TITUS
Nemesios of Emessa, De natura hominum
Part No. 31
Previous part

Chapter: 30(31)  
Page: 130  
Line: 1 
თავი XXXI
Line: 2 
უმეცრებით უნებლიითისა-თჳს


Line: 3     მრავალსა უკუჱ ვიქმთ უმეცრებით, რომლისაცა შემდგომად ქმნისა
Line: 4    მოხარულ ვართ, -- ვითარ იგი, ოდეს რაჲ არ ნეფსით მტერი
Line: 5    მოკლას, იხარებს ვინაჲვე სიკ[უ]დილსა-ზედა მისსა. და ამათ ესევითართა
Line: 6    უწოდენ არნეფსითად და არცა ვიდრე-მე უნებლიითად*. და
Line: 7    კუალად ვიქმთ რათ-მე უმეცრებით და ქმნილთა მათ-ზედა წუხნეულ
Line: 8    ვართ; და ამას უკუჱ უწოდს უნებლიითად, რაოდენთა ქმნილთაჲსა
Line: 9    შეუდგების წუხილი. არამედ უმეცრებითთა ორ ვინაჲ-მე არს გუარი:
Line: 10    ერთი უკუჱ არ ნეფსითი, ხოლო მეორე უნებლიითი. ვინაჲცა აწ წინამდებარე
Line: 11    არს მხოლოდ ოდენ უნებლიითისა-თჳს; რამეთუ არ ნებსით[ი]
Line: 12    უფროჲს ხოლო ნეფსითთა თანამიერთვის, რამეთუ შერევითი ვიდრე-მე
Line: 13    არს; ვინაჲცა დასაბამი უნებლიითად აქუს, არამედ აღსასრული
Line: 14    -- ნეფსითად, დახუდომით მჴდომისა-გან. არამედ თჳნიერ ნებისა
Line: 15    იტყჳნ უნებლიითსა: უნებლიითი არსო,** რომელი, არ ნეფსითისა-მიერ***
Line: 16    იყოს რაჲთურთით, დასანანო და საწუხო ვინაჲვე იყოს.
Line: 17    და კუალად სხუა არს უმეცრებით ქმნილი და სხუა ნაუმეცრები.
Line: 18    არამედ, თუ რად-მე ჩუენ-შორის იყოს მიზეზი უმეცრებისაჲ, უმეცარქმნილნი
Line: 19    უკუჱ ვიქმთ, არამედ არაჲს-თჳნ უმეცრებით ვინაჲვე;
Line: 20    რამეთუ მთრვალსა და გულმწყრალსა მოქმედსა რაჲსავე უჯეროჲსასა,
Line: 21    რომელსა-მე მთრვალობაჲ, ხოლო რომელსა-მე გულმწყრალობაჲ მიზეზად

Page: 131  
Line: 1    უპყრიეს მის-მიერ ქმნილთა-თჳს, რომელნი არიან ნეფსით
Line: 2    ვიდრე-მე. რამეთუ ჯერიყო მისდა არა დათრობად! რამეთუ თჳთ
Line: 3    იქმნა მიზეზ თჳსისა უმეცრებისა. ესე უკუჱ არ უმეცრებითად ითქუმის
Line: 4    მოქმედად, არამედ უმეცარქმნილი მოქმედებს, რომელი არა არს
Line: 5    უნებლიითად, არამედ ნეფსითად. რომლისა-თჳსცა იძაგებიან წესნიეერთა-გან
Line: 6    ამათნი მოქმედნი. რამეთუ, თუმცა არა დამთრვალ იყო,
Line: 7    არამცა-სადა-მე ექმნა: წადილით ვინაჲვე დაითრო და წადილითცა ვიდრე-მე
Line: 8    ესე ქმნა. უმეცრებით უკუჱ მაშინ ვიქმთ ამათ, ოდეს არ
Line: 9    ჩუენ-მიერ იყოს მიზეზი უმეცრებისაჲ, არამედ ესრეთ დახუდა ვითამცა:
Line: 10    ადგილსა ჩუჱულებისასა* მსროლიარემან მამაჲ წამომვლელი
Line: 11    მებრ დახუდომით წყლა და მოკლა. რომლისა-თჳსცა თქუმულთა ამათ
Line: 12    თანაღმოჲნინების, რამეთუ არაჲს-თჳნ უმეცარი უმჯობესისა და არცა
Line: 13    მეეჭუნე ბოროტად კეთილისაჲ უნებლიითა ვნებათა მოჲთმენს, რამეთუ
Line: 14    თჳსისა ვერაგობისა-გან არს უმეცრებაჲ იგი. ხოლო იძაგების
Line: 15    ვინაჲვე და ესეცა, არამედ ძაგებაჲ ნეფსითთა-თჳს არს.
Line: 16    ვინაჲვე არა მებრ საყოველთაოდ და ტომობრივ, გინათუ მებრ
Line: 17    წინააღრჩევით ნეფსითი არს უმეცრებაჲ, არამედ ნაწილობათა-შორის;
Line: 18    რამეთუ ვინაჲვე მებრ ნაწილობითად უნებლიით, ხოლო საყოველთაოთა
Line: 19    ნეფსით ვიდრე-მე უმეცარ ვართ. ამათ ესრეთთა განსაზღვრებულ-თაჲ,
Line: 20    შემდგომითად ითქუმოდედ, თუ რომელი არს მებრ თჳთეულებითი.
Line: 21    ესე უკუჱ არს, რომელი იწოდების რიტორთა-მიერ ნაწილად შორითად,
Line: 22    ვითარ იგი: ვის, ვინ, ვისდა, [რაჲ, რაჲთ], ოდეს, სადა, ვითა, ვითარ;
Line: 23    პირის შეცვალებით: [პირი], საქმე, ორღანოჲ, ადგილი, ჟამი, სახე
Line: 24    საქმისაჲ, მიზეზი. პირი ვისაჲვე -- რომელი იგი იქმოდეს და თუ
Line: 25    რომელთა-მიმართ იყოს საქმე, ვითარ რაჲ იგი -- მამასა შვილმან სცა
Line: 26    უმეცრებით; საქმე უკუჱ -- თჳთ იგი ქმნილი, ვითარ ვის ყურიმლის-ცემაჲ
Line: 27    უნდოდა და [და]აბრმო; არამედ ორღანოჲ უკუჱ -- ვითარ რაჲ
Line: 28    ქვაჲ გასტყორცა, ჰგონა, ვითარმედ ლაქვარდი არსო; ადგილი ვინაჲვე
Line: 29    -- ვითარ რაჲ ყელისა სივიწრე[სა-შინა] ჰკრა, უმეცარ [რაჲ] ექმნა, წინადამთხუჱულსა;
Line: 30    ჟამი ვინაჲვე -- ვითარ რაჲ ღამით ჰგონა მბრძოლი,

Page: 132  
Line: 1    მოყუარე მოკლა; ხოლო სახე საქმისაჲ -- ვითარ რაჲ იგი, რომელმან
Line: 2    წყლა, დასწყნარდა და არ ადვილად მოკლა, რამეთუ უმეცარ იქმნა, თუ
Line: 3    წყლვასავე-თანა აღესრულოს; მიზეზი უკუჱ -- ვითარ იგი, რომელმან
Line: 4    მისცა წამალი, რათამცა განჰკურნა, ხოლო, რომელმან იგი მიიღო,
Line: 5    მოკუდა, ამისთჳს რომელ სამსალად ეპოა მას. არამედ ესე ყოველნი
Line: 6    ერთბამად არცათუ განცოფებულმან ვინ იუმეცნნეს და არცათუ უმრავლესნი
Line: 7    ამათნი დაღათუ და უსაკუთრესთა. ამათსა უმეცარ ექმნა და
Line: 8    ესრეთ უმეცრებით ვინაჲ-მე ქმნა. არამედ ამათ-შორის საკუთრებითი
Line: 9    არს, ვითარ იგი რაჲსა-თჳსი და თუ რაჲ-წარმოსაჩინელი, ესე იგი
Line: 10    არს -- მიზეზი და საქმე.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.