ARMAZI
Proclus Diadochus, Institutio theologica georgice
Part No. 27
Previous part

Chapter: 27  
Line: 13 
თავი 27


Paragraph: 1     
Line: 14       ყოველი წარმომაყენებელი სრულობისა მიერ დაზესთაებითა
Line: 15    ძალისაჲთა წარმომაყენებელი არს შედგომთაჲ. ხოლო თუ არა ზესთ
Line: 16    სრულებითა, არამედ მოკლებითა წარმომაყენებელისა ძალისაჲთა,
Line: 17    არ ვინაჲ შეუძლოს მიუდრეკელად დაცვაჲ წესსა თჳსსა. რამეთუ
Line: 18    რომელსა მოკლებისა მიერ და უძლურებისა ჰქონდის სხუათა წარმოყენებაჲ,
Line: 19    ქცევისა მიერ თჳსისა და შეცვალებისა იპყრობს გუამოვნებასა
Line: 20    აარმოყენებულთასა. არამედ ჰგიეს იგივეობასა ზედა ყოველი
Line: 21    წარმომაყენებელი; და ეგოს რაჲ, შემდგომნი იწარმოებვიან. ვინაჲცა
Line: 22    არს სრულ და სავსე, და შემდგომთა წარმოაყენებს მიუდრეკელად
Line: 23    და მოუკლებელად, და ჰგიეს თჳსსავე მყოფობასა და იგივეობასა
Line: 24    ზედა, და არა შეიცვალების მათდამი და მოაკლდების. რამეთუ არა
Line: 25    თუ განწვალებაჲ არს წარმომაარსებელისაჲ წარმოარსებულთაგან;
Line: 26    რამეთუ არ შეერაბამების ესე ბუნებითსა ქმნასა და არცა ქმნის დასაბამთა
Line: 27    მიზეზთა. და არცა ადგილით შეცვალებადაცა: რამეთუ არა
Line: 28    თუ ნივთი იქმნების საწარმო; ხოლო ესე ჰგიეს იგივეობასა ზედა
Line: 29    თჳსსა, და ასხუაებს მისგან წარმოქმნილსა. შეუცვალებელად უკუე
Line: 30    დამყარებულ არს მეშვე და მოუკლებელად, და მაარსებელითა ძალითა
Line: 31    თჳსითა დაუმრავალკეცდების და იპყრობს თჳს გამო შემდგომთა
Line: 32    გუამოვნებათა.

Page: 24  


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.