TITUS
Nemesios of Emessa, De natura hominum
Part No. 33
Previous part

Chapter: 32(33)  
Line: 3 
თავი XXXIII
Line: 4 
წინაგანრჩევისა-თჳს


Paragraph: 1  
Line: 5    რაჲ ვინაჲ-მე არს წინააღრჩევაჲ? ნუუ-მე და ნეფსითად ვინაჲ-მე,
Line: 6    ამისთჳს ვინაჲთგან და რაჲცა მებრ წინააღრჩევითი არს და
Line: 7    ნეფსითიცა არს? არამედ სანაცვლოდ არ უკუნექცევის, რომელ ვინაჲ-ვემცა
Line: 8    ესე იქმნა. ვითარმცა იგივე იყო ნეფსითი და წინააღრჩევაჲ;
Line: 9    ხოლო აწ უმეტესთა-ზედა ვჰპოებთ ნეფსითსა*; რამეთუ ყოველსა
Line: 10    წინააღრჩევასა ვინაჲვე და ნეფსითად, არამედ არა ყოველი ნეფსითი
Line: 11    წინააღრჩევასა-შორის; და რამეთუ ყრმანიცა და უტყუნი ნეფსით ვიდრე-მე
Line: 12    იქმან, არა ვინაჲ-მე და წინააღმრჩეველნი; და რაოდენსაცა
Line: 13    უკუჱ გულის-წყრომისა-მიერ ვიქმთ, არა წინაგანმზ რახნი ვიქმთ; ამათ
Line: 14    უკუ ნეფსით ვიდრე-მე ვიქმთ, არა ვიდრე-მე და წინააღრჩევით. არამედ
Line: 15    და ოდეს იჩქითად მოყუარე წარმომიდგეს ჩუენ, ნეფსით ვიდრე-მე
Line: 16    შევიკდემთ, არა ვინაჲთვე უწყებულნი; და რომელმან მოუწოდებელად
Line: 17    საუნჯე [ჰ]პოა, ნეფსით ვიდრე-მე ერმაულსა დახუდა, არა წინა-აღჩევით.
Line: 18    ყოველგნით უკუჱ შეკრბების, რომელ არ ერთ და იგივე
Line: 19    არს ნეფსითი და წინააღრჩევა[ჲ].
Paragraph: 2  
Line: 20       არამედ [ნუუ-მე და წადილ არს წინააღრჩევაჲ?] არცა ესე არს;
Line: 21    რამეთუ განიწვალების წადილი სამად: ** გულის-თქმუმად, გულის-წყრომად
Line: 22    და განზრახვად; არამედ, რომელ არცა გულის-წყრომა არს

Page: 135  
Line: 1    და არცა გულის-თქუმა არს წინააღრჩევა[ჲ], საცხადო არს უკუჱ ამათ-გან,
Line: 2    რომელ არა არს ზიარებაჲ კაცთა უტყუთა-მიმართ მებრ წინა-აღრჩევითა,
Line: 3    არამედ -- გულის-წყრომით და გულის-თქუმით ოდენ; რამეთუ
Line: 4    მებრ ამით ვინაჲვე ვეზიარებით, ხოლო წინააღრჩევითა განვეყოფვით;
Line: 5    რომლისა-გან საცნაურ არს [რომელ სხუაჲ არს] წინააღრ ჩევაჲ
Line: 6    და სხუაჲ არს გულის-თქუმაჲ და გულის-წყრომაჲ. საცხადო
Line: 7    ჰყოფს ვინაჲვე დაუპყრობელი, შეპყრობილი უკუჱ გულის-თქუმისა-გან
Line: 8    და მოქმედი მის-მიერ, არა ვიდრე-მე და მებრ წინააღრჩევით,
Line: 9    რამეთუ დაჰმატდების უკუჱ წინააღრჩევაჲ მისი გულის-თქუმასა; და
Line: 10    მოღუაწე ვინაჲვე, მოემედებდეს რაჲ მებრ წინააღრჩევით, არ მოქმედებს
Line: 11    უკუჱ მებრ გულის-თქუმით. მერმეცა კუალად, რომელ არცა
Line: 12    მგულებლობაჲ ვიდრე-მე არს წინააღრჩევაჲ, იუწყებოდედ ამიერით-გან:
Line: 13    რამეთუ არათუ ყოველთა, რომელთაჲ ჯერარს გულებაჲ*, ვიტყჳთ
Line: 14    გულებად; ხოლო** სიმრთელე წინააღმრჩეველად სიმრთელისა არაჲსადა
Line: 15    ვინ თქუას; და გულებაჲ სიმდიდრისაჲ და არა ვიდრე-მე წინააღრჩევაჲცა
Line: 16    სიმდიდრისაჲ ითქუმის. მერმეცა და გულებაჲ შეუძლებელთა-თდსცა
Line: 17    განეწესების, ხოლო წინააღჩევაჲ მხოლოდ ოდენ ჩუჱშმორისთა-ზედა;
Line: 18    რამეთუ ესრეთ უკუჱ ვიტყჳთ, ვითარმედ მეგულების უკუდავყოფად,
Line: 19     არამედ ამას ვინაჲვე ვერ ვიტყჳთ ვითარმედ წინააღვირჩევ
Line: 20    უკუდავყოფასა. რამეთუ გულებაჲ აღსასრულისაჲ არს, ხოლო
Line: 21    წინააღრნევაჲ -- აღსასრულის-მიმართი, -- ვინაჲ თჳთ ამათ შესაბამთა-ებრ,
Line: 22    რომელ აქუს საგულეიელსა გულობადისა-მიმართ, რამეთუ საგულებელი
Line: 23    ვინაჲვე -- აღსასრულ. მერმეც ამათ მხოლოდ ოდენ წინააღვირჩევთ,
Line: 24    რომელთა ჩუენ-მიერ მეეჭუნე ვიყუნეთ შეძლებად ქმნისა მათისა;
Line: 25    ხოლო მგულებელ ვართ და ვერშეძლებასცა*** ჩუენ-მიერ, ვითარ
Line: 26    იგი -- ძლევად ვინაჲსა-მე სპაჲს-პეტ[ი]სა.
Paragraph: 3  
Line: 27       არამედ ესე, რომელ არცა გულის-წყრომა და არცა გულის-თქუმა
Line: 28    და არცა გულება არს წინააღრჩევაჲ, კმასაყოფელად აღმოჩენილა;
Line: 29    ხოლო რომელ არცა თნება ვიდრე-მე არს -- საუწყო იქმნას და
Line: 30    თჳთ მათ ამოსაჩენელთა-გან და სხუათა-განცა; რამეთუ თნებაჲ -- არა

Page: 136  
Line: 1    მხოლოდ ჩუენმიერთა-თჳს, არამედ და სამარადისოთა-თჳსცა; მერმეცა
Line: 2    უკუჱ რამეთუ თნებასა ჭეშმარიტადცა ვიდრე-მე ვიტყჳთ და ცრუდცა,
Line: 3    -- არამედ წინა აღრჩევასა არასადა ვიტყჳთ ჭეშმარიტად და ცრუდ;
Line: 4    და რამეთუ თნება[ჲ] მებრ საყოველთაო, ხოლო წინააღრჩევაჲ -- მებრ
Line: 5    თჳთეულთა. რამეთუ ქმნადთა-თჳს ვიდრე-მე წინაღრჩევაჲ, ხოლო
Line: 6    ქმნადნი -- სათჳთეულო.
Paragraph: 4  
Line: 7       არამედ არცა განზრახვა ვიდრე-მე არს წინააღჩევაჲ, ვითარ რაჲ
Line: 8    ზრახვაჲ*; რამეთუ განზრახვა[ჲ] უკუჱ არს გამოძიება თჳთ ქმნილთა-თჳს;
Line: 9    არამედ წინააღრჩევითთა ვინაჲვე და განგულებით წინაჲთვე გამორჩეულთაჲ.
Line: 10    საუწყო უკუჱ. რამეთუ განზრახვა[ჲ] უფროჲს ხოლო
Line: 11    გულებადთა და გამოსაძიებელთა-ზედა იხილვების, არამედ წინააღრჩევაჲ
Line: 12    -- წინაჲთვე გამორჩეულთა და გუარქმნილთა-ზედა.
Line: 13    ვინაჲვე, რაჲ იგი არა არს წინააღრჩევაჲ, თქუმულა ვიდრე-მე;
Line: 14    ხოლო, თუ რაჲ იგი არს, აწ ვთქუათ. რამეთუ არს შეზავებულ რაჲ-მე
Line: 15    გა[ნ]ზრახვისა-გან და მიმოსჯისა და წადილისა; და არცა წადილ
Line: 16    ვინაჲ-მე არს მარტოდ და არცა ზრახვით გულება მხოლოდ, არამედ
Line: 17    -- ამათ-გან რაჲ-მე ერთქმნა და თანშედგომა. ვითარ [ი]გი ვიტყჳთ
Line: 18    ცხოელსა სულისა და სხეულთა-გან თანშედგომად და არცა
Line: 19    მარტოდ სხეულყოფად ცხოველსა და არცა სულსა მხოლოობით, არამედ
Line: 20    თანმრჩობლთა-განვე, -- ეგრეთვე უკუჱ და წინააღრჩევაჲცა. არამედ
Line: 21    ესე, რომელ ზრახვით გულებაჲ ვინაჲ-მე არს და განზრახვაჲ
Line: 22    საბჭოსა-შორის სჯისასა, დაღათუ და არა თჳთ იგი გულებითი ზრახვაჲ,
Line: 23    -- საჩინო თჳთ სანაცვლოდ სხეულით აღსარებისა-განცა; რამეთუ
Line: 24    წინააღსარჩეველი უკუჱ არს სხუაჲ პირველ სხჳსა სარჩევქმნილი**;
Line: 25    არამედ არავინ სადა რაჲ წინგამოჲრჩიოს პირველ განზრახვისა და
Line: 26    არცა აღირჩიოს არა განმშჯელმან. არამედ, ვინაჲთგან არა ყოველი,
Line: 27    რომელი გუჱთნოს ჩუენ კეთილად, და საქმით ქმნადცა მისდა წადნიერ
Line: 28    ვართ, მაშინ უკუჱ წინააღჩევაჲ და წინააღრჩეული იქმნების და წინაჲთვე

Page: 137  
Line: 1    განბჭობილი განზრახვისა-გან, რაჲჟამს თანმოირთოს და
Line: 2    წადილიცა. საჭიროდ უკუჱ წინააღრჩევაჲ ამის-თჳს ვიდრე-მე არს,
Line: 3    რომლისადცა და განზრახვაჲ იყოს*. შეკრბების უკუჱ ამათ-გან ესრე
Line: 4    ყოფაჲ წინააღრჩევისაჲ. წადილი განზრახვითი ჩუენ-მიერთაჲსა,
Line: 5    ანუთუ: მგულებლობაჲ ჩუენ-მიერთაჲ წინაჲთვე სჯილბჭობილ[ი]სა
Line: 6    განზრახვისა-გან. ვართ მოწადე წინაჲთვე აღმრნეველნი; არამედ ვინაჲთგან
Line: 7    წინააღრჩევაჲ ვთქუთ, ვითარმედ ამათ-თჳს არს, რომელთა-თდსცა
Line: 8    და განზრახვაჲ, გამოვაცხადოთ, თუ რომელთა-თჳს მოქმედებს
Line: 9    განზრახვაჲ და თუ რომელთა-თჳს ვართ განმზრახ.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.