TITUS
Nemesios of Emessa, De natura hominum
Part No. 27
Previous part

Chapter: 26(27)  
Line: 19 
თავი XXVII
Line: 20 
[წინააღრჩევითისა მიდრეკისა-თჳს]


Paragraph: 1  
Line: 21    არს უკუ მებრ წინააღრჩევითა, გინათუ მებრ დახუდომით მიდრეკისა
Line: 22    დასაბამ ვინაჲ-მე ტჳნებრივი ძარღჳ, რომელი გარდაჰვლის

Page: 118  
Line: 1    საშუალ ოდენ თავსა, და უკანაჲთ-კერძოჲ ტჳნი, რომელი ამის ძარღჳსავე
Line: 2    არს ნაწილ; ხოლო ორღანო -- ამათ-გან აღმოცენებულნი ძარღუნი
Line: 3    და თანშემკრველნი და მყესნი. არამედ მყესნი შემტკიცებულ
Line: 4    არიან სხეულთა-გან და შეშაძარღუჱბრივთა ინოთა-გან და ტენონისა,
Line: 5    რამეთუ თანშეთხზულ არიან შეშაძარღუთად ინონი; ვინაჲ ვიეთ-მე
Line: 6    იჰაზრნეს იგინი მეგრძნეყოფად, თანაღთხზულთა მათდა ძარღუთა
Line: 7    გრძნობისა-თჳს. არს უკუჱ ტენონი შეკრებილ და შედგმულ თანშემკრველთა-გან
Line: 8    და წური ლთა ძარღუთა. განეყოფვის უკუჱ ძარღუთა
Line: 9    ტენონი ამით, რომელ ყოველი ძარღჳ მგრძნობელობითი არს
Line: 10    და მრგუალი და უჩჩოჲსი, და [და]საწყისი და დასაბამი თავის-შო-რისისა
Line: 11    ტჳნისა-გან აქუს; ხოლო ტენონსა ძუალთა-გან აქუს დასაწყისი
Line: 12    და ძარღუთაჲსა უფიცხე არს და თჳთ თჳს-შორის უგრძნულ
Line: 13    და ოდეს-მე ბრტყელცა.
Paragraph: 2  
Line: 14       ხოლო ჴელნი ვი.დრე-მე არიან თანშესაწევნელთა ორღანო და
Line: 15    ჴელოვნებათა-მიმართ მომარჯუე; რამეთუ თუ ვინ ნაკლულევან ყვნეს
Line: 16    ჴელთა-გან, გინათუ მხოლოდ ჴელის თითთა-გან, კნინღა და ყოველთა
Line: 17    ჴელოვნებათა-მიმართ უჴმარ ჰყოფს კაცსა; რომლისა-თჳსცა და
Line: 18    მხოლოდ კაცსა ოდენ, ვინაჲთგან და სიტყჳ[ე]რცა არს და ჴელოვნებათა
Line: 19    შემწყნარებელ, ჴელნი მიეცნეს შემოქმედისა-მიერ; ხოლო ფერჴნი
Line: 20    -- მიმოცვალებისა ორღანოდ, რამეთუ მებრ ადგილობითთა მიდრეკათა
Line: 21    მათ-მიერ მოქმედ ვართ; რამეთუ მხოლოდ კაცი ოდენ შეუძლებს
Line: 22    დაჯდომად თჳნიერ რაჲსავე განმამტკიცებელისა და არაჲს მოქენე
Line: 23    მისაყრ დნობელისა, რამეთუ მხოლოდ მარტოჲ უკუჱ ორთავე
Line: 24    მუჴლთა-მიმართ მართლიად მოჲდრეკს ბარკალთა ისქიოთა ვინაჲ-მე და
Line: 25    იღნიოთა-მიერ: რომლითა-მე შინაჲთ-მიმართ, ხოლო რომლითამე
Line: 26    გარეთ-მიმართ.
Paragraph: 3  
Line: 27       რაოდენნიცა მყესთა-მიერ და ძარღუთაჲსა მიდრკებიან, ესე სულითნი
Line: 28    ვიდრე-მე არიან და მებრ წინააღრჩევითთა მიდრეკათა აღასრულებენ;

Page: 119  
Line: 1    რამეთუ ამათდადვე გრძნობაჲცა ვიდრე-მე და ჴმაჲ აღმოვაჩინეთ.
Line: 2    რამეთუ ესე ვინაჲ-მე არს უკლებად სულითთა და ბუნებითთა
Line: 3    საქმეთა გაცნობაჲ. ხოლო შემოქმედმან უხაზღვროთა თდსთა
Line: 4    წინგანმრჩევით სიტკბოებათა-მიერ თანშეუთხზნნა ბუნებითთა სულითნი,
Line: 5    და წინაუკმოცა. არამედ ვინაჲთგან განმჴუმეველობაჲ ნამეტნავთა
Line: 6    გარეგანმავლენელობითისა ძალისა-გან არს, რომელი ერთი ბუნებითთა
Line: 7    ძალთა-განი არს, რათა არა უნებელით უძუჱრ ვიქმნებოდეთ, სადა
Line: 8    იგი არა ჴმდეს მწადებელნი, ვითარცა ბჭეთ-მცველნი ვინანი-მე
Line: 9    დაადგინნა მყესნი, რომელ არიან მომზიდველნი თაგუნი, -- და ესრეთ
Line: 10    ვინაჲვე ქმნნა ბუნებისა სულითნი საქმენი; რამეთუ გარეგანსასჯელთა
Line: 11    და განსაყრელთა ამის-მიერ ვიდრე-მე შეუძლებთ პყრობად
Line: 12    ჟამრაოდენ-მე და რაჲზომვე.
Paragraph: 4  
Line: 13       შთამოჲვლინების უკუჱ მგრძნობელობითი და ჩჩჳლი ძარღჳ
Line: 14    საშუალთა-გან და წინათა მუცელთა თავის-შორისისა ტჳნისათა, ხოლო
Line: 15    უფიცხესნი და მიმდრეკნი -- უკ[უ]ანათა-გან მუცელთა და უკუანათავე
Line: 16    კისრებრივთა ტჳნთა-გან. და ესენი უფროჲს ხოლო ქუჱნათა-მიერ
Line: 17    უკ[უ]ანაჲს-კერძოჲსა ნაწილთაჲსა; რამეთუ რაჲზომცა განეშორებოდის
Line: 18    თავის-შორისსა ტჳნსა ნოტიეოჲ, რომელ არს კერძი უკუანაჲ, ეგზომვე
Line: 19    გაფიცხდების იგიცა და ძარღუნი მის-გან განბუნებულნი, რომელ
Line: 20    არიან გამავალნი. ვითარცა და ვითარ საგრძნონი ორკეცად მივიხუჱნით,
Line: 21    ეგრეთვე და გაფშჳნვაჲცა ძარღუთა ორკეცივე მაქუს ჩუენ;
Line: 22    რამეთუ თჳთეული უკუანათ-კერძისა ნოტიეოჲსა, რომელ არს კისრისა,
Line: 23     ორ-ორსა განავლენს ძარღუსა, და რომელსა-მე მარჯუჱნითსა
Line: 24    კერძსა სხეულთასა მიუვლენს, ხოლო რომელსა-მე მარცხენითსა. კნინღა
Line: 25    და ყოველი სხეული ჩუენი ორად განყოფილ არს: რომელი-მე
Line: 26    მარცხენედ და რომელი-მე მარჯუჱნედ; ეგრეთვე და ფერჴნიცა და
Line: 27    ჴელნი და სხუაჲცა ყოველი თჳთეულთა საგრძნობელთაჲ.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.