ARMAZI
Ioane Petrici, Explanatio in Proclum Diadochum
Part No. 45
Previous part

Chapter: 44  
Page: 103  
Line: 1 
თავი 44


Line: 2       "ყოველი მოქმედებიით თჳსდადვე უკუნმქცევი და არსებითცა
Line: 3    უკუნქცეულა თჳსდადვე". ისმინე, გამგონეო, სიჴშოჲ და
Line: 4    შუენებაჲ აღმოსაჩენთაჲ. გაჴსოვსა, ოდეს მოქმედებისა და არსებისათჳს
Line: 5    სიწლოსა აღმოსაჩენთასა და სივრცესა თხზულებისასა მივეცით?
Line: 6    რამეთუ მაშინ ითქუა, ვითარეედ ყოველსა გუარსა არსებაჲ
Line: 7    დაუმჯობესდების მოქმედებისასა. რამეთუ, ითქუას რაჲ მოქმედებაჲ
Line: 8    ვისი არსო და რომლისა არსებისაჲ, ხოლო ყოველი ვისი და რომლისაჲ
Line: 9    შემდგომი არს მისი, რომლისაჲ იყოს და ვისი. და კუალად
Line: 10    მიზეზთაგან და მამათა პირველ არსებანი წარმოიყენებიან, და მერმეღა
Line: 11    მოქმედებანი. ხოლო უკუეთუ თქუას ვინმე ყოველი უკუმეტრფი
Line: 12    პირველ მოქმედებით უკუტრფობად და მერმეღა არსებით, დასცილდეს
Line: 13    ხედვაჲ ჭეშმარიტებისაჲ, რამეთუ არ ეგოს პირველი შემდგომად
Line: 14    და არცა მიზეზი უკუანაჲსკნელ მიზეზოანისა. ვინაჲ ყოველი უკუ
Line: 15    ტრფობაჲ და უკუნ ქცევაჲ პირველად არსებით და მყოფობით, და
Line: 16    შემდგომადღა და მოქმედებითცა. არამედ ესე არ ეგოს, თუმცა არსებაჲ
Line: 17    უკუნ იქცა და უკუ ისფერა თჳსდადვე. ხოლო მოქმედებაჲმცა თჳსი
Line: 18    არა უკუ იტანა. რამეთუ ყოველსა მოჰქონან თჳს-გამონი ძალნი
Line: 19    და ნაწილნი თჳს თანა, და არა გამოთა და ნაწილთა ყოველი. ესვითა
Line: 20    ცასა მოჰქონან თჳსსა მიდრეკასა შორის სფერონი ყოველნი, და
Line: 21    არა სფეროთა უცთომი სფეროჲ. ვინაჲ შესწავებით იყოს გასამეცნო,
Line: 22    ვითარმედ ყოველი არსებაჲ უპირველეს უკუ ეტრფოს თჳსსა თჳთებასა
Line: 23    არსებითსა, ხოლო შემდომადღა მოქმედებაჲ, ვითარ თანტანებული,
Line: 24    მაგრა არა იძულებული. რამეთუ თანტანებისა სახე ორ
Line: 25    სახე არს: ვითარ იძულებითი, და ვითარ ბუნებითი და შორისი.

Line: 26       "რამეთუ უმჯობესისა მიერ არს მაარსებელი თჳსდა და სრულ
Line: 27    მყოფელ, ვიდრე არა სხჳსა მიერ ცხოვნებულ". დაჰრთო კუალად
Line: 28    აღმოჩენაჲ სიცხადის თჳს და თქუა, ვითარმედ უმჯობესისა მიერ
Line: 29    იქმნების სრულ და არსდების. რამეთუ არსებაჲ თჳსითა თჳსდავე
Line: 30    უკუსფერებითა იქმნების უკუდავ და სრულ და არა უდარესითა
Line: 31    კერძოჲთა.

Line: 32       "რაჲთა არა მხოლოდ იმოქმედებს ოდენ თჳსდა მიმართ, არამედ
Line: 33    მყოფობასაცა თჳსსა თჳს მიერ იპყრობდეს და სრულ
Line: 34    ჰყოფდეს". გუესმა აქა, ვითარმედ უკუნ ტრფობანი განიყოფვიან. რამეთუ
Line: 35    უკუ ეტრფის არსებაჲ თჳსსა ერთებრირსა ერთთასა და კენტროსა,
Line: 36    რაჲთა იარსოს თჳსისა მიერ ერთისა, და აკეთილდეს თჳს-შორისისა
Page: 104   Line: 1    მიერ ღმრთისა. არამედ მოქმედებითი უკუნქცევაჲ შემდგომთაგან
Line: 2    არს და ვერ ეკმაების მყოფობითსა რდგომარეობასა, რაჲთამცა
Line: 3    უკუდავ ყო არსებაჲ უკუმეტრფისაჲ.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.