ARMAZI
Proclus Diadochus, Institutio theologica georgice
Part No. 55
Previous part

Chapter: 55  
Line: 22 
თავი 55

Line: 23  სამარადისოთა და ოდესრეთა განყოფისათჳს*


Paragraph: 1     
Line: 24       ყოველი მებრ ჟამით წარმოდგომილი ანუ სამარადისოთა ჟამთა
Line: 25    არს, ანუ ოდესმე ნაწილსა შორის ჟამისასა გუამოვნებაჲ მოუგიეს.

Paragraph: 2     
Line: 26       ვინაჲთგან გზავნანი ყოველნი არსებითნი მსგავსებისა მიერ
Line: 27    არიან, და უპირველეს ყოვლითურთ უმსგავსოთა და თანშეყოფით

Page: 37  
Line: 1    წარმოდგომილ პირველთა რამეთუ უფროჲს ესაკუთრებიან მსგავსნი
Line: 2    უმსგავსოთასა, ხოლო საუკუნითთა ზიარებად შორის ნაწილსა ჟამისასა
Line: 3    ქმნილი შეუძლებელ არს (რამეთუ რომელიმე ქმნადი არს, ხოლო
Line: 4    რომელიმე მყოფი, და ვითარ ოდესვე მყოფი სამარადისოდ წარმოდგომილსა
Line: 5    გაეყოფვის). ხოლო საშუალ ამათსა და მათსა არს
Line: 6    რაჲთავე მსგავსი, ვინაჲვე ოდესვეობასა შორის ქმნადთა და მარადის
Line: 7    მყოფთა საშუვალი ანუ ნიადაგ ქმნადი, ანუ ოდესვეობით მყოფი,
Line: 8    ანუ არაობით მყოფი, ანუ ოდესვეობით მყოფთა მყოფი -- შეუ/ძლებელ
Line: 9    არს ყოფად. ხოლო ოდესვე არაობით მყოფი ქმნადსა თანა
Line: 10    იგივეობა: არ ვინაჲ სასაშუვლო ოდეს მყოფი. აკლს უკუე, რაჲთა
Line: 11    ნიადაგ ქმნადი იყოს შორის მრჩობლთა, რაჲთა ქმნადობითა ეზიაროს
Line: 12    უდარესთა, ხოლო სამარადისოობითა ებაძვებოდის საუკუნითსა
Line: 13    ბუნებასა.

Paragraph: 3     
Line: 14       ვინაჲ ამის მიერ საცხადო, ვითარმედ ორი არს სამარადისობაჲ.
Line: 15    საუკუნოჲ უკუე სხუაჲ, და მებრ ჟამითი სხუაჲ; რომელიმე
Line: 16    მდგომარეობითი სამარადისოობაჲ და მიუდრეკელი, ხოლო რომელიმე
Line: 17    ნიადაგ ქმნადი და მიდრეკადი; და რომელსამე შეერთებულად
Line: 18    აქუს მყოფობაჲ და ერთბამ ყოველნი, ხოლო რომელიმე წარმოითხია
Line: 19    და განეფინა განსაზიდსა თანა ჟამებრივსა: და რომელიმე ყოველი განთჳთებულად, ხოლო რომელიმე ნაწილთაგან, რომელნი ესე
Line: 20    განყოფილ ურთიერთას, ვითარ პირველი და შემდგომი.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.