ARMAZI
Ioane Petrici, Explanatio in Proclum Diadochum
Part No. 52
Previous part

Chapter: 51  
Line: 19 
თავი 51


Line: 20       "ყოველი თჳთმდგომი დაეზესთაების ჟამისა მიერ განზომილსა
Line: 21    არსებით. რამეთუ აღუგებელ არს თჳთმდგომი, არ ვინაჲ
Line: 22    ჟამისა მიერ განიზომოს".

Line: 23       თჳთმდგომარედ იტყჳს ყოველსა აღუგებელსა ბუნებასა, რამეთუ
Line: 24       ვერ განჰზომს მას ჟამი, არამედ დაუზესთავდების, და ოდენ
Line: 25    საუკუნოჲსა მიერ განიზომების. რამეთუ ორნი არიან საზომნი ყოვლისანი,
Line: 26    ხოლო მესამე ზესთა ძეს. ორად უკუე საზომად ვიტყჳ საუკუნესა
Line: 27    და ჟამსა, და კუალად მესამედ მას ზესთათა ზესთასა ერთსა.
Line: 28    აწ ისმინე, თუ ვითარ განიზომებიან რომელნიმე ერთისა მიერ,
Line: 29    ხოლო რომელნიმე სამარადმყოჲსა მიერ, ხოლო რომელნიმე ჟამისა
Line: 30    მიერ. ვიწყო ქუენათაჲთ წესსა დამცუელი არისტოტელის-გამოთასა.
Line: 31    რამეთუ განჰზომს ჟამი ყოველთა აღგებულთა და დაჴსნადთა
Line: 32    პირველ. რამეთუ ნაწილთა მისთა მოჰკაზმავს, და ნივთსა მომმარჯუსა
Line: 33    წინა უყოფს, და კუალად ნაწილთა მიერ აღაგებს, და მისცემს
Line: 34    საზომსა ცხორებისასა, და თჳსთა ორღანოთა მოქცევისა
Line: 35    თანა შეაკრავს საზომსა მყოფისა მის აღგებულისასა. ორღანოდ
Page: 112   Line: 1    უკუე იპყრენ ჟამისად თჳთ ცაჲ. ვინაჲთგან მიდრეკათა მიერ
Line: 2    სრულ ჰყოფს თჳსსა ცხორებასა. და კუალად ესე ყოველნი სფერონი
Line: 3    და აპოლოს თჳსთა დრეკათა მიერ ოქრომუსიკელი, რამეთუ
Line: 4    რთავს ბუნებასა ყოველთა აღგებადთასა, და სხუათა ცთომილთა
Line: 5    რთვაჲ თანავე აპოლლო მუსიკელისასა. რამეთუ ესე დიდი
Line: 6    აპოლლო პირველ ნივთსა ადუკაზმავს და მერმე ნაწილთა, და
Line: 7    მერმეღა ყოვლობასა ყოველთა აღგებულთა, და თანა შეაკრავს თჳსთა
Line: 8    მოქცევათა ხრონოსა, რომელ არს წელიწადი, საზომსა განსაზიდთა
Line: 9    და მყოფობისა მათისათა. რამეთუ ხატი არს გონიერისა
Line: 10    დიოჲსი, და ორღანოჲ მიდრეკისაჲ და ჟამისაჲ, აპოლლო
Line: 11    ოქრომუსიკელი. ხოლო არი თჳთებასა გუართასა დაიცავს
Line: 12    თანაღურეველად, და ურთიერთას თანშეურევნელად ყოველთა ხრწნადთა
Line: 13    და ნივთსა შორის განზიდულთა გუართასა. თუ არა, სადაჲთმცა
Line: 14    იყო გუართადა შეურევნელობაჲ ურთიერთას ესე და ესე ვითარი არს
Line: 15    ყოველი ჟამისა განზომაჲ. ხოლო განზომაჲ მიერ საუკუნოჲსა არს
Line: 16    ესრეთ, რამეთუ არცა განზიდული დასაბამი ერაბამების მათ, რომელთა
Line: 17    პირველობაჲ და შემდგომობაჲ არა შეუდგს, არამედ ოდენ შემოქმედებითი
Line: 18    და სადაჲთ რეცა თუ აღძრვაჲ წყობისაჲ, მაგრა ნუ ჰგონო
Line: 19    ესვითა ჟამითი, და პირველობასა და შემდგომობასა შორისი. რამეთუ
Line: 20    მუნ არ იყო პირველი, ოდეს არ იყო და შემდგომი.ხოლო პირველობაჲ და
Line: 21    შემდგომობაჲ არა თუ იყოსობასა და არიყოსობასა შორის იხილვების.
Line: 22    რამეთუ ყოველი იყოსი და არიყოსი პირველი და შემდგომი არს. ხოლო
Line: 23    ყოველი შემდგომი და პირველი ჟარსა შორის ვითარცა იჩუენა.
Line: 24    ხოლო სადა ერთბამ ყოველი და ყოველსა შორის ყოველი, მუნ პირველი
Line: 25    და შემდგომი უქმობს და ჟამი მოაკლდების. არამედ საუკუნესა
Line: 26    შორის პირველობაჲ და შემდგომობაჲ ძალთა და მოქმედებათა
Line: 27    ზედა განიცდების. მოვედ და, რაოდენ იყოს შესაძლო, იგავთა ზედა
Line: 28    განცხადნენ. ითქუმის უკუე და სული კაცებითი, პირველადცა სული
Line: 29    სულისა და შემდგომადცა, ვითარცა განწმედილისაჲ ხედვათა მიერ;
Line: 30    და კუალად ვერ თანაკმაჲსა სულისაჲ შორის ხედვათაჲსა, ვითარცა
Line: 31    არ მომგისა ფრთეთა ხედვისათა. აწ ითქუა სული პირველად სულისად,
Line: 32    არამედ არა ჟამითითა პირველობითა და შემდგომობითა.
Line: 33    ესე სახე ოდენ არს უსახოთა ძალთა და მოქმედებათაჲ. და კუალად
Line: 34    განჰზომს საუკუნოჲ უსხეულოსა და აღუგებელსა არსებასა. რამეთუ
Line: 35    გონიერსა აღმკულსა შორის თჳთებანი და განყოფანი გუართანი. რამეთუ
Line: 36    რომელნი განუნაწილებელად იყვნეს ნამდჳლ მყოფობისა არსებასა
Page: 113   Line: 1    შორის გუარნი და ერთებრივ, განინაწილნეს და განითჳსნეს
Line: 2    გონიერსა შორის აღმკულსა, რომელნი განზომნა არსებამან მარად
Line: 3    მყოფისამან. რამეთუ ეს ვითარი არს საუკუნებრი საზომი: პირველად
Line: 4    თჳთებანი განუყვნა გუართანი და იპყრნა ერთებრივ და შეურევნელად,
Line: 5    და კუალად არ უტევა მათ განწვალებად. რამეთუ სამარადისოდ
Line: 6    მიზეზოანი თჳსსა მიზეზსა შორის, ვითარცა სიტყუაჲ სულსა
Line: 7    შორის. ვინაჲ ესვითაჲ არს რამეთუ ყოველი საზომი მარად მყოჲსაჲ.

Line: 8       ხოლო ერთებრი რიცხჳცა ზესთა ძეს, და მრიცხუველი დაუზესთავდების
Line: 9    ყოველსა მონაგონსა. არამედ ანუ ხატთა მიერ, ანუ
Line: 10    იგავთა მიერ მეცადინობს სული ცნობად მის უცნოჲსათჳს, და სწყურის
Line: 11    მისდამი, და რეც თუ გამოუთქმელად ერთ ექმნების მას თჳს-შორისისა
Line: 12    მიერ ერთისა. ხოლო რიცხჳ ერთებრი იხილო თჳთ ერთსა
Line: 13    შორის შეურევნელად და შეურწყმელად და განუყოფელად, რომელსა
Line: 14    მით ეწოდა ერთებრივად რიცხუად, რამეთუ ყოველი მოაქუს თჳს
Line: 15    შორის ერთსა, ვითარ ესე რიცხუსა ერთსა შორის ყოველი სიმრავლე
Line: 16    რიცხუთაჲ შეურევნელად და შეურწყმელად, განუყოფელად და
Line: 17    განუწვალებელად.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.