TITUS
Proclus Diadochus, Institutio theologica georgice
Part No. 222

Chapter: 136  
Line: 7  თავი 136

Line: 8  შესმენათათჳს და ქუემდებარეთა *


Paragraph: 1     
Line: 9       ყოველი ღმრთებრივი ერთი ერთისა ვინაჲსა მიერ მყოფთაჲსა
Line: 10    იზიარების უსაშუვლოდ, და ყოველი განღმრთობილი ერთისა მიმართ
Line: 11    ღმრთებრისა აღიცისკრებს: რაოდენ იყვნენ ზიარებულ ერთნი, ესეზომვე
Line: 12    მზიარებელ ტომნი მყოფთანი. რამეთუ არცა ორნი გინათუ
Line: 13    უმრავლესნი ერთებრნი მხოლონი ერთისა მიერ მყოფთაჲსა ეზიარებიან
Line: 14    (რამეთუ თჳთებაჲ ერთებრივთაჲ განყოფილ ერთმანერთისგან,
Line: 15    ვინაჲ თითოეულიცა მზიარებელი მათი ურთიერთას განყოფილ და
Line: 16    მსგავს ზიარებითა ზიარებულსა მისდა ერთსა). და არცა ერთი ერთებრივი
Line: 17    მრავალთა მიერ იზიაროს განწვალებით. რამეთუ უზიარებელ
Line: 18    მრავალნი მყოფნი ერთებრივისა მხოლოჲსადა, ვითარ ნაწილებითნი
Line: 19    პირველ მყოფთაჲსა, ვითარ მრავალნი ერთისადმი. რამეთუ ჯერ
Line: 20    არს, რაჲთა ყთველი მზიარებელი რაჲთავე ემსგავსებოდის ზიარებულსა, ხოლო რაჲთავე სხუაჲ იყოს და უმსგავსო. რამეთუ ვინაჲთგან
Line: 21    მზიარებელი რაჲვე და ნაწილებითი მყოფი არს, ხოლო ერთებრივ
Line: 22    მხოლოჲ ზესთ არსი არს და ამის მიერ უმსგავსო იქმნებიან, სათანადო
Line: 23    არს, რაჲთა ეზიაროს ერთი ერთსა, რაჲთა იყოს მებრ მსგავს
Line: 24    ამითა ზიარებულსა ერთსა, რამეთუ დაღათუ იყოს ორთავე ამათი
Line: 25    ერთი, ვითარ თჳთერთებრივი, ხოლო სხუაჲ ვითარ ვნებული ერთი
Line: 26    და შეერთებული ზიარებითა მისითა.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.