ARMAZI
Ioane Petrici, Explanatio in Proclum Diadochum
Part No. 53
Previous part

Chapter: 52  
Line: 18 
თავი 52
Line: 19 
სამარადმყოჲსათჳს


Line: 20       ესე თავი ფრიადითა სიწლოჲთა ხედვისაჲთა დაჴშირებულა, ოჲ
Line: 21    გამგონეო. ხოლო ჩუენ მოვხადოთ სიტყუასა მიზეზსა ყოველთა
Line: 22    სიტყუათასა.

Line: 23       "ყოველი მარად მყოჲ ერთბამად ყოველი არს". ესე არს ესე,
Line: 24    ვითარმედ ერთბამად აქუს ყოველივე, და არა ვითარ ჟამის-შორისი,
Line: 25    რაჲთამცა პირველი წარმოსდგომოდა და შემდგომი არა, ვითარ
Line: 26    ბუნებითთა და კელოვნებითთა აღგებათა შორის განიცდების. და
Line: 27    თჳთ მის ცისაცა მოქმედებათა შორის, რამეთუ რომელმანმე წაიარა,
Line: 28    ხოლო რომელიმე წარმოჰვლის, ვითარ პირველი და შემდგომი.
Line: 29    ხოლო მარად მყოსა შორისისა არ არის ესთა, რამეთუ ერთბამ ყოველი
Line: 30    პირველი და შემდგომი, ნაწილი და ყოველი, არსებაჲ და მოქმედებაჲ,
Line: 31    მიზეზი და მიზეზოანი, ვითარ ზემოთა შორის
Line: 32    აღმოვაჩინეთ.

Line: 33       "რაჲზომვე და არს". რაჲ არს თუ რაჲზომვე და არს? რითარმედ
Page: 114   Line: 1    ანუ გონიერ იყოს ანუ გონებითი, რამეთუ განყოფილ გონიერი
Line: 2    გონებისგან, ვითარცა სული სულიერისგან.

Line: 3       "არამედ რაოდენ შემძლებელ იყოს მყოფობაჲ მისი", ეგოდენ
Line: 4    და მოქმედებაჲცა და ნაწილნი თჳსნი მიუდრეკელად მის თანა
Line: 5    ერთბამად, "და მოქმედებაჲცა არსებისა მიმართ". ესრეთ იტყჳს,
Line: 6    ვითარმედ ყოველსა და გონებითსა შორის არსებასა ერთბამად მოქმედებაჲცა
Line: 7    და არსებაჲ, რამეთუ თან წარმოსდგომია არსებასა მოქმედებაჲ
Line: 8    და არა ვითარ სულისაჲ, რამეთუ არსებაჲ სულისაჲ შორის
Line: 9    საუკუნოსა, ხოლო მოქმედებაჲ ჟამსა შორის. და არა აქუს მოქმედებაჲ
Line: 10    არსებასა თანამორბედად და წარმოდგომილად, არამედ
Line: 11    წარმატებით, მაგრა არ ზედშემოსრულად, ვითარ აფროდისიელსა
Line: 12    ეოცნა, არამედ ვითარ თჳს-შორისი და აღჴსენებითი; ვითარ
Line: 13    ცეცხლსა სიმხურვალე არა გარეგნით გაღჳვნებისა მიერ, არამედ
Line: 14    შიგნით და ბუნებით, ეგრეთვე სულსა მოქმედებათა აღჴსენებისამიერ,
Line: 15    ვითარ თჳსთა და არა გარეგნით ნაგრძნთა ზედაჲს-ზედათა დაუნჯებისგან.
Line: 16    ხოლო ჩუენ წინამდებარესა ხედვასა ამბორს-უყოთ. იტყჳს,
Line: 17    ვითარმედ რომელთა საზომად სამარადმყოჲსა აქუს ყოვლითურთ
Line: 18    ყოველი, თჳს შორის წარმოდგომილ არს ზესთ ჟამთა და მიდრეკათა,
Line: 19    და პირველ შემდგომობითთა განზიდვათა.

Line: 20       "და ესე მყის მასვე და მათსა საზომსა შორის სრულებისასა
Line: 21    წარმოუჩენია". დაურთო მყისი, ვითარ უჟამოჲ და უმსწრაფლესი.
Line: 22    რამეთუ "ნჳნი", აწი, ჟამისათა შორის, და "სტომი" წენტილი,
Line: 23    სხეულისათა შორის ყოველთა უმსწრაფლე და უჟამო არიან რამე
Line: 24    თუ ყოველსა ჟამსა უნდა რაჲზომივე განსაზიდი. ხოლო ყოველი განუზიდველი
Line: 25    ზესთა ძეს ჟამსა და მიდრეკასა. რამეთუ ყოველი უჟამოჲ
Line: 26    მოქმედებაჲ ზესთა მიდრეკისა. რამეთუ აჰა და მყის ყოველი,
Line: 27    და არა პირველსა შორის შემდგომი, არამედ აჰასა და მყისსა შორის
Line: 28    არა რომელი პირველი და შემდგომი.

Line: 29       "რამეთუ მარად მყოჲ თუ არს, ვითარ და სახელიცა საცნაურ
Line: 30    ჰყოფს, ვითარმედ "მარად მყო". სხუა ვინაჲვე დ სხუა
Line: 31    გუარ ყოფაჲ მარად მყოჲსაგან, რამეთუ არ ვინაჲ მათ შორის პირველი
Line: 32    და შემდგომი ვითარ ჟამსა შორის. რამეთუ სადაცა პირველი
Line: 33    და შემდგომი გაიცდებიან, ითქუას ქმნად და არა მყოფად. ხოლო
Line: 34    ესე გჳსწავიეს, რომელ მყოფი არა იქმნების რომელი წარმოდგომილა
Page: 115   Line: 1    გუარითა, ვითარ არისტოტელი აღმოაჩინა. ხოლო სხეულოანი
Line: 2    ესე ნიადაგ იქმნების, რამეთუ პირველმან წარვლო და შემდგომი
Line: 3    ზედ შემოვა, რომელსა ნიადაგ მყოფობაჲ აქუს ესთა. არა
Line: 4    ჯრ არს, რაჲთამცა მყოფ ეწოდაო, იტყჳს ღმრთივი პლატონ.
Line: 5    ხოლო თუ ვინ უწოდდესო, ოდენ სეხნაობით უწოდონ და ნუ არსებით,
Line: 6    ვითარ ცხოველსა და ხატსა.

Line: 7       "ხოლო სადა არცა პირველი და არცა შედგომი, მუნ არცა
Line: 8    იყოჲ და იყოსი, არამედ მხოლოდ ოდენ იყოჲ". ესე ხედვაჲ სრულებით
Line: 9    აწუევს კიდე უსხეულოთა ნამკისგან გარდასრულსა და მომავალსა,
Line: 10    არამედ არსსა ოდენ მისცემს შორის გონიერთა დგომასა.
Line: 11    ხოლო იყოსა ვითარცა გარდასრულსა და მერმესა ექსორია იქმს, და
Line: 12    ვითარ ჭეშმარიტსა არსსა ოდენ არსსა შორის შემოჰკრებს. რამეთუ
Line: 13    თანმორბედად მოუგიეს მოქმედებაჲ არსობისად. ვინაჲ ესე იყოს
Line: 14    საუწყო, რამეთუ მიზეზ გონიერისა ყოვლობისა არს სამარადმყოჲ.
Line: 15    ხოლო რომელი მიზეზ და მაარსრბელ სამარადმყოჲ, ყოველი თჳს შორის
Line: 16    და ერთებრივ აქუს, ნაწილნიცა და მოქმედებაჲცა, მიზეზიცა და
Line: 17    მიზეზოანიცა.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.