ARMAZI
Proclus Diadochus, Institutio theologica georgice
Part No. 28
Previous part

Chapter: 28  
Line: 1 
თავი 28


Paragraph: 1     
Line: 2       ყოველი წარმომაარსებელი თჳსდადმი მსგავსთა პირველ უმსგავსოთაჲსა
Line: 3    წარმოაარსებს. ვინაჲთგან საჭიროდ უმჯობეს არს ყოველი
Line: 4    წარმომაარსებელი მისგან წარმოარსებულსა, რამეთუ არ ვინაჲ იყვნენ
Line: 5    ესე სწორ ურთიერთას ძალითა. და თუ არა სწორ იყვნენ, სხუა
Line: 6    ვინაჲვე და უსწორო, ანუ ყოვლითურთ განჭრილ ურთიერთისგან, ანუ
Line: 7    შეერთებულცა და განჭრილცა. არამედ უკუეთუ ყოვლითურთ განჭრილ,
Line: 8    იყოს უზიარებელ, და არა ჰქონდის მისდამი მიზეზსა თანამელმეობაჲ,
Line: 9    და არ ვინაჲ თან ექონოს და ეზიაროს სხუაჲ სხუასა,
Line: 10    იყოს რაჲ ყოვლითურთ სხუაჲ; რამეთუ თანქონებული მისცემს ზიარებასა
Line: 11    თჳსსა თანმქონებელსა, რომლისა მიმართცა თან ექონების.
Line: 12    არამედ საჭირო არს, რაჲთა მიზეზოანი თან იქონებდეს მიზეზსა,
Line: 13    ვითარ მის გამო მქონებელი არსებისაჲ. ხოლო უკუეთუ რაჲთამე
Line: 14    განეყოფვის, და რაჲთამე შეეერთების წარმომაარსებელსა წარმოარსებული;
Line: 15    და თუ სასწოროდ ორთავე ჰვნებია, და სასწოროდცა ორნივე
Line: 16    ურთიერთას ეზიარნენ და არ ეზიაროს შემდგომი უპირველესსა;
Line: 17    ვინაჲ ჰქონდის არსებაჲ მისგან, არამედ არ ამით სახითა. ხოლო
Line: 18    იყოს თუ უმეტეს განწვალებულ, უმეტესცა და სხუა და უცხო იყოს
Line: 19    თჳსისა წარმომეშვისგან, გინა თუ საკუთარ მხოლოდ შობილი, და
Line: 20    მიუზავებელ მისდა მიმართ, ვიდრეღა მიზავებულ; იყოს ვიდრემე
Line: 21    თანულმო, ვიდრეღა თანმელმე. ხოლო თანტომი ღმრთივთაჲ თჳთ
Line: 22    მით მყოფობითა თჳსითა და თანლმობილი მათგან, აღთხზულ არს
Line: 23    მებრ ბუნებით, და წადნოჲს მათდამი ზიარებასა მეწადე კეთილობისაჲ,
Line: 24    და მიემთხუევის თჳსისა მიზეზისა მიერ საწადსა. საუწყო,
Line: 25    რომელ უფროჲს ხოლო შეერთებულ წარმომაარსებელსა წარმოარსებული,
Line: 26    ვიდრეღარა განყოფილ და განწვალებულ. ხოლო უფრო
Line: 27    შეერთებული უფროჲს მსგავს მისდა, ვიდრეღარა და უმსგავსო რომელთადაცა
Line: 28    უმეტეს შეერთებულ იყოს. ვინაჲვე მსგავსთა პირველ
Line: 29    უმსგავსოთაჲსა წარმოაყენებს ყოველთა წარმომაყენებელი მიზეზი.

Page: 25  


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.