ARMAZI
Proclus Diadochus, Institutio theologica georgice
Part No. 186
Previous part

Chapter: 188*  
Line: 6 
თავი 188*
Line: 7 
სული, ვითარცა მიზეზი და წყაროჲ ცხოველობისაჲ**


Paragraph: 1     
Line: 8       ყოველი სული ცხოველობაჲ არს და ცხოველი. რამეთუ, სადაცა
Line: 9    წარმოდგეს სული, ესე ცხოველ იქმნების საჭიროდ; და დაკლებული
Line: 10    სულისგან მყის ცხოველობისგანცა უნაწილო იქმნების. რამეთუ
Line: 11    ანუ სულისა მიერ ცხოველობს, ანუ სხჳსა რაჲსავე და არა სულისა
Line: 12    მიერ. არამედ მხოლოდ სხჳსა მიერ შეუძლებელ არს: რამეთუ ყოველი
Line: 13    მზიარებელი თჳსდა ზიარებულსა ანუ თჳთთჳთებასა თჳსსა მისცემს,
Line: 14    ანუ თჳთებისასა რასავე. ხოლო რომელი არც ერთაა ამათგანსა
Line: 15    არ ივნებდეს, არ ვინაჲ იზიაროს და არცა თან მისცეს. ხოლო სული
Line: 16    იზიარებვის მისგან, რომლისადაცა წარმოდგომილ არს, და სულიერად
Line: 17    ითქმის მზიარებელი სულისაჲ. ხოლო თუ ცხოველობასა
Line: 18    მიუქმს სულიერთა, ანუ ცხოველობაჲ იყოს ანუ ცხოველი მხოლოდ
Line: 19    ანუ ერთბამად ცხოველიცა და ცხოველობაჲ. ხოლო თუ ცხოველ
Line: 20    მხოლოდ და არა ცხოველობა, იყოს ცხოველობისა მიერ. და არ ვინაჲ
Line: 21    უწყოდის თჳსი თჳითებაჲ და არცა უკუნ იქცეოდის თჳსდადვე.
Line: 22    რამეთუ ცხოვლობაჲ არს ცნობაჲ და უწყებაჲ ეს ვითარად ცხოველობისა
Line: 23    თჳსისა. ხოლო თუ მის შორის რაჲვე არს უცხოვლობო, არ
Line: 24    ჰქონდის მებრ შუენიერებით ძალი ცნობისაჲ. ხოლო თუ მხოლოდ
Line: 25    ცხოველობაჲ ოდენ იყოს, არ უკუე ეზიაროს გონიერსა ცხოველობასა. რამეთუ მზიარებელი ცხოვლობისაჲ ცხოველი არს და არა ცხოველობაჲ
Line: 26    მხოლოდ. რამეთუ მხოლოჲ ცხოველობაჲ პირველი და
Line: 27    უზიარებელი ცხოველობაჲ არს. ხოლო შემდგომად მისსა ერთბამად
Line: 28    ცხოველობაჲ და ცხოველი. ხოლო სული არა არს პირველი და უზიარებელი
Line: 29    ცხოველობაჲ. ვინაჲ ერთბამად ცხოველცა იყოს და ცხოველობა
Line: 30    სული.

Page: 113  


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.