TITUS
Nemesios of Emessa, De natura hominum
Part No. 63

Paragraph: 2  
Line: 11       ორღანო ვიდრე-მე მოზარდობითისა პირი და სტომაქი, რომელსა
Line: 12    უწოდიან პირის-მბრძოლად, და მუცელი, და ღჳძლი, და ყოველნივე
Line: 13    ძარღუნი, და ნაწლევნი, და ორნივე ნავღელნი, და თირკუმელნი.
Line: 14    რამეთუ პირი პირველ შეუმზადებს მუცელსა საზრდელსა
Line: 15    წურილად დაჭრითა მისითა კბილთა-მიერ და ენისა; რამეთუ დიდი
Line: 16    საჴმარობაჲ აქუს ენასა, რამეთუ შეჰკრებს ვიდრე-მე საზრდელსა და
Line: 17    ქუჱშე კბილთა შეუყრის, ვითარ იგი ჴუმირი ჴელთა-მიერ იფქლსა
Line: 18    წისქჳლად; რამეთუ რომლითა-მე სახითა ენაჲ ჴელ ვიდრე-მე არს
Line: 19    ცოხნისა. ხოლო ოდეს რაჲ ესრეთ შეიმზადოს საზრდელი, წარივლინების
Line: 20    მუცლად სტომაქისა-მიერ. რამეთუ სტომაქი არათუ ოდენ
Line: 21    საგრძნო არს მოკლებათა, არამედ და გზაცა ვინაჲ-მე არს საზრდელთა,
Line: 22    რამეთუ აღირბენს იგი სუმასა-შინა და მიმოჲტაცებს საზრდელსა
Line: 23    და წარავლენს მუცლად. არამედ, ოდეს რაჲ მიითუალოს
Line: 24    მუცელმან, განჰყოფს საჴმარსა და საზრდოსა უჴმრისა და არსაზრდოჲსა
Line: 25    და ქვებრივისა და შეშებრივისა-გან, _ და საჴმარსა უკუჱ, ბალღმად
Line: 26    შემცვალებელი, აღავლენს ღჳძლისად ძარღუთა-მიერ, რომელნი მიიზიდვენ
Line: 27    და მიიწბობენ მის-გან და მომცენარებენ, ვითარცა წყაროთა
Line: 28    ღჳძლისა-მე; რამეთე ესევითარნი იგი ძარღუნი ჰგვანან ძირთა
Line: 29    ღჳძლისათა, მიმზიდველნი მუცლისა-გან საზრდელსა, ვითარ ქუჱყანით

Page: 112 
Line: 1    მიიზიდვენ ძირნი ნერგთანი. რამეთუ ჰგავს ვინაჲ-მე მუცელი
Line: 2    ქუჱყანასა, რომელსა უპყრიეს საზრდელი ნერგთა-თჳს; ხოლო ძირთა
Line: 3    _ ძარღუნი, რომელნი მახლობელად ბჭეთა ღჳძლისათა აღიყვანებენ
Line: 4    აღმრღუჱულსა ბალღამსა მუცლისა-გან და წელთაჲსა მესარეოჲსა-მიერ;
Line: 5     ხოლო ხესა თჳთ იგი ღჳძლი; ხოლო რტონი და საკიდნი
Line: 6    _ ძარღუთა, განხეთქილთა უბეთა-გან ძარღუთაჲსა, რომელნი აღმოეცენებიან
Line: 7    მოდრეკილობისა-გან ღჳძლისა. ხოლო ოდეს რაჲ ღჳძლმან
Line: 8    მიითუალის მუცლისა-გან აღმრღუჱული ვინაჲვე ბალღამი, მოადნობს
Line: 9    ვინაჲ-მე და თჳსად მიიმსგავსებს; რამეთუ სისხლის-სახედ ვინაჲ-მე აქუს
Line: 10    ღჳძლსა თჳსი სხეული და სამართლივცა სისხლად გარდააქცევს ბალღამსა.
Line: 11    ხოლო სისხლი დაწმდების ტყირბისა-მიერ და ნავღლის-შემწყნარებლისა
Line: 12    ბუშტისა და თირკუმელთა-გან; რამეთუ ტყირბისა-მიერ
Line: 13    ბრკებრივი მიიზიდვის მქმნელისა მისისა თჳსად საზრდელად, ხოლო
Line: 14    ნავღლის-შემწყნარებლისა ბუშტისა-მიერ _ დრუმოჲ, რომელ არს
Line: 15    მკბ[ე]ნელობაჲ, რომელი დარჩომილ იყოს შორის ბალღამთაჲსა
Line: 16    საზრდელისა-გან; ხოლო თირკუმელთა-მიერ _ ფსლებრივი, მკბენარობასავე-თანა
Line: 17    ნაშთენსა, რომლისა-თჳსცა, ოდეს რაჲ წმიდა და
Line: 18    საჴმარ იქმნის სისხლი, საზრდელად ვინაჲ-მე განეყო ფვის სხუათა
Line: 19    ყოველთა ნაწილთა სხეულისათა მათ-შორის დათესულთა ძარღუთა-მიერ.
Line: 20    და ესრეთ, თჳთეული ნაწილი მიიზიდავს და მიიწბობს სისხლსა,
Line: 21    და იპყრობს და შესცვალებს თჳსად ბუნებად და ნამეტნავსა
Line: 22    წარავლენს მეზობელთა ნაწილთა საზრდელ და მომმარჯუე მათდა
Line: 23    ქმნილსა. და ამით სახითა ყოველნი ნაწილნი სისხლისა-გან იზარდებიან
Line: 24    და აღორძნდებიან და ჰგიან წარვლენითა [მათდა]-მიმართ სისხლისა
Line: 25    ღჳძლისა-გან.

Page: 113 
Line: 1    არამედ ითქუმის ვინაჲ-მე ესე ნაწილი უტყჳსა არმორჩილყოფად
Line: 2    სიტყჳსა, ამისთჳს რომელ ვინაჲთგან არა ჩუენითა ნებითა და
Line: 3    არცა წინაგანრჩევითა, არამედ ბუნებით ვინაჲვე თჳსთა საქმეთა
Line: 4    აღასრულებს.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.