ARMAZI
Proclus Diadochus, Institutio theologica georgice
Part No. 22
Previous part

Chapter: 22  
Line: 27 
თავი 22

Line: 28  დასაბამებრისა ერთისათჳს*


Paragraph: 1     
Line: 29       ყოველი პირველი და დასაბამებრივ მყოფი თითოეულსა შორის
Line: 30    წესსა არს ერთი, და არცა ორ და არცა უმრავლეს ორობისა, არამედ

Page: 20  
Line: 1    მხოლო ქმნილ ყოველი. იყოს ვინაჲვე, თუ არს შესაძლო, ორობაჲ;
Line: 2    რომელ არს ესე შეუძლებელ და ეგრეთვე უმრავლესთა ზედა
Line: 3    იხილვოს. უკუეთუ მრჩობლნი ითქუნენ პირველად, ანუ თუ ორთაგანვე
Line: 4    სხუაჲ; და თუ ორთაგანვე, კუალად იყოს ერთ პირველი და
Line: 5    არა ორ. [ხოლო უკუეთუ მრჩობლნი], ანუ სხუაჲ სხჳსგან, და არა
Line: 6    პირველ მრჩობლნი; ანუ ერთბამად ორნივე. და თუ სწორ, არ
Line: 7    იყოს სხუაჲ სხჳსა უპირველეს. ხოლო თუ სხუაჲ უპირველეს, მეორისად
Line: 8    არ იგივეობაჲ, იყოს რაჲვე მის სირაჲსა? და არ ერქუმოდის სხუა
Line: 9    თჳნიერ პირველობისა. ვინაჲ ესე ორთაგანვე იყოს სხუაჲ, რომელი იგი
Line: 10    ითქუა პირველად. და თუ ესე განეყოფვიან ერთი ერთისგან, არა ვითარ
Line: 11    მეორე მეორესა, არ ვინაჲ იყვნენ მრჩობლნი დასაწყის და პირველ.

Paragraph: 2     
Line: 12       ვინაჲ ამათგან საცნაურ, რომელ პირველ მყოფი ერთ არს
Line: 13    მხოლოდ და არა ორ, ანუ თუ უმრავლეს. და პირველი გონებაჲ
Line: 14    ერთი მხოლოდ და არა ორ პირველნი გონებანი. და ერთ უპირველესიცა
Line: 15    სული; და ესრეთვე თითოეულსა ზედა გუართასა, ვითარ
Line: 16    პირველი შუენიერებაჲ, და პირველი სწორი; და ეს სახედ ყოველთა
Line: 17    ზედა; ეგრეცა და გუარი ცხოველისა ერთ პირველი და კაცისაჲ;
Line: 18    რამეთუ ესევე აღმოსაჩენელი ყოველთა ზედა.



Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.