ARMAZI
Proclus Diadochus, Institutio theologica georgice
Part No. 207
Previous part

Chapter: 209  
Line: 4 
თავი 209


Paragraph: 1     
Line: 5       ყოველი ნაწილებითისა სულისა ოქიმაჲ შთავალს უკუე დაძინებით
Line: 6    ნებითა ნივთთ-შორისთა საბლარდნელთა ქიტონთაჲთა, და კუალად თჳს შეკრბების სული განყრითა ყოველთა ნივთთ-შორისთაჲთა
Line: 7    და თჳს თჳსისა გუარისადმი აღრბენითა მსგავსად მჴმარებელისა სულისა.
Line: 8    რამეთუ შთამოვალს იგი მიღებითა უტყუთა ცხოველთაჲთა; არამედ
Line: 9    აღვალს, განყარნეს რაჲ თჳსგნით ყოველნი ქმნის მიზეზნი ძალნი,
Line: 10    რომელნი მიიხუნა შთამოსლვასა შორის, და წმიდა ქმნილი და განშიშულებული ყოველთა ესე ვითართა ძალთაგან, რაოდენნიცა ჰმსახურებენ საჴმართა ადჴმნისათა. რამეთუ თანშებუნებებულნი ოქიმაჲსა
Line: 11    ჰგვანან ცხოველობათა მჴმარებელთა სულთასა; და თან მიდრკებიან,
Line: 12    მიდრკენ რაჲ ყოველგან; და დაისახავენ თჳს შორის გაგონებათა
Line: 13    თჳსთა მოქცევთასა, ოდესმე შთამოვრდომასა და ქმნისადმი თანმიწვალებადი
Line: 14    წამვასა, ხოლო ოდესმე განწმედასა და უსხეულოთა შორის ქცევასა.
Line: 15    რამეთუ თანმეარსეობითა სულისაჲთა ცხოველ იქმნებიან და არიან
Line: 16    თანშებუნებებულ მათდა; და თან იცვალებიან ყოვლებრივთა მოქმედებათა
Line: 17    მათთა და თან შეუდგან ყოვლითურთ. და ივნებდენ რაჲ,
Line: 18    თან ივნებენ; და განწმდენ რაჲ, მათ თანავე მიემთხუევიან პირველთა
Line: 19    კუალად გებათა. და ყვანებულთა თან იყვანებიან მწადნი თჳსისა
Line: 20    სრულებისანი. რამეთუ ყოველი სრულ ქმნილი მიემთხუევის თჳსსა
Line: 21    ყოვლობასა.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.