ARMAZI
Proclus Diadochus, Institutio theologica georgice
Part No. 56
Previous part

Chapter: 56  
Line: 21  *
თავი 56 *

Line: 22  შესმენათათჳს და ქუერდებარეთა**


Paragraph: 1     
Line: 23       ყოველი შემდგომთა მიერ წარმოყენებული უფროჲს ხოლო
Line: 24    პირველთა მიზეზთა მიერ წარმოიყენეს. რომელთაგანცა შემდგომნი
Line: 25    წარმოიყენნეს. რამეთუ ვინაჲთგან ყოველი არსებაჲ შემდგომთა პირველთაგან
Line: 26    აქუს, და წარმომაყენებელობითიცა ძალი პირველთაგანვე
Line: 27    ჰქონდის. ვინაჲთგან წარმომაყენებლობითნიცა ძალნი მებრ არიან
Line: 28    წარმომაყენებელთა შორის, და შეასრულებენ არსებასა მათსა. ხოლო
Line: 29    წარმომაყენებელობითი ძალი ზესთ მდებარეობითისა მიზეზისაგან და
Line: 30    თჳთ ესე მიზეზობაჲცა უშემდგომესთა თჳსთაჲ პირველისა მიზეზისაგან

Page: 38  
Line: 1    აქუს. რამეთუ განიზომა მუნით მდგომობითითა ძალითა. ვინაჲცა
Line: 2    მის მიერ წარმოყენებული და მიზეზოან ქმნილი უპირატესისა
Line: 3    მიზეზისა მიერ იყოს მიზეზოან. რამეთუ რომელმან სრულ ყო ერთი
Line: 4    მიზეზად, სრულ ყო და სხუაჲცა მიზეზოანად. და თუ ესე ესრეთ,
Line: 5    და მიზეზოანთაცა მუნითვე ჰქონდის მყოფობაჲ. არამედ უმეტეს
Line: 6    ხოლო მუნითი, საუწყო ესე. რამეთუ რომელმან მისცა შემდგომსა
Line: 7    თჳსსა ძალი მიზეზობისაჲ წარმოყენებად სხუასა, ვინაჲ უპირველეს
Line: 8    თჳთ ჰქონდა მას და ამისთჳს შემდგომთა წარმოშობს, რამეთუ ძალი
Line: 9    შემდგომთა მშობელობისაჲ მუნით აქუს. რამეთუ რომელიმე თანზიარებით
Line: 10    იქმნა წარმომაყენებელ სხუათა, ხოლო რომელიმე თანმიცემით
Line: 11    და უპირველეს მათსა, რომელმან მისცა შემდგომთა ძალი
Line: 12    ქმნისა და წარმოჩენისაჲ.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.