ARMAZI
Ioane Petrici, Explanatio in Proclum Diadochum
Part No. 16
Previous part

Chapter: 15  
Line: 17 
თავი 15
Line: 18 
უსხეულოჲსა და სხეულთათჳს


Line: 19       შემდგომად ათ და მეოთხისა თავისა, რომელთა შორის განყვნა
Line: 20    არსთა ყოველთა აობანი სამ ტომად: მიუდრეკელად, და თჳთ
Line: 21    მიმდრეკად და სხჳსა მიერ მიდრეკილად - ხოლო აწ აქა ამას თავსა
Line: 22    შორის განყოფს უსეულოსა და სხეულთა, ვინაჲ იტყჳს: "ყოველი
Line: 23    თჳსადვე უკუნმქცევი უსხეულო არს, რამეთუ არა რაჲ არს
Line: 24    სხეულთაჲ შემძლებელ უკუნ ქცევად თჳსადვე". რაჲ არს ხედვაჲ
Line: 25    ამისი, ისმინე. იტყჳს, ვითარმედ ვერ რაჲ სხეულთა უძლებს უკუნ
Line: 26    ქცევად თჳსადვე, არამედ ვცნათ, თუ რათა მიზეზთათჳს უკუნ იქცევიან
Line: 27    არსნი თჳსადვე. გესმა, რამეთუ ყოველთა მყოფთა შორის
Line: 28    მითესულა ნათელი ერთისაჲ. ხოლო გესმას რაჲ ნათლად, ნუ გარეთ
Line: 29    და ზედშემოსრულად იჭნო, არამედ გაიგონე იგი თუალად. რამეთუ
Line: 30    ვითარ თესლად და მიზეზად არსისად, რომლისაცა იყოს არსისა,
Line: 31    რამეთუ პირველ თჳთ იგი ერთი დაემსჭუალვის მის ზესთ პირველისა
Line: 32    ერთისა მიერ; და ვითარ დაემსჭუალოს მითესული ერთი და
Line: 33    თესლი მის ზესთაჲსა ერთისაჲ, მერმეღა გარემო თჳსსა შემოიქმს
Page: 49   Line: 1    რასავე გუარსა არსებისასა. და არს იგი მიზეზ, და ვითარ უძრავ
Line: 2    მანა, მის გუარისა რომლისადაცა იყოს, ვითარცა კენტროჲ თჳსისა
Line: 3    სფეროჲსად. ვინაჲ ესთა ჰპოვო, და თჳთ მას ნამდჳლ მყოფსაცა
Line: 4    შორის, და სხუათა ყოველთა გონებათა, და სულთა, და ვიდრე სხეულთამდე
Line: 5    ყოველთა გუართა ზედა. ვინაჲ აწ იხილე, თუ ვითარ რამეთუ
Line: 6    არა ყოველთა არსთა შორის მითესული ერთი იგივე ერთი,
Line: 7    და იგი არს, რამეთუ სხუა არს ესე ერთი ნამდჳლ მყოფისაჲ, ვითარცა
Line: 8    უმახლობელესი მის პირველისა ერთისაჲ, და სხუა გონიერთაჲ,
Line: 9    და სხუა სულისაჲ და სულთაჲ, და სხუა ბუნებისა და ბუნებათაჲ,
Line: 10    და სხუა ვითარ სხეულისა და სხეულთაჲ. აწ ამათ ყოველთა შორის
Line: 11    მითესულ არიან თესლნი მის ერთთა მზისა და მხედისანი; და იგი მინათესი
Line: 12    და მინაბრწყენი არს მიზეზ თითოეულისა არსებისა, და შესაბამად
Line: 13    არსებათაჲსა ერთნიცა განიყოფვიან, და კუალად შესაბამად
Line: 14    ერთთაჲსა და არსნიცა. რამეთუ ვითარ არა მისვე და ერთისა ბუნებისა
Line: 15    და პატივისა ყოველნი არსნი, და არცა მისვე პატივისა ყოველნი
Line: 16    ერთნი, ვითარ რიცხუთა შორის საჩინო არს, რამეთუ უმახლობელესნი
Line: 17    ერთისანი არიან უპატიოსნეს და ერთებრივ შორის
Line: 18    განზიდულთაჲსა.

Line: 19       აღიუწყე, რამეთუ ოდეს ეტრფობოდის არსი ზესთ არსსა, პირველად
Line: 20    თჳსთა ყოველთა შინაგანთა შეიარებს, რაჲთა პოვოს თჳს-შორისი
Line: 21    და მიზეზი თჳთერთი. ვინაჲ მის მიზეზისა მიერ თჳსისა, რომელ
Line: 22    არს მის-შორისი ერთი, შეეყოფვის მას ზესთათა მზესა ერთსა, ვითარცა
Line: 23    აღმოაჩენს სოკრატი "ფედროსა" შორის, რამეთუ იტყჳს, ვითარმედ
Line: 24    "შერაჲარებდეს სული თჳსისა არსებისადმი, პირველად დაემთხუევის
Line: 25    არსთა ყოველთა სიმრავლესა, და მრავალსახეობასა მყოფთასა
Line: 26    ხოლო ვითარ დაიღრომსრე, მერმე განაგდებს თითოგუარობასა
Line: 27    გუართასადა თჳთ თჳსსაცა არსებასა ადიძრცჳსო". და მოეხუევის პირველად
Line: 28    თჳს-შორისსა ღმერთსა და ერთსა, და მერმე მის მიერ მას
Line: 29    გამოუსიტყუსა მზესა ერთთასა. ხოლო შენ უკუნქცევაჲ რაჲ გესმას,
Line: 30    ნუ ადგილით ოდენ ჰგონებ, ვითარცა სხეულთა ზედა, არამედ
Line: 31    უსხეულოდცა ისმინე, რამეთუ ყოველი უკუნმქცევი ამის თჳსშორისისა
Line: 32    ერთისა სიყუარულითა უკუნ იქცევის, რაჲთა პოვოს თჳსშორისისა
Line: 33    ერთისა მიერ საწყური მყოფთაჲ და მზე ერთთაჲ. იტყჳს
Line: 34    სოკრატი, რამეთუ აღიძრცვისო ანაგებსა თჳსისა თჳთებისასა, და
Line: 35    ვითარ ენთუსიაქმნილი შესტრფისო მას. ესე უკუნ ქცევისათჳს, თუ
Page: 50   Line: 1    რაჲსათჳს უკუნ ქცევაჲ. ხოლო სხეული ვერ უკუნ იქცევისო თავსა
Line: 2    შორის თჳსსა. გესმა, ამისთჳს რომელ ნაწილთა შორის განზიდულ
Line: 3    და განყრილ. და სხუაჲ სხუაგან ნაწილი მისი, დაღათუ სფერის
Line: 4    გუარ იყო. ვინაჲ ვერ უკუნ ექცევის ყოველი ყოველსა სხეული,
Line: 5    ვითარ ესემცა ნაწილი მისმცა ნაწილისად, და კუალად სხუაჲ
Line: 6    სხჳსად, რამეთუ არ ეგების ესე სხეულთა შორის. ხოლო ყოვლად
Line: 7    ყოვლითურთ უკუნ ქცევაჲ უსხეულოთაჲ არს, და რომელთა შორის
Line: 8    არცა გაგუამებაჲ წარმოსდგომოდის, გაზიდვითი სამთა მიერ გასაზიდთა,
Line: 9    - ვიტყჳ სიგრძესა, სივრცესა და სიღრმესა. რამეთუ ყოველი
Line: 10    სხეული ამათ სამთა მიერ გასხეულდების მბადისა და მექმისა
Line: 11    ღმრთისგან. ხოლო უსხეულოჲ ყოვლითურთ ზესთა ადგილთა მიერსა
Line: 12    განზიდვასა. რამეთუ ყოველი ყოველსა შინა უსხეულოსა ვინაჲ არცა
Line: 13    ადგილისაგან შეიცვის, და არცა ადგილთაგან ადგილთადმი მიდრკების,
Line: 14    არამედ სხუაჲ არს ადგილიცა უსხეულოთაჲ და სხუა მიდრეკაჲცა
Line: 15    მათი, რომელი თჳსთა ადგილსა სახუედრად აღმოიჩინოს ვინაჲ ცან
Line: 16    ესეცა, რომელ ცაჲ მით ისფერებს თჳსთა მიდრეკათა რომელ პირველ
Line: 17    თჳს-შორისსა სდევს ერთსა ხოლო ვინაჲთგან გასხეულებული
Line: 18    არს, მიექმნების მას ადგილთა-მიერი მიდრეკაჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.