა, შვა ენოსოჲ, რომელმანცა, ცხოვნებულმან წელთა
Line: 39    ცხრაას და ხუთთა, ყრმასა თჳსსა, კაინას, მიათუალნა ზედმოურნეობანი
Line: 40    საქმეთანი, მშობელმან მისმან ოთხმეოცდამეათესა წელს. ესე ცხონდა წელთა
Page: 99   Line: 1    ათორმეტთა ცხრაასთა თანა, ხოლო კაინას, ცხოვნებულმან ცხრაას და წელსა,
Line: 2    შვა ძე მალაილოს, შობილი წელსა სამეოცდამეათესა შინა. ესე უკუე მალაილოს,
Line: 3    ცხოვნებული ხუთთა ოთხმეოცდაათთა და რვაასთა თანა, აღსრულდა, იარედოჲს
Line: 4    დამტევებელი მედ, რომელმანცა, წელიწდისა სამეოცისა და ას და ხუთისა
Line: 5    ქმნილმან, შვა ამას, ორთა და სამეოც და ცხრაასთა თანა ცხოვნებულსა,
Line: 6    ანოხოს ძე ენაცვალების, შობილი წელთა ორთა და სამეოცთა და ასთა მამისა
Line: 7    მისისა მყოფობისათა. ესე, ცხოვნებული სამეოცდახუთთა სამასთა, თანაწარვიდა
Line: 8    ღმრთისა მიმართ, რომლისათჳსცა არცა აღსასრული მისი დაწერეს. ხოლო მათუსალას,
Line: 9    ანოხოჲს ყრმასა, სამეოცდამეხუთესა რომელსა, ესუა ძე ლამიხოს, ქმნილსა
Line: 10    წელთა ას სამეოცდაათჩჳდმეტთასა, რომელსა მთავრობაჲ მისცა მან, დამპყრობელმან
Line: 11    მისმან წელთა ცხრა და სამეოც და ცხრაასთამან. ხოლო ლამიხოს, მთავარქმნილმან
Line: 12    შჳდთა და შჳდასთა წელთა, მონაგებთა მისთა ზედამდგომელად გამოაჩინა
Line: 13    ნოხოს, ძე თჳსი, რომელიცა ლამიხო და ქმნილი აღმავალისა წელსა რვა ას
Line: 14    და მეორესა, ცხრაას და ორმეოცდაათთა წელთა შინა ემთავრა მონაგებთა.
Line: 15    ესე შეკრებილნი წელნი პირველაღჭერილსა სრულჰყოფენ ჟამსა. ხოლო ნუვინ
Line: 16    გამოეძიებს აღსასრულსა მამაკაცთასა, რამეთუ ყრმათა მათთა და მათ მიერ
Line: 17    შობილთა თანა განაგრძობდეს ცხორებასა. არამედ შობათა მათთა მხოლოდ
Line: 18    ხედევდინ.

Paragraph: 5  
Line: 19       5) ხოლო აუწყა რაჲ ღმერთმან და წჳმად იწყო, ორმეოცთა შინა დღეთა
Line: 20    შთამოვიდოდა წყალი ვიდრემე ზედაღსლვაღმდე ქუეყანისა წყრთასა ათხუთმეტსა.
Line: 21    და ესე იყო მიზეზი არა ცხოვნებაჲ მრავალთა, მიზეზსა განვლტოლვისასა
Line: 22    არა მქონებელთაჲ. ხოლო ძნიად დაცხრომილობასა წჳმისასა იწყო წყალმანცა
Line: 23    დაცხრომად დღეთა შინა ას ორმეოცდაათსა, თუესა მეშჳღესა, ხოლო მაშინ
Line: 24    მეშჳღე იყო დადგომილისაჲ. ამისა შემდგომად ლარნაკი მწუერვალთასა ზედა
Line: 25    რომელსამე სომხითისა მთისასა დადგა. და გულისჴმისმყოფელმან ნოხოს განადო
Line: 26    იგი და, მხილველი მცირედისა ქუეყანისაჲ მახლობელად მისა, უმჯობესთა
Line: 27    ზედა სასოებისათა ქმნილი, მყუდროობდა, ხოლო უკუანაჲსკნელ მცირეთა დღეთა,
Line: 28    უფროჲსაო მოკლებულობათა წყლისასა, განუტევა ყორანი, მგულებელმან ცნობად,
Line: 29    უკეთუ რაჲვე ქუეყანისაჲ. წყლისა მიერ დაევებული, მკიცე არს გარდამოსლვისათჳს.
Line: 30    ხოლო ყოველსავე მპოვნელი ტბებრივად, ნოხოჲს მიმართ უკუნიქცა. ხოლო
Line: 31    შემდგომად შჳდთა დღეთაჲსა ტრედი წარავლინა ცნობად ქუეყანისა ძლითთათჳს,
Line: 32    რომლისა უკუნქცეულობასა მისა მიმართ, შეთიჴიანებულისა თანად და მიმღებელისა
Line: 33    რტოსა ზეთისხილისასა, მცნობელმან გარდაცვალებასა ქუეყანისასა წყლითრღუნისაგან
Line: 34    და დადგრომილმან სხუათა შჳდთა დღეთა, ცხოველნი ლარნაკისაგან განუტევნა.
Line: 35    ხოლო იგი, ნათესავისა მისისა თანა გამოსრული და მამსხუერპლებელი ღმრთისაჲ,
Line: 36    განსცხრებოდა თჳსთა თანა. "გამოსლვისად უკუე ადგილსა ამას სომეხნი
Line: 37    სახელსდებენ, რამეთუ მუნ ცხოვნებულისა ლარნაკისა ნეშტთა მერმეცა მსოფლიონი
Line: 38    აჩუენებენ.

Paragraph: 6  
Line: 39       6) ხოლო ამის წყლითრდუნისა და ლარნაკისასა მოიჴსენებენ ყოველნი
Line: 40    ბარბაროზებრივთა მოთხრობათა აღმწერელნი, რომელთაგანი არს ვიროსოს ხალდეველი.
Line: 41    რამეთუ მომთხრობელი წყლითრდუნისათჳს, ესრეთ იტყჳს: "ხო\ლო
Page: 100   Line: 1    ითქუმის ნავისათჳს სომხეთს შინა, მახლობლად მთაჲ კორჳღეოთასა, მერ
Line: 2    მეცა ყოფად კერძოსა რასმე და მოდებად ვიეთმე წუნწუბისაგან მიმდებელთა.
Line: 3    ხოლო უმეტესდა იჴუმევენ კაცნი მიღებულსა განსაჴდელად. ხოლო მოჴსენებასა
Line: 4    მათსა იერონჳმოსცა ეგჳპტელი, ძუელსიტყუაობასა ფჳნიკისასა აღმწერელი,
Line: 5    და მნასეასცა და სხუანი მრავალნი. და ნიკოლაოს დამასკინელი ოთხმეოცდამეათექუსმეტესა
Line: 6    წიგნსა შინა მოიტყჳს, ესრეთ მეტყუელი: "არს ზენა კერძო მინჳადაჲსა
Line: 7    მთაჲ დიდი, სომხეთს, ვარიდ სახელდებული, რომლისა მიმართ მრავალთა,
Line: 8    მილტოლვილთასა წყლითრღუნისაზე, ცხოვნებასა მქონებელ არს სიტყუაჲ და
Line: 9    ვისმე. ლარნაკისა ზედა მჯდომარესა, მწუერვალისა მიმართ მთისა მიახლებასა
Line: 10    და დანეშტებულსა ძელთასა მრავლად დადგრომასა. ხოლო იყოს ესეცა, რომელი
Line: 11    მოსე აღჭერა, იუდელთა სჯულისმდებელმან

Paragraph: 7  
Line: 12       7) ხოლო ნოხოს, შეშინებული, ნუ წლითიწლად წარჰრღუნიდეს ღმერთი
Line: 13    ქუეყანასა, განმბჭობი კაცთა ხრწნილებისაჲ, საკუერთხთა დამწუველი, ევედრებოდა
Line: 14    მიერითგან ღმერთსა დადგრომად პირველისა ზედა კეთილწესიერებისა და არა
Line: 15    ესევითარსა მოდებად ვნებასა, რომლისა მიერ იიძულოს ყოველი ნათესავი
Line: 16    ცხოველთაჲ წარწყმედად, არამედ განსჯად ბოროტთა და წყალობისა ქმნად
Line: 17    დატევებულთათჳს სახიერებისა ძლით და დასჯილთაგან ლტოლვად ბოროტსა.
Line: 18    რამეთუ უძნელბედესთა ყოფად იტყოდა ამათ და უძღრესითა ძჳნითა განსად,
Line: 19    უკუეთუ არა სრულად იყვნენ ცხოვნებულნი, არამედ იმარხვოდინ სხჳსა წყლითრღუნისად,
Line: 20    პირველისაგან ვიდრემე შიშსა და მოთხრობასა სწავლულნი, ხოლო მეორისაგან
Line: 21    წარსაწყმედელსა. სიტკბოებით უკუე შეწირვასა მსხუერპლისა მისისასა ევედრებოდა
Line: 22    და არცა ერთსა რისხვასა მერმეცა პირველისა მსგავსსა ქუეყანისა ზედა
Line: 23    მოღებად, რაჲთა, მუშაკობათა მის მიერთა მოქმედთა და ქალაქებისა აღმაშენებელთა,
Line: 24    კეთილბედნიერად აქუნდეს ცხორებაჲ და არაჲს კეთილთაგანისა დაკლებულ
Line: 25    იქმნენ, რომელთა და პირველ წყლითრღუნისაცა, მიიდებდეს გრძელსა შინა
Line: 26    სიბერესა და ვრცელსა ცხორებასა, მსგავსად მადლად მომავალთასა.

Paragraph: 8  
Line: 27       8) ხოლო ნოხოს რაჲ ვედრებანი ესე ქმნნა, ღმერთმან, მოყუარემან
Line: 28    მამაკაცისამან სიმართლისათჳს, უწამა მას ლოცვათა მისთა დასასრულად
Line: 29    მიდებაჲ, მეტყუელმან არცა განხრწნილთათჳს მის მიერ ქმნასა წარწყმედისასა,
Line: 30    არამედ სიბოროტითა მათითა ქუეშე ქმნად ესევითარისა სასჯელისა, არცამცა
Line: 31    მოეყვანნეს იგინი ცხორებად, უკუეთუმცა ქმნილთა კაცთა უინოქმნაჲ ენება,
Line: 32    რამეთუ ჯერ-იყო დასაბამსავე არა მინიჭება მათდა ცხორებასა, ვიდრედა მიმცემელისაგან,
Line: 33    განხრწნაჲ მათი. "არამედ რომელთა მიერ აგინებდეს კეთილმსახურებასა
Line: 34    ჩემსა და სათნოებასა, ამათ მიერ მაიძულეს მე ესევითარსა სასჯელსა დადებად
Line: 35    მათ ზედა. ხოლო ამიერითგან დავსცხრე ესევითარითა რისხვითა სასჯელთა
Line: 36    უსამართლობათა ზედა მიმჴდელი და უფროჲსღა შენ, მვედრებელისა მიერ.
Line: 37    ხოლო უკუეთუ ოდესმე უეტეს ზამთარი ვყო, ნუ შეშინდებით სიდიდისაგან
Line: 38    წჳმათაჲსა, რამეთუ არღა მერმეცა წარრღუნას მან ქუეყანა. ხოლო გამცნებ
Line: 39    კაცობრივისა კლვისაგან განყენებად და წმედად მკლველობისაგან, ხოლო
Line: 40    მოქმედთა ესევითართასა განსად. უმევად სხუთა ყოველთა ცხოველთა, რომელნიცა
Line: 41    გთნდენ და გემოვნებანი
Page: 101   Line: 1    გაქუნდენ, რამეთუ ყოველთა ზედა მეუფედ თქუენ შეგქმნენ. ხოლო სასწაულ
Line: 2    გიყო თქუენ ყოფადი განსუენებაჲ მშჳლდითა ჩემითა ირის1 ცხაღმყოფელმან,
Line: 3    რამეთუ მშჳლდად ღმრთისა მიერ საგონებელ არს იგი და ღმერთი ვიდრემე,
Line: 4    ამათი მეტყუელი და აღმთქუმელი, წარვიდა.

Paragraph: 9  
Line: 5       9) ხოლო ნოხოს, ცხოვნებულ შემდგომად წყლითრდუნისა სამას ორმეოცდაათთა
Line: 6    წელთა და ყოველსა ჟამსა მისსა კეთილბედნიერებით წარმვლელი, აღესრულა,
Line: 7    ცხორებული რიცხუსა წელთა ცხრაას და ორმეოცდაათთასა. ხოლო ნუვინ, აწინდელისა
Line: 8    ცხორებისა მიმართ და სიმცირისა წელთაჲსა, რომელთა ვცხოვნდებით, შემასწორებელი
Line: 9    ძუელთასა ტყუვილად შეჰრაცხს მათთჳს თქუმულთა, არცა აწ ესეოდენ განგრძნობისათს
Line: 10    წელიწდისა ცხორებასა შინა სახისმცემელი, არცა მათსა მიწევნილობასა
Line: 11    სივრცისა მიმართ მის ცხორებისა. რამეთუ იგინი, ღმრთისმოყუარედ მყოფელნი
Line: 12    და ღმრთისა მიერ ქმნილნი და საზრდელთაცა უმჯობესთა უმრავლესთა წელთა
Line: 13    მიმართ მყოფთა, სამართლად ცხოვნდებოდეს სიმრავლესა ესოდენთა წელთასა.
Line: 14    ამას თანა სათნოებისათჳსცა და კეთილსამარებისა, რომელთა მოიგონებდეს
Line: 15    ვარსულავთ მრიცხუველობისა და ქუეყანისმზომელობისა მიერ, უმეტესსა ცხორებასა
Line: 16    მიანიჭებდა მათ ღმერთი, რომელნი არა იყვნეს მათ მიერ წინაწარ მტკიცედ
Line: 17    თქუმად არა ცხორებულთა ექუსასთა წელიწადთა, რამეთუ ესეოდენთა მიერ
Line: 18    სრულიქმნების დიდი იგი წელიწადი. ხოლო მოწამე არიან სიტყჳსა ჩემისა
Line: 19    ყოველნი ელლნთა შორის და ბარბაროზთა, აღმწერელნი დასაბამსიტყუაობისანი.
Line: 20    და რამეთუ მანეთოს, ეგჳტელთა მოქმედი აღჭერისაჲ, და ხალდეველთა შემკრებელი
Line: 21    ვიროსოს და მოხოს და ესტეოს, და ამათ თანა ეგჳტელი იერონჳმოს, ფჳნიკებრივთა
Line: 22    აღმწერელნი, თანაჴმა1 არიან ჩემ მიერ თქუმულთა. ხოლო ისიოდოს და ეკატეოს,
Line: 23    ელანიკოს და აკუსილაოს და ამათ თანა ეფოროს და ნიკოლაოს იტყჳან ძუელთა
Line: 24    ცხორებულად წელთა ათასთა. ამისთჳს უკუე, ვითარცა საყუარელ იყოს თითოეულისა,
Line: 25    ესრეთ განიხილევდენ.



Next part


This text is part of the TITUS edition of Flavius Iosephus, Antiquitates Iudaicae I.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.