ARMAZI
Ioane Petrici, Explanatio in Proclum Diadochum
Part No. 55
Previous part

Chapter: 54  
Line: 23 
თავი 54
Line: 24 
საზომთათჳს მყოფთა


Line: 25       "ყოველი საუკუნოჲ თანსაქონო არს საუკუნის-გამოთა, და
Line: 26    ყოველი ჟამი ჟამი-შორისთა". ესე არს ესე ხედული, ვითარმედ
Line: 27    ყოველი საუკუნოჲ ყოველთა თჳს-გამოთა მისცემს თჳსთა თჳთებათა,
Line: 28    და იზიარებს ვითარცა მიზეზი მიზეზოანთა. ხოლო, ყოველი რაჲ
Line: 29    თქუა, სიმრავლე დამისახა ჩუენ საუკუნოთა ბუნებისაჲ, და ესთავე
Line: 30    და ჟამისათჳსცა. რამეთუ ყოველი ჟამი თან მისცემს თჳს-გამოთა და
Line: 31    თჳს-შორისთა ყოველთა თჳსთა თჳთებათა.

Page: 118  
Line: 1       "და მხოლოდ ესე ორნი არიან საზღვარნი და საზომნი მყოფთა
Line: 2    შორის: ცხორებისა და მიდრეკისა". გესმაა ესე, ჵ გამგონეო?
Line: 3    რამეთუ ორ არიან საზომნი და საზღვარნი მყოფთანი, რამეთუ რომელთამე
Line: 4    საუკუნოჲ შემოსწერს და მიითუალავს, ესე იგი არს ვითარმედ
Line: 5    განზომს; ხოლო რომელთამე ჟამი, რამეთუ ყოვლისავე
Line: 6    ცხორებისა და გუარისა მიზეზ არს საუკუნოჲ ხოლო ყოვლისა
Line: 7    მიდრეკისა ბუნებისა და თჳთმიდრეკისა მიზეზ და მაარსებელ ბუნებაჲ
Line: 8    ჟამისაჲ, ვითარ საუკუნოჲსა ხატისა და აღალმაჲსა; რამეთუ სხუა
Line: 9    არა რაჲ არს ჟამი თჳნიერ ძეგლ და ხატ საუკუნოჲსა. და ვითარ.
Line: 10    იგი მიუდრეკელობასა და იგივეობასა შორის იქმს და ამგებს
Line: 11    ყოველსა, ესთადვე და ჟამი ოდენ უსახებს. რამეთუ მას უდინად
Line: 12    აქუს თჳსი თჳთებაჲ, და დამსჭუალულა იგივეობასა ზედა და ნეტარსა
Line: 13    თჳთობასა. ხოლო ჟამსა სანიადაგოდ მიდრეკასა და სხუა და
Line: 14    სხუათბასა შორის მოაქუს თჳს შორის ყოველი.

Line: 15       "რამეთუ ყოველი განმზომი ანუ ნაწილებით განჰზომს, ანუ
Line: 16    ერთობით ყოველი ყოველსა მოეზავოს მის მიერ განზომილსა". აქა ორ
Line: 17    სახედ განჰყოფს ჟამსა და ჟამის-მიერსაცა განზომასა. რამეთუ ჟამი
Line: 18    ანუ ნაწილებითი არს და განჰზომს ნაწილებით, ვითარ მოვიღოთ სახეთაცა
Line: 19    ზედა. რამეთუ ნაწილებითი ჟამი ვითარ ესე შჳდად განაწილებულთა
Line: 20    სფეროთაჲ, ვითარ მზისაჲდა სხუთა თანტომთა მისთაჲ, რომელთა
Line: 21    ერთი არს აპოლლოს, რამეთუ აპოლლოჲს-შორისთა
Line: 22    ჟამთა ქცევისა მიერ განიზომების ყოველი მეკუდოთა ცხოველთა ჟამი.
Line: 23    და ყოველთა ამათ გაცხოველებულთა მეკუდოთა-შორისსა ჟამსა
Line: 24    ჰმსთავრობს და იპყრობს მეფობაჲ აპოლლოჲს-შორისთა ჟამთაჲ.
Line: 25    და ყოველთა დრეკათა ცხოველთბითთა მიდრეკათა მისთა საზომი.
Line: 26    ვინაჲ ესე ცხად არს ცხოველთა ჰასაკისგან. და კუალად საყოველთაოჲ
Line: 27    ჟამი, რომელი განიცდების საყოველთაოსა შორის სფეროსა და
Line: 28    ყოვლობასა შორის ცისასა, იპყრობს ყოვლობასა ოთხთა ამათ კავშირთა
Line: 29    და ასოთასა. რამეთუ ყოვლობაჲ ყოველთაჲ სამარადისო
Line: 30    არს, ვითარ ბუნებაჲ ყოველთა სფეროთაჲ და ოთხთა ამათ ასოთაჲ,
Line: 31    და ვითარ ბუნებაჲ ყოველთა ცხოველთაჲ, და ვინაჲ ერთობით ყოვლობაჲ
Line: 32    ყოველთაჲ საყოველთაოსა შორის ჟამსა დამსჭუალულა.
Line: 33    ხოლო საყოველთაოჲ ჟამი საუკუნესა შორის მიუდრეკელად დამტკიცებულა,
Line: 34    და მის-მიერნიცა ყოველნი ვითარ ყოვლობაჲ ყოველთა
Line: 35    ბუნებათაჲ ხოლო ოდეს და ოდესობაჲ მეკუდოთა და ნაწილებითთა
Page: 119   Line: 1    შორის, რამეთუ ვინ კაცი მოკუდების, და ვინ ცხენი, და ვინ ირემი,
Line: 2    და ვინ თევზი და არა ბუნებაჲ ამათი, ვითარცა კაცებაჲ, ცხენებაჲ
Line: 3    და სხუაჲ ესე ვითარი. და კუალად ოთხნიცა ესე ასონი ნაწილებით
Line: 4    იქმნებიან და იხრწნებიან და არა ყოვლობით: რამეთუ ნაწილი
Line: 5    იხრწნა ცეცხლისაჲ და გაქუეყანდა, დაივსო რაჲ მის შორის სიმჴურვალე;
Line: 6    და ნაწილი იხრწნა წყლისაჲ, გაჰაერდა რაჲ და დააგდო
Line: 7    თჳსი სიგრილე; და ეგრეთვე ნაწილი იხრწნა აირისაჲ და არა ყოვლობაჲ,
Line: 8    დააგდო რაჲ თჳსი სიმჴურვალე, ვითარცა არისტოტელი
Line: 9    წიგნსა შორის "ქმნისა და ხრწნისასა" გუასწავლის,
Line: 10    რომელ "პერი გენესეოს და ფთორას" უწოდა. ვინაჲ შესწავებით
Line: 11    იყოს საცნაურ, რომელ ყოვლობაჲ ყოველთაჲ საყოველთაოსა
Line: 12    ჟამსა შორის, ხოლო საყოველთაოჲ ჟამი საუკუნესა შორის.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.