ARMAZI
Proclus Diadochus, Institutio theologica georgice
Part No. 11
Previous part

Chapter: 11  
Line: 7 
თავი 11
Line: 8 
არსთა მიზეზისათჳს*


Paragraph: 1     
Line: 9       ყოველნი მყოფნი იწარმოებვიან ერთისა მიზეზისგან,პირველისა.
Line: 10    რამეთუ ანუ არა რომლისაჲ არს მიზეზი მყოფთაჲსა, ანუ
Line: 11    მრგულივ იყვნენ მიზეზნი და განსაზღვრებულ ყოველნი, ანუ ვიდრე
Line: 12    უსაზღვროობამდე იყოს აღსავალი და სხუაჲ სხჳსა მიზეზ და არ სადა
Line: 13    დაეყენოს გუამოვნებით მდგომარეობაჲ მიზეზისაჲ. ხოლო თუ არ
Line: 14    იყოს მყოფთა მიზეზი, არ ვინაჲ იყოს წესი პირველთა და შემდგომთაჲ,
Line: 15    და მასრულებელთა და გასრულებადთაჲ, და მამკობთა და მკობილთაჲ,
Line: 16    და მშობელთა და შობადთაჲ, და მქმნელთა და ვნებადთაჲ;
Line: 17    და არცა ჴელოვნებაჲ და ზედმიწევნაჲ რაჲთავე მყოფთაგანისაჲ.
Line: 18    რამეთუ უკუეთუ ცნობაჲ მიზეზთაჲ საქმე და აღსასრული არს ზედმიწევნულებისა და ჴელოვნებისაჲ, და მაშინღა ვიტყჳთ ზედმიწევნად
Line: 19    ჴვლოვნებასა, რაჟამს მიზეზნი ვცნნეთ მყოფთანი. და კუალად უკუეთუ
Line: 20    მრგულივ მოვლიან მიზეზნი, იგივე იყვნენ პირველცა და შემდგომ
Line: 21    ერთმანერთისადმი, და უძლიერეს და უუძლურეს; რამეთუ ყოველი
Line: 22    წარმომჩენელი უმჯობეს წარმოჩენილისა ბუნებასა. რამეთუ არა
Line: 23    რაჲთ განეყოფვიან ერთმანერთისგან, ანუ უმრავლესთა ანუ უმცროჲს საშუალთა მიერ ეზიარებოდის და ეხებოდის მიზეზოანი თჳსსა
Line: 24    მიზეზსა და წარმომჩენელსა; და რამეთუ საშუალთაცა ყოველთა უმჯობეს იყოს რომელთა და მიზეზცა არს, და რაჲზომცა უმრავლე

Paragraph: 2     
Line: 25       იყვნენ საშუალნი, ეგზომცა უფროჲს და უძლიერეს მიზეზნი.

Page: 12  

Paragraph: 3     
Line: 1       ხოლო თუ ვიდრე უსაზგვროობამდე იყოს აღსავალი მიზეზისაჲ, და
Line: 2    სხუაჲ სხჳსა მიერ იყოს მარადის მიზეზ, კუალად არ რომლისაჲ იყოს ზედმიწევნულებაჲ
Line: 3    და ჴელოვნებაჲ. რამეთუ უსაზღვროთა არ რომელთა
Line: 4    იყოს ცნობაჲ. ხოლო თუ მიზეზნი ეოცნებოდინ, არცა შემდგომთა
Line: 5    იყოს ჴელოვნებაჲ და ზედმიწევნულებაჲ. და უკუეთუ ჯერ არს, რაჲთა
Line: 6    იყოს მიზეზი მყოფთაჲ, და განსაზღვრებულ და განყოფილ არიან
Line: 7    მიზეზნი მიზეზოანთაგან, და არა ვიდრე უსაზღვროობამდე იყოს აღსავალი
Line: 8    მყოფთაჲ, იყოს ვიდრემე პირველი მიზეზი მყოფთაჲ, რომლისა
Line: 9    გამო ვითარ ძირისგან იწარმოებოდინ თითოეულნი, და რომელნიმე
Line: 10    იყვნენ უმახლობელეს მისსა, ხოლო რომელნიმე უშორიელეს.
Line: 11    ვინაჲ აღმოიჩინა, ვითარმედ ერთ არს მიზეზი პირველი, ამისთჳს
Line: 12    რომელ ყოველი სიმრავლე შემდგომად წარმოდგა პირველისა.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.