ARMAZI
Proclus Diadochus, Institutio theologica georgice
Part No. 14
Previous part

Chapter: 14  
Line: 1 
თავი 14

Line: 2  მიუდრეკელისათჳს, თვითმიმდრეკისა და სხჳსა

Line: 3  მიერ მიდრეკადისა *


Paragraph: 1     
Line: 4       ყოველი მყოფი ანუ მიუდრეკელი არს ანუ თჳთმიმდრეკადი ანუ
Line: 5    სხჳსა მიერ მიდრეკილი. და თუ მიდრეკადი, ანუ თჳთ თჳსგნით ანუ
Line: 6    სხჳსა მიერ. ხოლო თუ თჳთ თჳსგნით, იყოს თჳთმიმდრეკ. ხოლო თუ
Line: 7    სხჳსა მიერ, სხჳსა მიერცა მიდრეკილ. ვინაჲ ყოველი ანუ მიუდრეკელ
Line: 8    არს ანუ თჳთმიმდრეკ. და თუ მიუდრეკელ, საჭირო არს უკუე თუ არს
Line: 9    რაჲვე სხჳსა მიერ მიდრეკადი მყოფთაჲ, იყოს და მიუდრეკელიცა და
Line: 10    საშუალ ამათსა თჳთმიმდრეკადი. რამეთუკუკუეთუ ყოველი სხჳსა მიერ
Line: 11    მიდრეკადი <სხჳსა მიერ მიდრეკილი> მიდრკების, იყოს ვიდრემე მიდრეკაჲ
Line: 12    ანუ მრგულივ ანუ უსაზღვროობამდე, ვინაჲთგან განსაზღვრებულა
Line: 13    დასაბამი ყოველთა მყოფთაჲ და მიმდრეკი უმჯობეს მიდრეკილთა.
Line: 14    იყოს ვიდრემე მიუდრეკელი პირველ მიდრეკილთაჲსა.

Paragraph: 2     
Line: 15       ხოლო თუ ესე ესთა, ჯერ არს, რაჲთა თჳთმდრეკადიცა იყოს.
Line: 16    ხოლო თუ იძიოსყოველი, თუ რაჲ არს პირველმიდრეკადი? არ ვიდრემე
Line: 17    იყოს მიუდრეკელი თჳთმიმდრეკ. რამეთუ არა აქუს მას ბუნებით, და
Line: 18    არცა სხჳსა მიერ მიდრეკილი, რამეთუ მიდრკების სხჳსა მიერ. ჯერ არს
Line: 19    უკუე, რაჲთა თჳთმიმდრეკადი იყოს პირველ მიმდრეკ; ვინაჲთგან
Line: 20    ესე არს მაზიარებელი მიდრეკადთაჲ მიუდრეკელისა მიმართ, საშუალ
Line: 21    უკუე არს და მისდრეკს ერთბამად და მიდრკების. ხოლო იგინი ერთი
Line: 22    მისდრეკს ოდენ, ვითარცა ზესთ მდებარე, ხოლო სხუაჲ იგი მიდრკების
Line: 23    ოდენ. ყოველივე ვიდრემე მყოფი ანუ მიუდრეკელი არს ანუ თჳთმიმდრეკადი
Line: 24    ანუ სხჳსა მიერ მიდრეკილი. რომლისათჳსცა საჩინო, რომელ მიდრეკადთა
Line: 25    თჳთმიმდრეკი უპირველეს, ხოლო მიმდრეკთა მიუდრეკელი.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.