ARMAZI
Ioane Petrici, Explanatio in Proclum Diadochum
Part No. 15
Previous part

Chapter: 14  
Line: 17 
თავი 14
Line: 18 
მიუდრეკელისათჳს, თჳთმიმდრეკისა და სხჳსა
Line: 19 
მიერ მიდრეკადისა


Line: 20       ხოლო აწ ამას ათდა მეოთხესა შორის იწყებს მიუდრეკელისა
Line: 21    და თჳთმიმდრეკადისა და სხჳსა მიერ მიმდრეკადისათჳს. ვინაჲ თანა
Line: 22    გუაც რაჲთა ყოველთა მიერ სიწმიდეთა ხედვისათა დავხედნეთ, რომელ
Line: 23    არა განგუევლთას საუწყოჲ.

Line: 24       აღმოაჩინა რაჲ პირველთა შორის თავთა ზესთ არსთათჳს და მის
Line: 25    ზესთათაცა ზესთაჲსა ერთისათჳს, აწ მოჰმართა არსთა აგებულებასა
Line: 26    ზედა და განჰყოფს სამ ტომად: ანუ მიუდრეკელად, ანუ თჳთმიმდრეკად,
Line: 27    ანუ სხჳსა მიერ მიდრეკილად. ხოლო მიუდრეკელად და სამარადისოდ
Line: 28    დასდებს ყოველსა სივრცეს გონიერისა ანაქუსისასა.
Line: 29    იწყე ნამდჳლ მყოფითგან და წარმოვლენ ყოველნი ბუნებანი გონებისანი,
Line: 30    ვითარ სამარადმყოჲსა თჳთცხოველისაჲ, და გონიერთა, და
Line: 31    გონებითთა, და კუალად გონიერთა ოდენ, სადა კრონოს და ზევს,
Line: 32    დია და არეა გამოწნდეს დასასრულსა გონიერთასა. ხოლო შეემეცნე,
Line: 33    რომელ გონიერთა გონებით სფეროჲ უზევდების, ვითარ საგონებოჲ
Page: 47   Line: 1    და გასაგონი მათი. და თჳთ ქართულთაჲცა ესთა დაჰნიშნავს
Line: 2    ლექსვაჲ, ვითარმედ "გონიერიო". აწ ესე თანმიდებაჲ ართროჲსაჲ
Line: 3    თუ რიო მეორესა პირსა დაჰნიშნავს: ოდეს სთქუა სული, და
Line: 4    ოდეს სულიერი, და ეგრეთვე გონებაჲ და გონიერი. რამეთუ სხუაჲ
Line: 5    სული სულიერისგან, ეგრეთვე სხუაჲ გონებაჲ გონიერისგან; ზესთა
Line: 6    სული სულიერისგან, ეგრეთვე გონებაჲ გონიერისგან. ხოლო აქა
Line: 7    გაყვნეს რაჲ ესე სამნი, ვითარ მიუდრეკელი, თჳთმიმდრეკი და სხჳსა
Line: 8    მიერ მიდრეკილი, მიუდრეკელობასა ყოველთა გონებათა და გონიერთა
Line: 9    შორის დამსჭუალავს, და დასდებს არსებასაცა მათსა და მოქმედებასა
Line: 10    მიუდრეკელად, და ზესთა ყოვლისა ცვალებისა და მიდრეკისგან.
Line: 11    რომელთადა დაუვსებელად და დაუბერებელად თან აარსებულა
Line: 12    სიკეთეთა და შუენიერებათა წყაროჲ და ინდალმაჲ ერთთა
Line: 13    შარავანდოჲსაჲ.

Line: 14       ხოლო თჳთმიმდრეკელობითსა ძალსა დასდებს სულისა არსებასა
Line: 15    შორის. ხოლო თუ რაჲ არს თჳთ და თჳსგნით ქონებაჲ ძალსა თჳთმიმდრეკელობისასა,
Line: 16    სხუად ნუ ჰგონო რადმცა, არამედ ძალად ცხოვლობითად
Line: 17    და ვითარ წყაროდ ცხოვლობისად. რამეთუ, სადაცა
Line: 18    მიეფინოს მწუერვალი სულისა ნაკადთაჲ, მუნცა ცხოველ და მიმდრეკელ
Line: 19    ჰყოფს მას. ხოლო თჳთმიმდრეკ ამისთჳს, რომელ არ ვისგან
Line: 20    მიიღებს ცხორებასა დ აქუს მას ზედშემოსრულად, არამედ ბუნებაჲ
Line: 21    მისსა, არს იგი, ვითარ ბუნება ნათლისა სინათლე, ესთავე ბუნება
Line: 22    სულისა ცხოვლობაჲ. ვინაჲ და პლატონცა ამის თჳთმიმდრეკელობისა
Line: 23    მიერ აღმოაჩენს მას უსხეულოდცა და უკუდავად. რამეთუ
Line: 24    ამის ცხოვლობისა მიერ ცხოველ იქმნა და გაცხოველდა ესე ყოველი
Line: 25    ხილული. რამეთუ უღირს ჰყოფს ბუნებასა სხეულთასა, რაჲსავე მოგებად
Line: 26    თჳს შორის ძალისა ანუ მოქმედებისა. და თჳთ მას ცისა სხეულსაცა
Line: 27    ბუნებით, ვითარცა მარტივად ოდენ სხეულისასა, უცხორებო
Line: 28    და უქმ ჰყოფს მეტყუელი ესთა "ტიმეოსა" შორის, ვითარმედ
Line: 29    თჳთ ვითარ სხეული მოკუდავ და უმდგო არს, არამედ იმყოფების
Line: 30    და იმდგომობს, ვითარცა საყოველთაოჲსა სულისადა თანმიბუნებებული
Line: 31    და ოქიმოჲ მისი. და მიითუალავსო მიდრეკათა მარცუალთა მიერ
Line: 32    შეწყობისათა ჟამსა თანა განზიდული დაუვსებელსა. რამეთუ ზევს
Line: 33    მიხედვითა გონიერისა ცისაჲთა ჰბადა და აღამკო იგიო. და კუალად
Page: 48   Line: 1    იტყჳს, ვითარმედ სულმან ყოვლობითმან დაათროო იგი და აღაყმო
Line: 2    სამარადისოდ დევნად მის უოცნოჲსა, და ყოველთა შესაკუდოჲსა
Line: 3    ერთთა მზისად. ვინაჲ აწ აქა, ვითარცა ზემოთა შორის გესმა, ვითარმედ
Line: 4    სამად გაჰყოფს მიუდრეკელსა და თჳთმიმდრეკსა და სხჳსა
Line: 5    მიერ მიდრეკადსა, ხოლო დაზესთაებასა მისცემს მიუდრეკელსა
Line: 6    და უმჯობესობასა. არამედ ორთასავე უდარესობას მისცემს სხჳსა
Line: 7    მიერ მიდრეკილსა და კუალად საშუალ მიუდრეკელისა და სხჳსა მიერ
Line: 8    მიდრეკადისა წარმოაჩენს არსებასა თჳთმიმდრეკისას და ამის მიერ
Line: 9    ახებს და აზიარებს სხჳსა მიერ მიდრეკადსა მიუდრეკელისა არსებისასა.
Line: 10    რამეთუ ყოველი სხეული და სხეულიანი არსებაჲ სულისა მიერ
Line: 11    ეზიარების გონიერსა და მიუდრეკელსა არსებასა, ვითარ სული გონებისა
Line: 12    მიერ ნამდჳლ მყოფისა მორთულებასა. და კუალად ერთბამად
Line: 13    სული და გონებანი ყოველნი ნამდჳილ მყოფისა მიერ მზესა მას
Line: 14    ერთთასა.

Line: 15       შეისწავე რამეთუ უთქოჲ იგი ერთი მიუდრეკელობასაცა ზესთა
Line: 16    ძეს, რომელი თჳსსა სახუედრსა ადგილსა აღმოიჩინოს.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.