ARMAZI
Ioane Petrici, Explanatio in Proclum Diadochum
Part No. 14
Previous part

Chapter: 13  
Line: 1 
თავი 13
Line: 2 
ერთისა და კეთილობისათჳს


Line: 3       სრულ ყო რაჲ სიტყუაჲ მეათორისა თავისაჲ, რომელი იტყოდა,
Line: 4    ვითარმედ პირველი კეთილობაჲ არს უპირატესი მიზეზი
Line: 5    ყოველთაჲ, და აწ ათ და მესამესა თავსა ზედა დაჰრთავს ერთისა და
Line: 6    კეთილობისათჳს, რომელთაცა აღმოაჩენს მათ ერთ და იგივეობად.

Line: 7       ხოლო მდებარე იტყჳს: "ყოველი კეთილობაჲ მაერთებელი არს
Line: 8    მზიარებელთა მისთაჲ და ყოველი ერთობაჲ კეთილობა, და კეთილობაჲ
Line: 9    ერთისად იგივეობა". გესმა, თუ ვითარ მოქმედებათაგან და
Line: 10    შემდგომთა აღმოაბრწყენს სანთელსა აღმოჩენათასა, რაჲთა ერთ და
Line: 11    იგივეობად დადვას ხედვაჲ ერთის და კეთილობისაჲ. რამეთუ, სადაცა
Line: 12    მყოფთასა თანმიბუნებებულა ერთი, კეთილ მისდა არს, და
Line: 13    რაჲცა კეთილ მისდა არს, ერთობა მისდა არს. და იხილე, თუ ვითარ
Line: 14    მოიღე და სახეთაცა ზედა: რამეთუ ერთ არს ყოველი ესე საჩინოჲ
Line: 15    ხილული, ვითარცა ერთი ცხოველი, გონიერი და სულიერი,
Line: 16    ვიტყჳ ცასა ვითარსა რიცხჳთა და გუარითა, ვითარ ტიმეო აღმოაჩინა,
Line: 17    ვითარმედ "იპყრაო ერთმან და კეთილობამან საჩინოჲ ესე
Line: 18    აღმკული, და ბუნებაჲ ყოვლისაჲ ერთ და კეთილ ყო თჳს შორის".
Line: 19    ვინაჲ ვითარ გადიონჳსებული ნეკტართა მიერ სდევს მას ერთსა
Line: 20    და კეთილობასა თჳს-შორისისა ერთისა და კეთილობისა მიერ
Line: 21    აღძრული, დაუცადებელთა მიდრეკათა მიერ, და ემდევრების მას.
Line: 22    ხოლო ერთი და კეთილობაჲ დაუპირველდებიან საზღვარსა და დასაბამსა
Line: 23    მისაწთომელად. ვინაჲ და მოგზაურობაჲცა და დენაჲ ცისაჲ
Line: 24    უსაზღვრო, ვინაჲთგან სატრფოჲ მისი უსაზღვრო; იტყჳს, რამეთუ
Line: 25    უკუეთუმცა ჰქონდაო სატრფოსა მისსა დასასრული და იყო შორის
Line: 26    საზღვარსა, და ცაჲცამცა დადგა თჳსთა დაუვსებელთა მიდრეკათაგან,
Line: 27    ხოლო სატრფოჲ დ სასურვოჲ მიწუთომათა ყოველთა განევლთა.
Line: 28    ვინაჲ დენაჲცა მოქცევთა ცისათაჲ დაცხრომასა განევლთა.
Line: 29    ხოლო თუ რაჲსათჳს ადგილთაჲთ ადგილად მიდის და მიდრკების,
Line: 30    ამისთჳსო, იტყჳს, რომელ ადგილისა მიერ შემოიცვის, ვითარ სხეული,
Line: 31    რამეთუ ყოველი სხეული ადგილსა შორის, ვითარ იამვლიხოს და
Page: 46   Line: 1    პორფირი აღმოაჩინეს. ვინაჲ უსხეულო ყოველი ზესთაგანზიდვითსა
Line: 2    და გარეშეცვითსა ადგილსა. აწ ესე ცხოველი და ვითარ ერთი
Line: 3    ცხოველი ცაჲ, ერთ და კეთილ, და სამარადისოდ კეთდების და ერთდების
Line: 4    თჳსთა დაუწყუედელთა დენათა მიერ. რამეთუ სდევსო ვითარ
Line: 5    განცჳბრებული სიკეთესა მის სანეტაროჲსა სიკეთისასა, რომელსა
Line: 6    ოდენ დუმილმან პატივ სცა მოკლებით თქუმათაჲთა. ვინაჲ, სადაცა
Line: 7    მითესულა დღე მის ერთისაჲ, კეთილ მისდა არს და ცხორებაჲ შესაბამად
Line: 8    არსებათაჲსა, და თჳთ ესე მეკუდოთაცა ცხოველ ქმნა ჲერთისა
Line: 9    და კეთილისა მიერ. რამეთუ ვიდრე ეგნენ ერთობასა და სწორებასა
Line: 10    ზედა რომელობანი ოთხთა კავშირთანი, ჰგიეს მყოფობაჲ მეკუდოჲსა
Line: 11    ცხოველისა და არს მისდა ნათელ და ცხორებაჲ. ხოლო თუ ცხორებაჲ,
Line: 12    და კეთილობაჲცა მისდა; და რაჲზომ განევლტოს ერთობასა,
Line: 13    განევლტოს და კეთილობასაცა, რამეთუ ცხორებაჲ თითოეულის
Line: 14    თჳსი კეთილობაჲ; და თუ თჳსი კეთილობაჲ, თჳსი ცხორებაჲ; და თუ
Line: 15    თჳსი ცხორებაჲ, თჳსი ერთობაჲ. რამეთუ ერთ კეთილობაჲ და ერთი,
Line: 16    და ერთი და კეთილობაჲ, რამეთუ ერთისა მიერ ცხოვნდების ყოველი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.