ARMAZI
Ioane Petrici, Explanatio in Proclum Diadochum
Part No. 7
Previous part

Chapter: 6  
Line: 27 
თავი 6
Line: 28 
ერთთათჳს


Line: 29       სრულ ყო რაჲ სიტყუაჲ მეხუთისა თავისაჲ, მეექუსესა ზედა
Line: 30    მოჰმართა. ხოლო აწ ამას შინა იტყჳს, ვითარმედ "ყოველი სიმრავლე
Line: 31    ანუ შეერთებულთაგან არს ანუ ერთთაგან". ისმინე კეთილად,
Line: 32    რამეთუ სიმრავლეცა განეყოფვის და რიცხუნიცა, ვიტყჳ,
Line: 33    ვითარმედ პირველი შედგმული, რომელ არს .პირველი არსი. და ესე
Line: 34    თქუა და ჰნატრა სიტყუამან ნამდჳლ მყოფად. ესე ნამდჳლ მყოფი
Page: 30   Line: 1    არა შეერთებულთაგან შედგა, არამედ ერთთაგან. ხოლო თუ გინებს
Line: 2    ცნობაჲ მათ ზესთ არსთა ერთთაჲ, მოიღე სახედ რიცხუთ-შორისი
Line: 3    ესე ერთი, რამეთუ ვითარცა ერთსა თჳს შორის მოაქუს ყოველი
Line: 4    სიმრავლე შეურწყმელად და განუწვალებელად, ესრეთვე მას უოცნოსა
Line: 5    ერთსა მოაქუს თჳს შორის ყოველი ზესთ-გუართაჲ, გუართაჲ,
Line: 6    იგავთაჲ, ხატთაჲ უგუაროთაჲ, რომელი და უსახოდ და უნაკუთოდცა
Line: 7    და განუზიდველად სამთა განსაზიდთაგან პოვა ნამრღუევმან გულის
Line: 8    სიტყჳსამან, ვითარცა იტყჳს ფილოსოფოსი: ესთა ყოველნი მას ერთებრივსა
Line: 9    და ზესთ მარტივსა რიცხუსა შორის. ვინაჲ მათ მარტივთა
Line: 10    მიერ შედგა პირველი შედგმული და ყოველი ანაქუსი მისი, რომელ
Line: 11    არს ნამდჳლ მყოფი. და კუალად ამის პირველისა ანაქუსისა
Line: 12    მიერ სხუაჲ შედგმულთაგან უმეტეს დამრთველი თჳსთა შედგმულებათაჲ,
Line: 13    ვითარ არსებაჲ სამარადმყოჲსაჲ, და თჳთ ცხოველისაჲ და
Line: 14    სივრცისა გონებათაჲსა, და სულისა და სულთაჲსა, და ბუნებისა და
Line: 15    ბუნებათაჲსა, და სხეულისა, რომელ არს ცაჲ, და სხეულთაჲს ვინაჲ
Line: 16    ეს სახედ და რიცხუთაცა შორის ჰპოო ხატი და მსგავსებაჲ ერთისაჲ,
Line: 17    რამეთუ ერთსა-შორისისა რიცხჳსგან, რომელ არს იგავებრივი, ათის
Line: 18    ქუეშენი მხოლონი, რომელთა ვიტყჳთ ხატოვნებითად რიცხუად და
Line: 19    პირველად შენადგად და ნამდჳლ მყოფის სახედ. ხოლო ათის-გარესა
Line: 20    რიცხუსა ვიტყჳთ ხატის ხატად და შედგმულის შედგმულად. და
Line: 21    ესთა ვიდრე მოქცევთამდის არსთაჲსა იპყარ.

Line: 22       ხოლო "სადაჲთ-გამო იწყო პირველ შეერთებულმან, მუნით და
Line: 23    მის დასაბამისგანნი პირველნი ერთნი". რამეთუ შედგმული პირველი
Line: 24    ერთთაგან პირველთა, ხოლო ერთნი პირველნი ერთისგან უპირველოჲსა
Line: 25    და თჳთ ყოველთა პირველისა, ნუუმე და პირველი შედგმული ერთისა
Line: 26    მიერ ზესთაჲსა, და ესე პირველ შეერთებული ერთთაგან. ხოლო თუ
Line: 27    და იგიცა ერთნი სთქუნე შეერთებულთაგან, და მერმე კუალად სხუათა
Line: 28    ვიქმნეთ მოქენე შეუდგმელთა ერთთა; და კუალად სხუაჲ სხჳსა, და
Line: 29    ესე ვიდრე უსაზღვროობამდე, რომელ არს უჯერო და უმდგო: იყო
Line: 30    ვიდრემე პირველ პირველისა შედგმულისა შეუდგმელი რიცხჳ და
Line: 31    ერთებრი სფეროჲ ზესთ არსი. რამეთუ ესე პირველთა შორის აღმოიჩინა,
Line: 32    რომელ ყოველსა შედგმულსა მარტივნი ეწინაებიან და ყოველსა
Line: 33    სიმრავლესა ერთი დაუპირველდების. ვინაჲ ნუუმე პირველი
Line: 34    შედგმული ერთთაგან და ვპოვოთ დასაბამის-გამოჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.