ARMAZI
Ioane Petrici, Explanatio in Proclum Diadochum
Part No. 47
Previous part

Chapter: 46  
Line: 20 
თავი 46
Line: 21 
უხრწნელობისათჳს თჳთმდგომისა


Line: 22       "ყოველი თჳთმდგომი უხრწნელ არს, ხოლო თუ განიხრწნას,
Line: 23    განეყენოს თჳთებასა თჳსსა".

Line: 24       თანა გუაც, რაჲთა დავხედვიდეთ სიწლოსა ხედვისასა. ხოლო
Line: 25    ესე ხედვაჲ იტყჳს, ვითარმედ, რაოდენითა განეყენებოდის არსებაჲ
Line: 26    თჳსსა თჳთებასა, ეგოდენცა იქმნების უარსებო და უმყოფო. რამეთუ
Line: 27    პირველ თჳსთა მიზეზთ და თანშეკრულ არიან უსხეულონი და უხრწნელნი
Line: 28    გუამნი, და მერმე თჳსთა თჳთებათა, და რამეთუ განუკიდებელი
Line: 29    აქუს მყოფობაჲ თჳსთა მიზეზთაგან. რამეთუ ყოველი ყოვლითურთ
Line: 30    მიზეზოანი მიზეზსა შორის, ვითარ უსხეულოჲ უსხეულოსა შორის.
Line: 31    ხოლო შენ, მსმენელო, აქა მომეც საცნოჲ ხადვისაჲ, თუ ვითარ
Line: 32    განუყენებელ მიზეზისგან მიზეზოანი. რამეთუ არა თუ ჟამი ჩამოეჭრების
Line: 33    მათ საშუვალ, ვითარცა პირველობისა და შემდგომობისა,
Line: 34    ვითარ ესე ხრწნადთა და სხეულოანთა ზედა მიზეზთა და
Line: 35    მიზეზოანთა და არცა ადგილი ესე სხეულთაჲ შესცავს მათ. ვითარ
Line: 36    კიდე გდებულსა მიზეზოანსა მიზეზისგან; არამედ უპყრიეს მიზეზს
Page: 106   Line: 1    მიზეზოანი თჳს შორის; და არს ადგილ მისდა, ვითარცა გარეშემცველი
Line: 2    ძალითა, და არა გარემოთხეული, ვითარ სხეულოანი ესე ადგილი
Line: 3    სხეულთადა, არამედ ვითარ ძალი მის-გამოჲ უზესთაესსა ძალსა
Line: 4    შორის. და კუალად არცა უსრულობისგან სრულებად მოვა, რამეთუ
Line: 5    არა ჰმსთავრობს მას ჟამითი წარმატებაჲ, არცა ასაკითი ასაკად
Line: 6    მიცვალებაჲ, ამისთჳს რომელ მატებასა და მოკლებასა არ
Line: 7    მიითუალავს. რამეთუ ყოველი მატებაჲ და მოკლებაჲ მიდრეკაჲ არს,
Line: 8    ხოლო ყოველი უსხეულოჲ გუარი მიუდრეკელ არს, ადგილითაცა
Line: 9    და რომელობითა. და ესრეთ ჰგიეს, ვითარ სიტყუაჲ სულსა შორის,
Line: 10    მიზეზსა შორის მიზეზოანი, და არა რთმელთა ამათ სახეთა მიერ
Line: 11    განეყენების მიზეზსა მიზეზოანი. ხოლო ყოველი განუყენებელი და განუშორებელი
Line: 12    თჳსისა თჳთებისგან და თჳსისა მიზეზისგან უხრწნელ და
Line: 13    სამარადისო არს, და ჰგიეს თჳსსა მიზეზსა შორის.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.