ARMAZI
Proclus Diadochus, Institutio theologica georgice
Part No. 63
Previous part

Chapter: 63  
Line: 10 
თავი 63


Paragraph: 1     
Line: 11       ყოველი თანუქონოჲ მრჩობლთა წარმოაყენებს თანმექონეთა
Line: 12    წესსა: ოდესმე თანმექონეთა, და კუალად სამარადისოდ შეწყობით
Line: 13    თანმექონეთა. რამეთუ თანუქონოსა სამარადისოდ თანმექონე უმსგავსიერეს,
Line: 14    ვიდრე ოდესვე თანმექონესა. რამეთუ პირველ წარმოყენებადმდე
Line: 15    ოდესვე თანმექონისა სამარადისოდ თანმექონე წრმოიყენოს;
Line: 16    რამეთუ, ოდესვე თანმექონემან ვერ უძლოს შემდგომთა წარმოყენებად,
Line: 17    ხოლო ნიადაგ თანმექონე სამარადისოდ მიეტომების და ემსგავსების
Line: 18    თანუქონოსა. და არცა მხოლოდ იყვნენ ოდესმე თანმექონენი
Line: 19    (რამეთუ უპირველეს, მათსა ნიადაგ თანმექონენი, რომელთა
Line: 20    მიერ და ესენიცა თან აღეკრვიან თანუქონოთა კეთილწესიერთა ვინათა
Line: 21    მიერ გზავნითთა მოქცევთა). და კუალად არცა მხოლოდ ოდენ
Line: 22    სამარადისოდ თანმექონენი, (რამეთუ აქუს მათ ძალი უსაშუვლოდ
Line: 23    მარადის თანქონებისაჲ. ვინაჲცა სხუათა არს წარმომაყენებელ ოდესვე
Line: 24    თანმექონეთა, და ვიდრე ამათდადმი უდარესობითა შთამრეობაჲ).
Line: 25    ვინაჲ ამათ მიერ საცნაურ, ვითარმედ ერთისა-გამოთა მაერთებელთა
Line: 26    გამოკლთოლვათა ნაბრწყინნი მყოფთადმი რომელნიმე სამარადისოდ
Line: 27    თან იქონებენ, ხოლო რომელნიმე ოდესმე; და გონიერნიცა
Line: 28    თანქონებანი ესთადვე ორ; და სულისა-მიერნიცა სულიერ-ქმნანი; და

Page: 42  
Line: 1    მსგავსადვე სხუათა გუართა ზედა. და რამეთუ შუენიერებაჲცა, და
Line: 2    მსგავსებაჲ და დგომაჲ, და თჳთობაჲ, -- ესე ყოველნი პირველნი და
Line: 3    თანუქონონია. ხოლო სამარადისოდ თანმექონეთაგანთან იქონებვიან,
Line: 4    და კუალად ოდესვეობითთა თანმექონეთაგან და შემდგომთა ამითვე
Line: 5    წესითა.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.