ARMAZI
Proclus Diadochus, Institutio theologica georgice
Part No. 189
Previous part

Chapter: 191  
Line: 13 
თავი 191

Line: 14  ზიარებადისა სულისათჳს *


Paragraph: 1     
Line: 15       ყოველსა სულსა ზიარებადსა არსებაჲ უკუე საუკუნოჲ აქუს,
Line: 16    ხოლო მოქმედებაჲ ჟამის-შორისი. ხოლო თუ ორივე საუკუსოსა შორის
Line: 17    აქუს, ანუ ორივე ჟამსა შორის ანუ რომელიმე საუკუნო, ხოლო
Line: 18    რომელიმე ჟამითი. არამედ არ ჰქონდის ორივე საუკუნოდ, რამეთუ
Line: 19    იყოს იგი განუნაწილებელ არსება, და არა რაჲთ განეყოს გონიერსა
Line: 20    გუამოვნებასა ბუნებაჲ სულისაჲ და მიუდრეკელსა არსებასა თჳთმიმდრეკი.
Line: 21    და კუალად არცა ორნივე ჟამის-შორისად ჰქონდინ, რამეთუ
Line: 22    იყოს იგი მხოლოდ მოკუდავ ოდენ, და არცა თჳთცხოველ და არცა
Line: 23    თჳთმდგომ. რამეთუ არარაჲ არსებით ჟამისა მიერ განზომილი
Line: 24    თჳთმდგომ არს. ხოლო სული თჳთმდგომარეა. რამეთუ მოქმედებით
Line: 25    უკუმქცევი თჳსდადვე და არსებითცა უკუმქცევ არს თჳსდ მიმართ
Line: 26    და თჳს მიერ მეწარმოე. აკლს უკუე, რაჲთა საუკუნო იყოს ყოველი
Line: 27    სული. ვინაჲ არსებით საუკუნო არს, ხოლო მოქმედებით მზიარებელ
Line: 28    ჟამისა, ანუ წინა-უკუმო. არამედ ესე შეუძლებელ, რაჲთა არა ვთქუნეთ
Line: 29    მოქმედებანი პირველ არსებათასა: ყოვლისა ვიდრემე სულისადა
Line: 30    არსებაჲ საუკუნოჲ მხუდარ არს ხოლო მოქმედებაჲ მებრ ჟამითი.

Page: 115  


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.