ARMAZI
Ioane Petrici, Explanatio in Proclum Diadochum
Part No. 46
Previous part

Chapter: 45  
Line: 4 
თავი 45


Line: 5       "ყოველი თჳთმდგომარე აუგებელ არს, გუამოვნებით".
Line: 6    იტყჳს და თან დაუთანაებს თჳთმდგომარეობასა აღუგებელობასაცა.
Line: 7    რამეთუ ყოველი აღგებული ქუე დაუშთების თჳთმდგომარეობასა,
Line: 8    რამეთუ დაღათუ იყოს უკუდავთა ნაწილისაჲ, ვითარ ესე
Line: 9    ყოვლობაჲ ცისაჲ, რამეთუ არცა მას მოუგიეს ბუნებით თჳთმდგომარეობაჲ,
Line: 10    არამედ დაბუნებებულად და არა ბუნებით. რამეთუ უსხეულოჲსა
Line: 11    გუარისა თანდაბუნებებითა იქმნა და იჰაზრა იგი თჳთმდგომარედ.
Line: 12    ხოლო ვითარ სხეული უცხო არს ხუედრისა ამისგან, არამედ
Line: 13    თანმეარსეობითა სულისაჲთა იქმნა იგი ვითარ თჳთმდგომარე, რამეთუ
Line: 14    ყოველი თჳთმდგომარე აღუგებელ. ვინაჲ დაუჴსნელცა, რამეთუ
Line: 15    რომელსა თანმიცემით ჰქონდის თჳთმდგომარეობაჲ, თანმიცემითცა
Line: 16    ჰქონდის აღუგებელობაჲ. ხოლო რომელსა თანმიცემით და ზიარებით
Line: 17    ჰქონდის აღუგებელობაჲ, ცხორებისაცა და უკუდავებაჲ თანმიცემით
Line: 18    და ზიარებით ჰქონდის, ვითარცა სხეულთა ცისათა რამეთუ
Line: 19    სხეულთა თანმეარსეობითა მის-შორისი ცხოვლობაჲცა და
Line: 20    უკუდავებაჲ.

Line: 21       "და რამეთუ ქმნაჲცა გვარ ვიდრემე არს, უსრულობისგან
Line: 22    წინმეწყჳსა თჳსისა სრულებისადმი". ესე სიტყუაჲ დიდად მრუმედ
Line: 23    დადვა არისტოტელი, ხოლო შენ შენ-შორისი გონებაჲ ხადე
Line: 24    ერმაულთაგან, ჵ გამგონეო, თუ ვითარ "და ქმნაჲცა გუარ ვიდრემე
Line: 25    არს". ისმინე, ვითარცა მეცნიერმან გუართამან, რამეთუ გუარი
Line: 26    ვითარ იყოს რაჲვე გუარი აღარ იქმნების, რამეთუ გუარნი და
Line: 27    თჳთებანი გუართანი მიუდრეკელ არიან, ხოლო ყოველი ქმნაჲ მიდრეკასა
Line: 28    შორის იხილვების; ხოლო მიდრეკაჲ უცხო და წინამწყო
Line: 29    დგომასა და გებასა. ვინაჲ იტყჳს არისტოტელი შორის "აკროასსა
Line: 30    ფისიკისასა" ვითარმედ ქმნაჲცა გუარ ვიდრემე არს.
Line: 31    არ იტყჳს თუ გუარ, არამედ ქმნაჲცა გუარ ვიდრემე. რაჲ არს ესე?
Line: 32    რამეთუ ყოველი გზასა და მიდრეკასა შორის ხილული ბუნებითსა,
Line: 33    ვითარ გუარ არს, მაგრა ჯერეთ არა გუარ, ვითარ სახედ თესლი
Page: 105   Line: 1    რაჲ იქმნებოდის შორის საშოსა ცხოველთასა, ვითარცა რაჲ გზასა
Line: 2    შორის არს ქმნისა და მიდრეკისასა, და ვითარ გუარ არს და არა
Line: 3    გუარ. რამეთუ მაშინღა არს გუარ, ოდეს მიიღოს თჳსი სრულებაჲ. და
Line: 4    ესთავე სახლი ქმასა შორის ხილული ვითარცა სახლ არს და არა
Line: 5    სახლ. ხოლო ოდეს მიიღოს გუარი, მაშინ არღარაჲ იქმნების, რამეთუ
Line: 6    გუარნი მიუდრეკელ არიან. არამედ ესე და ესვითაჲ ყოველი
Line: 7    სხეულთ-შორისთა გუართა ზედა, ხოლო უსხეულ გუარი და უცხოჲ
Line: 8    წინამდებარისა საფუძველისგან, არ ვიდრემე მოქენე ესვითათაჲ ზესთა
Line: 9    ძეს ესვითაჲსა ყოვლისაგან.
Line: 10       "ხოლო წარმომაარსებელი არსებისა თჳსისაჲ სამარადისო არს,
Line: 11    რამეთუ ნიადაგ მიზეზსა შორის თჳსსა ჰგიეს, და უფროჲს ხოლო
Line: 12    ერთ არს თჳსისა მაარსებელისადმი". კუალად დაჰრთავს ხედვასა
Line: 13    ხედვათა ზედა და იტყჳს, ვითარმედ ყოველი თჳთმდგომი დ უკუმეტრფე
Line: 14    თჳსდადვე ჰგიეს თჳსსა მიზეზსა შორის, და ერთ არს მას
Line: 15    შორის ვითარ იგი ერთ არს თჳს შორის. რამეთუ არა თუ გარეთ
Line: 16    უკუ ექმნების მას, რამეთუ ყოველი მიზეზოანი თჳსსა მიზეზსა შორის
Line: 17    ერთ, ვითარცა თჳს შორის, არამედ მიზეზსა შორის მიზეზობით,
Line: 18    ხოლო თჳს შორის მყოფობით, ხოლო შემდგომსა შორის თანმიცემით,
Line: 19    ვითარცა პირველთა შორის აღმოიჩინა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.