TITUS
Flavius Iosephus, Antiquitates Iudaicae I
Part No. 4
Previous part

Section: 4  
Paragraph: 1  
Line: 27       1) ხოლო ნოხოჲს ყრმან სამნი. სიმას და იაფეთას და ხამას, წლითა
Line: 28    უწინარეს წყლითრდუნისა ქმნილნი, პირველად შთამოსრულნი მთავაკეთა მიმართ,
Line: 29    ამათ შინა დამკჳდრებულ იქმნნეს და სხუათაცა, ფრიად შეშინებულთა მდაბალთა
Line: 30    ქუეყანათაგან წყლითრდუნისა ძლით და მოშიშებით მქონებელთა მაღალთა ადგილთაგან
Line: 31    შთამოსლვისათჳს, არწმუნეს, მინდობილთა მსგავსად მათსა ყოფად ქმნა.
Line: 32    და ქუეყანა, რომელი პირველ დაიმკჳდრეს მათ, იწოდების სენაარად. ხოლო
Line: 33    ღმერთმან უბრძანა მათ, რაჲთა, უკუეთუ განმრავლდენ, გარდაისახლებოდიან,
Line: 34    რაჲთა არა მბრძოლ იყვნენ ურთიერთას, არამედ მოქმედნი მრავალსა ქუეყანასა,
Line: 35    უხუად მიიდებდენ ნაყოფთაგან. ხოლო იგინი უმეცრებისა მიერ ურჩექმნნეს
Line: 36    ღმერთსა და ამისთჳს, განსაცდელთა შთავრდომილნი, მგრძნობ იყვნეს ცოდვისა.
Line: 37    და ვინაჲთგან ყუაოდეს სიმრავლითა სიჭაბუკისაჲთა, კუალად ღმერთმან განაზრახა
Line: 38    მათ ქმნაჲ გარდამკჳდ\რებისაჲ.
Page: 102   Line: 1    ხოლო იგინი, არა სახიერებისა მისისაგან მგონებელნი ქონებად კეთილთა,
Line: 2    არამედ ძალსა მათსა მიზეზად თჳსისა ღონიერებისად მეჭუელნი, არა ირწმუნებდეს.
Line: 3    ხოლო შესძინეს მერმეცა ურჩქმნად მცნებასა ღმრთისასა და განზრახვად
Line: 4    გონებასა შინა, ვითარმედ განზრახვით აწუევს მათ გარდამკჳდრებისა მიმართ,
Line: 5    რაჲთა, განყოფილნი, ადვილად ჴელპყრობილ იქმნენ.

Paragraph: 2  
Line: 6       2) ხოლო მიიზიდნა იგინი გინებისა მიმართ ღმრთისა და შეურაცხყოფისა
Line: 7    ნევროდის, შვილისშვილად ვიდრე მყოფმან ხამოჲს, ნოხოს ძისამან, კადნიერადმან
Line: 8    და ჴელითა მჴნემან, რომელმანცა არწმუნა მათ არა ღმრთისა მიჩემებაჲ
Line: 9    მის მიერისა კეთილბედნიერობისაჲ, არამედ მეჭუელობად თჳსისა სათნოებისა
Line: 10    მიერ მინიჭებისა ამათსა და მცირედმცირედ დაადგინებდა მძლავრებისა მიმართ
Line: 11    საქმეთაჲსა, მხოლოდ ესრეთ მეჭუელი განყენებასა კაცთასა შიშისაგან ღმრთისა,
Line: 12    უკუეთუ მჴუმეველ ძალისა მათისა იყვნენ. ხოლო შურისგებად ღმრთისად მიმოქადულობდა,
Line: 13    მგულებელისა კუალად წარდუნად ქუეყანასა, რამეთუ იტყოდა გოდლისა აღშენებასა
Line: 14    მადალსა, რაოდენ არა შემძლებელ იყოს წყალი აღსლვად, ხოლო ზღვევად პირველშობილთაცა
Line: 15    წარწყმედასა.

Paragraph: 3  
Line: 16       3) და სიმრავლე უკუე ერისაჲ გულსმოდგინე იყო შედგომად განწესებათა
Line: 17    ნევროდისთა, მონებად შემრაცხელი დამორჩილებასა ღმრთისასა. და გოდოლსა
Line: 18    აშენებდეს, არარას მომაკლებელნი მოსწრაფებისაგან, არცა მოქმედებისა
Line: 19    მიმართ მცონარებით მქონებელნი. ხოლო მოიდებდა მალიად სიმაღლესა ვიდრე
Line: 20    მოგონებისა ვისისამე მრავალჴელობისა მიერ. და სისქე ესოდენ ძლიერ იყო,
Line: 21    ვიდრე და შემცირებადცა მის მიერ მხედველთათჳს სივრცესა. ხოლო იშენებოდა
Line: 22    მცხვრისა ალიზისა მიერ, წუნწუბისა თანა შეკრულისა, რაჲთა არა განირდუეოდის.
Line: 23    და ესრეთ უკუე მათმან აღორგებულად მხედველმან ღმერთმან წარწყმედაჲ
Line: 24    ვიდრემე ყოვლითურთი არა საჯა, რამეთუ არცა პირველად წარწყმედილთა მიერ
Line: 25    გონიერქმნილ იყვნეს, არამედ წინაადდგომასა ურთიერთარსსა შთაყარნა იგინი,
Line: 26    სხუა ენად მოქმედმან მათმან და მრავალმობისა მიერ უგულისჴმისმყოფელმან
Line: 27    მათმან. ხოლო ადგილი, რომელსა შინა გოდოლი აღაშენეს, აწ ბაბჳლოვნად
Line: 28    იწოდების შერევნისათჳს ენათა მიერისა, რამეთუ ებრაელნი შერევნასა ვაველად
Line: 29    უწოდენ. ხოლო გოდლისა ამისთჳს და სხუაჴმობისა კაცთასა მოიჴსენებს
Line: 30    სივჳლლაცა, მეყუელი ესრეთ. ყოველთა კაცთა ერთჴმაობასა გოდოლი აღაშენეს
Line: 31    ვიეთმე მაღალი, ვითარ ცად მიმართ აღმავალადთა მის მიერ. ხოლო ღმერთთა,
Line: 32    მომვლენელთა ქართასა, შთაარღჳეს გოდოლი და თჳსგან თითოეულსა1 ჴმაჲ
Line: 33    მისცეს. და ამისთჳს ბაბჳლონად წოდებაჲ შეემთხჳა ქალაქსა ხოლო ქუეყანისათჳს,
Line: 34    სახელდებულისა სენიარად, ბაბჳლონისა სოფელსა შინა, მოიჴსენებს ესტეოს,
Line: 35    მეტყუელი ესრეთ: "ხოლო მღდელნი, ცხოვნებულნი მბრძოლისა, დიოჲსნი მიმდებელნი
Line: 36    სამღდელოთანი, სენაარად ბაბჳლონისად მოვიდეს."



Next part


This text is part of the TITUS edition of Flavius Iosephus, Antiquitates Iudaicae I.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.