ARMAZI
Proclus Diadochus, Institutio theologica georgice
Part No. 23
Previous part

Chapter: 23  
Line: 19 
თავი 23

Line: 20  უმოქენოჲსთჳს*


Paragraph: 1     
Line: 21       ყოველი უმოქენოჲ წარმოიყენებს თჳსგნით მოქენეთა, დაყოველნი
Line: 22    თანმოქენენი გუამოვნებანი უმოქენოჲსა მყოფობისადმი აღიცისკრებენ.
Line: 23    რამეთუ უმოქენოსა მხოლოჲსა დაუპყრიეს ადგილი და საზღვარი,
Line: 24    ვითარ თჳსდად მყოფსა და არა სხჳსად, და ვითარ დაზესთაებული
Line: 25    თჳსთა მოქენეთაგან, რამეთუ წარმოშობს ზიარებისა მისისა მიღებად
Line: 26    შემძლებელთა. ხოლო იყოს თუ უშვ იყუდნეს თჳს შორის, არა
Line: 27    ვინაჲ ჰქონდის პატიოსანი, რაჲთამცა თან მისცა მის-გამოთა, ვინაჲ
Line: 28    ყოველი მიმღები ეზიარების, ხოლო მიცემული წარმოდგა, ვითარ
Line: 29    ზიარებული; და ყოველი ზიარებული, იქმნა ვისდავე რომლისგანცა
Line: 30    იზიარა, მეორე და შემდგომი არს მისი, რომელი ყოველთა

Page: 21  
Line: 1    მიმართ სწორებით წარმოდგომილ არს, და ყოველთა თჳს-გამო
Line: 2    სრულ ჰყოფს. ხოლო რომელი იყოს თჳთებასა შორის თჳსსა,
Line: 3    სხუათად არა არს; ხოლო რომელი ყოველთადმი სწორებით წარმოდგომილ
Line: 4    იყოს, რაჲთა ყოველთა უბრწყინვიდეს. და არა ვითარ
Line: 5    გათჳთებული შორის მწყობრსა სირაჲსასა, არამედ უპირატესიყოველთაჲ.
Line: 6    რამეთუ ანუ ყოველსა შორის არს, ანუ ერთებრივობასაყოვლისასა.
Line: 7    ანუ უპირატეს ყოველთა. არამედ ყოველთა შორის მყოფი განწვალებულ
Line: 8    არს ყოველთადმი, ვინაჲ მოქენე არს სხჳსა ნაწილთა მაერთებელისა.
Line: 9    და არ ვინაჲ ეზიაროს მას ყოველი, არამედ რომელიმე
Line: 10    სხუასა, ხოლო რომელიმე სხუასა, განიწვალოს რაჲ ერთი. ხოლო
Line: 11    ერთებრივი და ნაწილი ყოვლისაჲ არ იყოს ყოველთა საზიარო,
Line: 12    არამედ ერთისა. ვინაჲ საზობადოდ შემძლე ყოველთა ზიარებად და
Line: 13    მისდა ყოველნი იყოს უპირატესი ყოველთაჲ და არ მოქენე სხჳსა.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.