ARMAZI
Ioane Petrici, Explanatio in Proclum Diadochum
Part No. 8
Previous part

Chapter: 7  
Page: 31  
Line: 1 
თავი 7
Line: 2 
წარმომჩენელისა და წარმოჩენილისათჳს


Line: 3       ესთა სრულ ყო სიტყუაჲ მეექუსე სიჴშოსა მიერ აღმოსაჩენთაჲსა;
Line: 4    აწ კუალად მეშჳდესა ზედა მოჰმართა და იტყჳს, ვითარმედ
Line: 5    "ყოველი წარმომაჩენელი სხჳსაჲ უმჯობეს არს ბუნებასა
Line: 6    წარმოჩენილისასა". და სამთა მიერ შესიტყუათა აღმოაჩენს: ანუ
Line: 7    უმჯობეს არსო, ანუ უდარეს, ანუ სწორ. იყოს უკუე საცხადო. ხოლო
Line: 8    თუ სწორ, წარმოაჩინოს მანცა სწორი, და ეგე ვითარივე ვითარი
Line: 9    წარმომჩენელმან წარმოაჩინა წარმოჩინებული; არამედ ესე შეუძლებელ,
Line: 10    თუმცა უკუანაჲსკნელნი სწორ იყვნეს პირველთა, რომელი აწ
Line: 11    ამათ მიერ შეიმთხუევის. უკუეთუ სწორ წარმოჩენილი წარმომჩენელსა,
Line: 12    მაშ კუალად სხუაჲ წამოჩენილისა მიერ წარმოჩენილი, იყოს
Line: 13    სწორ პირველსა წარმომწენელსა; და ესე ვიდრე უკუანაჲსკნელამდე,
Line: 14    რომელი ესე შორის მყოფთაჲსა შეუძლებელ არს. უმჯობეს ვიდრემე
Line: 15    წარმომჩენელი წარმოჩენილსა.

Line: 16       და კუალად "უკუეთუ არა აქუს ძალი" სხჳსა წარმოყენებისაჲ
Line: 17    წარმოყენებულსა, იყოს თჳთ ამით დაკლებულ, რომელ არს უშვ და
Line: 18    უნაყოფო და დაკლებულ ძალსა მეშვეობისასა. ვინაჲ უმჯობეს ყოველი
Line: 19    მეშვე და წარმომაყენებელი ყოველსა უშვსა და უმოქმედოსა.

Line: 20       "ხოლო თუ წარმოჩენილცა იყოს" და კუალად თჳთ "სხუათა
Line: 21    წარმომჩენელ". თუ სწორთა თჳსთა, და ესრეთვე შემდგომითი შემდგომად
Line: 22    და ვიდრე უკუანაჲსკნელამდე. და აღიჴოცოს და შეირიოს წესი მყოფთაჲ,
Line: 23    რომელ არს შეუძლებელ, ვითსრცა ზენათა შორის აღმოიჩინა.
Line: 24    რამეთუ სწორისა ძალისა მიერ იქმნების წარმოჩენაჲ სწორთაჲ. უმჯობეს
Line: 25    არს უკუე ყოველი წარმომჩენელი წარმოჩენილსა. და უფროჲსღა
Line: 26    არცა ეგების ოდესცა უდარესობაჲ წარმომჩენელისაჲ. ხოლო
Line: 27    უკუეთუ აობასა და არსებასა მისცემს წარმოჩინებულსა, და ძალსაცა
Line: 28    წარმოუყენებს შესაბამსა არსებისასა. ესრეთ არს ხედვაჲ ამის
Line: 29    სიტყჳსაჲ, ვითარმედ რომელმან უვითარა რაობაჲ არსებათაჲ, და შესაბამიცა
Line: 30    ძალი და მოქმედებაჲ წარმოუყენა ბუნებასა არსებისა მისისასა.
Line: 31    გონიერ თუ არს არსებაჲ, და ძალიცა და მოქმედებაჲ მისი
Line: 32    გონიერ. ხოლო თუ სულითი არსებაჲ, და ძალი და მოქმედებაჲცა
Line: 33    მისი სულითი; ხოლო თუ გრძნობად, და ძალიცა გრძნობადი, რამეთუ
Line: 34    შესაბამად არსებათაჲსა და ძალნიცა და მოქმედებანი, რამეთუ არსებათაგან
Page: 32   Line: 1    ძალნი, ხოლო ძალთაგან მოქმედებანი, მაგრ ქმნასა და
Line: 2    ხრწნასა შორისთაჲ, არამედ სამარადმყოსა შორის წინაუკუმო, ვითარცა
Line: 3    ისიტყუა პირველთა შორის.

Line: 4       "ხოლო თუ თჳთ იგი არს წარმომაყენებელ ძალისა ყოველთა
Line: 5    მისთ შემდგომთასა, თჳთ თავი თჳსი ყოს უძლიერეს ყოველთა". ამას
Line: 6    სიტყუასა იჴმარებს აღმოსაჩენელ დ და იტყჳს, რომელმან თჳთებაჲ
Line: 7    თჳსი ესრეთ ამრავალძალა, რომელ შემდგომთა თჳსთა აარსებს, და
Line: 8    ძალსაცა შეურაბამებს არსებათასა. დაუზესთ ვდების ვიდრემე ძალი
Line: 9    ყოველთა მის მიერ წარმონაარსთაჲ ყოველსა მიზეზსა მის გამო მიზეზუანთადმი.
Line: 10    რამეთუ არცა უძალობისგან დაიცილების, რომლისადა წარმოდგომილ
Line: 11    იყოს ძალი შემოქმედებითი, და არცა არა წადილისგან.
Line: 12    ესე სიტყუაჲ თჳთ პლატონის "ტიმეოსა" და პირველსა შორის
Line: 13    "სჯულთასა" ძეს ესრეთ: მის ერთისაგან განგებასა ყოველთა ზედასა
Line: 14    წარმოაჩენდეს რაჲ, იტყჳს, ვითარმედ ყოველთა მაკეთებელი
Line: 15    ღმერთი არცა უძალობისგან დაიცილების ყოველთა არსთა კეთილ
Line: 16    ყოფად, და არცა შურისგან, არამედ ზესთა ძეს ამ თჳვნებათა და
Line: 17    ქცევათა; რამეთუ მოკუდავთა წესისა არს ესე, რამეთუ ნაკლული
Line: 18    ძალი რაჲზომვე სრულსა ვერ ძალ იქმს ხოლო იგი ზესთ ძესა სრულებასაცა,
Line: 19    და ყოვლისა შემძლე შურთა მიერ არ დაიცილების. ხოლო
Line: 20    არ თემის ესე მისისა ზემექონეობისათჳს. ვინაჲ არცა სწორ
Line: 21    წარმოჩენილი ბუნებასა წარმომჩენელისასა. უმჯობეს უკუე წარმომჩენელი
Line: 22    წარმოჩენილსა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.