TITUS
Nemesios of Emessa, De natura hominum
Part No. 64

Chapter: 22(24)  
Line: 5  თავი ხხივ
Line: 6  ძარღუთა-თჳს


Paragraph: 1  
Line: 7    ვითარმედ ძარღუჱბრი მიდრეკაჲ იწოდების ვისაჲვე და ცხოელებრივადცა
Line: 8    ძალად; აქუს უკუჱ და გულიცა დასაბამად, უფროჲს
Line: 9    ხოლო მარცხენითი მისი მუცელი, რომელი მფშჳნვიერებითად იწოდების,
Line: 10    რომელი მის-შორის და ნერგულსა და ცხოელობითსა მჴურვალებასა
Line: 11    განუყოფს ყოველთა ნაწევართა სხეულთასა ნასხმანთა-მიერ
Line: 12    ვითარცა იგი ღჳძლი ძარღუთა-მიერ საზრდელსა. არამედ ოდეს რაჲ
Line: 13    განჴურდეს გული, გარეგან ბუნებისა, მსწრაფლ და ცხოველიცა ყოველი
Line: 14    განჴურდების, და განგრილდეს რაჲ _ განგრილდების; რამეთუ
Line: 15    ცხოელობითი სული მის-გან ნასხმანთა-მიერ სხეულთა ყოველთად
Line: 16    დაითესვის; და უმრავლესთა-შორის ურთი-ერთას თანშეიპებვიან სამნივე
Line: 17    ესე. ძარღჳ, ნასხმანი და ნევროჲ, რომელ და იგიცა ძა[რ]ღუვე
Line: 18    არს, არამედ განიყოფვისცა სამთა-გან დასაბამთა, რომელნი ყოველსა
Line: 19    ცხოველსა განაგებენ და კმა ეყოფვიან, ვითარ იგი ტჳნისა-გან,

Page: 114 
Line: 1    რომელი დასაბამ არს მიდრეკისა და ძარღუთა განპებისა; და ვითარ
Line: 2    იგი ღჳძლისა-გან, რომელი დასაბამ არს სისხლისა და მოზარდობითისა,
Line: 3    ხოლო ძარღჳ _ ჭურჭელ სისხლისა; და გულისა-გან, რომელი
Line: 4    დასაბამ არს ცხოელობითისა, და არტირია* _ ჭურჭელ სულისა; რომელნი
Line: 5    უკუჱ ახლვენ ურთი-ერთას, ურთი-ერთასცა სარგოთა მოინაყოფებენ,
Line: 6    რამეთუ ძარღჳ საზრდელსა მისცემს ნევროსა და არტირიათა,
Line: 7    არამედ არტირიაჲ მისცემს ძარღუსა ბუნებითსა სიმჴურვალესა და
Line: 8    სულსა ცხოელებრივსა. ვინაჲ არცა არტირიაჲ არს თჳნიერ დაწმედილისა
Line: 9    სისხლისა და არცა ძარღჳ _ თჳნიერ ორთქლებრივისა სულისა**.
Line: 10    არამედ შეიჴშვიან და განეღებიან მძლაფრად არტირიანი, რომელ
Line: 11    არიან გულის-ბჭენი, შეწყობითა ვინაჲთა-მე მორთულებისაჲთა და
Line: 12    სიტყჳთა, რომელსა დასაბამი აქუს მიდრეკისაჲ გულისა-გან; არამედ
Line: 13    განღებული უკუჱ გარემომდებარეთა ძარღუთა-გან მიიწბობს იძულებით
Line: 14    დაწმედილსა სისხლსა, რომელი, აღორთქლდეს რაჲ, საზრდელ
Line: 15    ექმნების სულსა ცხოელობითსა, ხოლო შეიჴშას რაჲ _ მის-შორისსა
Line: 16    მას ორქლებრივსა წარმოუცალიერებს ყოველთა სხეულთა და უცნაურთა
Line: 17    სხეულთა,*** ვითარ იგი პირი სა და ცხჳრთა-მიერ გული _
Line: 18    ლერწობრივსა სულის-კუჱთათა-მიერ აღმოჰყრის.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.