ARMAZI
Ioane Petrici, Explanatio in Proclum Diadochum
Part No. 54
Previous part

Chapter: 53  
Line: 18 
თავი 53
Line: 19 
საუკუნოჲსა და საუკუნითთათჳს


Line: 20       "ყოველი საუკუნითთა უპირველეს არს საუკუნოჲ, და ყოველთა
Line: 21    ჟამის-შორისთა ჟამი უპირველეს წარმოდგომილ არს".

Line: 22       აწ ამას თავსა შორის დასდებს დასაბამთა და ედრეობითთა საფუძველთა.
Line: 23    იტყჳს, ვითარმედ ყოველთა სამარადმყოჲს-გამოთა ჰმსთავრობს
Line: 24    მარადმყოჲ, და ყოველთა ჟამის-გამოთა ჟამი ჰფლობს, ვინაჲთგან
Line: 25    ყოველგან პირველ მიზეზოანთაჲსა არიან მიზეზნი, და პირველ მიზეზთაჲსა
Line: 26    მიზეზთ ზესთანი. საუწყო უკუე, ვითარმედ სხუა საუკუნოჲ, და სხუა
Line: 27    საუკუნესა შორის საუკუნოჲ, და კუალად სხუა მებრ თჳთმყოფი საუკუნოჲ
Line: 28    აქა თანა გუაც, რაჲთა აღვიჴსენდეთ რომელ ითქუნეს პირველთა
Line: 29    შორის მიზეზისა და მიზეზოანისათჳს, რაჲთა ცხად იქმნეს
Line: 30    სიტყუაჲ. ვიტყოდეთ, ვითარმედ მიზეზოანი განიცდების სამ სახედ:
Line: 31    კატეტიად, კათჳპარქსად და კატამეთექსად. ესთავე იპყარ
Line: 32    და საუკუნესაცა ზედა, რამეთუ ესე საუკუნოჲ სამ სახედ იხილვების:
Line: 33    პირველად მიზეზსა შორის, ვითარცა ერთი მას შორის; მერმე თჳთებასა
Line: 34    თჳსსა შორის, რომელ არს მყოფობაჲ მისი; მესამედ თჳს-გამოთა
Line: 35    მისგნით მიზეზოანთა შორის.

Page: 116  
Line: 1       აწ უკუე განვჰმარტოთ ხედული ესე. რამეთუ საუკუნოჲსა მიზეზად
Line: 2    და მამად ნამდჳლმყოფსა დასდებს დიდი პარმენიდი, მას ერთებრსა
Line: 3    სფეროსა ნამდჳლ მყოფისასა აღმოაწენს მიზეზად მარად მყოჲსად,
Line: 4    რამეთუ მის შორის საუკუნოჲ, ვითარ ერთსა შორის ორი, და კუალად
Line: 5    თჳს შორის საუკუნოჲ, ვითარ თჳს შორის და თჳსსა თჳთებასა
Line: 6    შორის ორი; და კუალად შემდგომთაცა შორის ორი; ვითარ ოთხსა
Line: 7    და რვასა შორის. ეს სახედვე და საუკუნოჲცა და ჟამი სამ სახედ
Line: 8    იხილვებიან, და ყოველი მიზეზი და მიზეზოანი: რომელიმე ვითარ
Line: 9    მქონებელი ესე არს შემდგომთა-შორისი და მიზეზოანთა, რამეთუ.
Line: 10    მქონებელნი მიზეზისანი შემდგომნი და მიზეზოანნი არიან, ხოლო
Line: 11    რომელიმე ვითარ ქონებული ესე არს მიზეზი მყოფობითი და თჳსსა
Line: 12    თჳთებასა მქონებელი, რამეთუ იგი იქონების შემდგომთა მიერ და
Line: 13    მის-გამოთა; ხოლო რომელიმე ვითარ უქონოჲ. უქონოდ იტყჳს, რომელი
Line: 14    პირველსა მიზეზსა შორის იხილვებოდის ვითარ ზესთასა შორის,
Line: 15    ვითარ ორი ერთსა შორის. რამეთუ უქონო არს თჳს-გამოთაგან
Line: 16    მიზეზოან. ხოლო ყოველი ესე ხედვაჲ გაიყოფვის სმად: მქონებელად,
Line: 17    ქონებულად და უქონოდ. მქონებელად ვითარ მიზეზოანად,
Line: 18    რამეთუ აქუს მიზეზი მიზეზოანსა თანა. ხოლო ქონებულად თჳთმყოფობაჲ
Line: 19    მიზეზისაჲ, რამეთუ იგი იოტნების. ხოლო უქონოდ ჰრაცხე
Line: 20    და ხედენ ზესთ მიზეზსა შორის, ვითარ ერთისა შორის.

Line: 21       "ამათ უკუე მრჩობლთა, პირველთა და თანუქონოთა,
Line: 22    ყოველთაგან ყოველთა შორის იგივე და ერთი საზღუარი". იტყჳს მრჩობლად
Line: 23    უკუე და თანუქონოდ პირველთა მიზეზთ სირათასა, ვითარ
Line: 24    აწ აქა საუკუნოჲსა და ჟამისასა. ხოლო ორნი ესე საზომნი დასახნა
Line: 25    ყოველთა არსად სახელდებულთანი: რამეთუ ყოველი სამარადისოჲ
Line: 26    საუკუნესა შორის განიზომების, და ყოველი ოდესვეობასა შორის
Line: 27    მყოფი ჟამსა შორის.

Line: 28       "ხოლო თანმექონენი მათ შორის მხოლოდ თანმექონე,
Line: 29    რომელთა იყვნენ თანმექონენი" ესე იგი არს, ვითარმედ ყოველნი მაზიარებელნი
Line: 30    პირველთანი ოდენ მზიარებელ პირველთა და თანმექონე.
Line: 31    ხოლო იგინი უზიარებელ პირველთაგან, რამეთუ შემდგომნი პირველთაგან
Line: 32    მიიღებენ მყოფობასა და არა პირველნი შემდგომოაგან.

Line: 33       "და რომელიმე არს საუკუნოჲ საუკუნეთაჲ. ხოლო რომელმე
Line: 34    ჟამი ჟამთაჲ, რომელნი არიან თანმექონეთა მაგუამოვნებელ".
Line: 35    ხოლო აწ ჩუენ განვიცადოთ, თუ ვითარ არს საუკუნოჲ საუკუნეთაჲ
Line: 36    და ჟამი ჟამთაჲ. აქა კანონი საყოველთაოჲსაჲ და
Page: 117   Line: 1    ნაწილებითისაჲ შემოაქუს, რამეთუ საყოველთაოსა და პირველსა საუკუნესა
Line: 2    შეუცვან ყოველნი ნაწილებითნი საუკუნენი, და პირველსა საყოველთაოსა
Line: 3    ჟამსა ყოველნი ნაწილებითნი ჟამნი. და ვითარ პირველი
Line: 4    საუკუნოჲ პირველსა შორის გონებათასა დამსჭუალულა, რომელსა
Line: 5    და ვღაღადებთ ნამდჳ ლმყოფად, ეგრეთვე პირველი ჟამი პირველსა
Line: 6    შორის სხეულთასა, რომელ არს ცაჲ, ეგრეთვეცა და გონებათა
Line: 7    მორთულებაჲ ნამდჳლ მყოფისაჲ. და ვითარ ესე ცაჲ არს მაგუამოვნებელ
Line: 8    და მიზეზ ყოველთა მის გამოთა და ნაწილთა,
Line: 9    ეგრეთვე ნამდჳლ მყოფი ყოველთა საუკუნეთა, და ვითარცა
Line: 10    იტყჳს პარმენიდი: "ეონ ეონი პელაზი". აქა სიტყუაჲ ესე
Line: 11    განყოფილებითსა მდგომობასა და გათჳთებითსა გამიცხადებს ჩუენ,
Line: 12    რამეთუ იტყჳს, ვითარმედ "საუკუნოჲ საუკუნესა განვლისო", ვითარმედ
Line: 13    შემოსწერსო. რამეთუ არა ერთ და იგივე ბუნებაჲ ყოველთა
Line: 14    საუკუნეთაჲ, ვითარ არცა ერთ და იგივე ბუნებაჲ ჟამისაჲ. რამეთუ
Line: 15    სხუა შენებაჲ დიდსა შორის სფეროსა ჟამისაჲ, და სხუა კრონოჲსსა
Line: 16    შორის, და სხუა დიდისა დიოჲსსა და სხუა არისსა,
Line: 17    და სხუა დიდისა აპოლლოჲსსა, და სხუა ერმის პრომითიათაჲ,
Line: 18    და სხუა აფროდიტის მახარებელთა ტრფიალებათაჲ, და
Line: 19    სხუაჲ არტემიდიტოჲს ქცევათაჲ. რამეთუ ამათ ყოველთა შორის
Line: 20    სხუა და სხუა ქცევაჲ ჟამისაჲ, ვითავე და მიდრეკისაჲ. ვინაჲ ამათ
Line: 21    სხუაგნით სადაჲთმცა მოეხუნეს ესვითანი ესე ძალნი თჳნიერ პირმშოთა
Line: 22    და მიზეზთაჲსა, რომელ არიან სამარადმყონი საუკუნენი.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.