ARMAZI
Ioane Petrici, Explanatio in Proclum Diadochum
Part No. 13
Previous part

Chapter: 12  
Line: 18 
თავი 12
Line: 19 
არსთა დასაბამისათჳს


Line: 20       სრულ ყო რაჲ თავი მეათერთე სიტყუაჲ, და მტკიცეთა
Line: 21    აღმოსაჩენთა მიერ შეკრა დაუჴსნელი სირაჲ მათი, რომელი იტყოდა,
Line: 22    ვითარმედ ერთი არსო ძირი და მიზეზი მყოფთა წარმოობისაჲ, აწ
Line: 23    კუალად ზედ მოჰმართა მეათორესა თავსა აღმოსაჩენთასა. ვინაჲ
Line: 24    იტყჳს: "ყოველთა მყოფთა დასაბამი და მიზეზი უპირატესი კეთილობაჲ
Line: 25    არს". ამას სიტყუასა სარკმუნოებაჲ თჳთ თჳს შორის მოაქუს,
Line: 26    ვინაჲ ჯერ არს, რაჲთა მრავალ დალიქნულთა გრძნობადისა ძალისა
Line: 27    მიერ სწორი სულისაჲ და ზედმიწევნულებითთა ჴელოვნებათა მიერი
Line: 28    უკუნ სცეს. უკუნ საქცევი ხოლო არს ესე: რამეთუ პირი საქმეთა
Line: 29    ვითარებისაჲ იტყჳს, ვითარმედ ერთი და პირველი მიზეზი არს არსთა
Line: 30    აობისაჲ უპირატესი კეთილობაჲ. და, თუ არ ესრეთ, პოოს კანონმან
Line: 31    აღმოჩენისამან. ვინაჲ თუ არ პირველი წყაროჲ უპირატესი კეთილობაჲ,
Line: 32    მაშა იყოს სხუაჲ უმჯობესი და მეზესთაე კეთილობისაჲ ძირად
Line: 33    და მიზეზად არსთა დენისად, და მის მიერ წარმოეწყაროებოდის
Line: 34    მყოფთა, ვითარცა პირველისა მიზეზისგან. და კუალად რაჲთა მისდადვე
Line: 35    უკუნ იტრფობდეს და უკუ იქცეოდის მყოფი, ვითარცა თჳსისა
Page: 44   Line: 1    მაწყაროებელისა თუალისადმი. ხოლო ესე არსთა მდგომარეობისა
Line: 2    მიერ საუწყო, რომელ კეთილობასა ეტრფვის მყოფი ყოველი, და
Line: 3    თჳსთა ტკივილთა საწყურად ერთსა და პირველსა კეთილობასა უკუ
Line: 4    ედინების, და დამგდე თჳსთა წადილთა და აობათაც მისდმი რეც
Line: 5    თუ უკუნ ერწყუმის, ვითარ გადიონჳსებული და გაერთებული
Line: 6    ერთისა მიერ და გაკეთებული კეთილობისა მიერ. ხოლო თუ
Line: 7    არ იყოს პირველი კეთილობაჲ ძირ და წყარო მყოფთა, და წარმოვლოს
Line: 8    მის წყაროჲსა და მიზეზისგან მყოფთ ზედა. რამეთუ არ ეგების,
Line: 9    რაჲთამცა არ წარმოვლიდა თჳსის მიზეზისგან მიზეზოანისადმი.
Line: 10    ხოლო უკუეთუ მყოფი მიზეზოან და სხუაჲ იგი რაჲცაღა იყოს თჳნიერ
Line: 11    კეთილობისა მიზეზ, წარმოვლოს ვიდრემე მისგან მყოფთა ზედა და
Line: 12    აკეთილოს მყოფი; და თუ აკეთილოს, იკეთოს მყოფმან. ხოლო თუ
Line: 13    მიზეზი აკეთილებს და მიზეზოანი კეთილდების, მაშა იყოს იგივე კეთილობაჲ
Line: 14    მიზეზ, და არღ იყოს სხუაჲ რაჲ თჳნიერ კეთილობისა, ვინაჲთგან
Line: 15    მყოფთა სხუაჲ უკეთესი თჳნიერ გაკეთებისა არა მოუგიეს.
Line: 16    იყოს ვიდრემე პირველი კეთილობაჲ მიზეზ და დასაწყის არსთა აობისა.
Line: 17    ესე აღმოსაჩენი იყო შემდგომთაგან პირველთადმი, რომელი
Line: 18    იტყოდა, ვითარმედ მყოფთა სხუაჲ უკეთესი არაჲ მოუგია თჳნიერ
Line: 19    ერთ ქმნისა, რომელ არს კეთილ მათდა.

Line: 20       "ხოლო თუ არსო, იტყჳს, თანმიარსებაჲ მისი მყოფთადმი,
Line: 21    ვითარ და კეთილობისაჲ, იყოს ვიდრემე უმჯობეს კეთილობასა
Line: 22    შორის მყოფთასა წარმომვლელი პირველისა მიზეზისგან". ისმინე,
Line: 23    რასა იტყჳს, ვითარმედ უკუეთუ არს სხუაჲ მიზეზი და წყაროჲ
Line: 24    მყოფთაჲ თჳნიერ კეთილობის , მაშა წარმოიარსოს მის უმჯობესისგან
Line: 25    მყოფთადმი, და იყოს შორის მყოფთაჲსა უმჯობეს კეთილობისა.
Line: 26    რამეთუ ვინაჲთგან ზესთა კეთილობისა არს, და მისცეს მყოფთ
Line: 27    უმჯობესი რაჲმე და ზესთაჲ კეთილობისაჲ, მაგრა რაჲმც იყო უმჯობეს
Line: 28    კეთილობისა, ვინაჲ და თჳთ მას უმჯობესობასა უმეტესითა კეთილობითა
Line: 29    ვიტყჳთ აღსავსე ყოფად, ვითარ ესე გავიცდით შორის
Line: 30    მყოფთაჲსა რომელთამე უმეტეს აღსავსედ კეთილობითა, ვითარ თჳთ
Line: 31    მას ნამდჳლმყოფსა შორის, და სხუათა შესაბამად თჳსთა აობათაჲსა.
Line: 32    რომლისათჳსცა არ ვინაჲ უმჯობეს პირველსა კვთილობასა, არამედ
Line: 33    უკუანაჲსკნელ და შემდგომ კეთილობისა არ კეთილობაჲ. და ზესთ
Line: 34    და მიზეზ ყოველთა პირველი კეთილობაჲ, რომლისად ყოველნი არსნი
Line: 35    აღკრულ არიან.
Page: 45  



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.