TITUS
Keimena II
Part No. 49
Previous part

Chapter: IV  
Line of edition: 24       IV. და ვითარცა ეუწყა მოყვასთა მისთა, რომელნი იყვნეს გარეშჱ ქალაქსა,
Line of edition: 25    ვითარმედ შეიპყრეს წმიდაჲ და მისცეს სატანჯველსა განკითხვად, განჴურდე
Line of edition: 26    იგინი შურითა საღმრთოჲთა და მწრაფლ შევიდეს ქალაქად და იწყეს სისრად
Line of edition: 27    ქვითა ხატსა მეფისასა, რომელი დგა შორის ქალაქსა პატივად და საგებელად,
Line of edition: 28    ღაღადებდეს და იტყოდეს: "ჩუნ ქრისტეანენი ვართ და შეურაცხ-ვჰყოფთ
Line of edition: 29    კერპთა და ბრძანებასა მეფეთა უღმრთოთასა". მაშინ შეიპყრნეს ერისა
Line of edition: 30    კაცთა რომელნიმე მათგანნი და წარადგინნეს წინაშე მსაჯულისა და აუწყეს
Line of edition: 31    საქმჱ მათი. ხოლო მან ბრძანა შეყვანებაჲ მათი საპყრობილესა. ესენი იყვნეს
Line of edition: 32    პრომოს და ელია, ხოლო თეონა და პაფნუტი და მოყუასნი მათნი განდევნნეს
Line of edition: 33    გარე კარსა ქალაქისთა. ხოლო ანუბიან, ისქჳრიონ და მოყუასნი მათნი, რამეთუ
Line of edition: 34    იყვნეს იგინი მის ქუეყანისანი, შევიდეს ქალაქად და მოვიდეს საპყრობილედ
Line of edition: 35    და იხილენს ძმანი მათნი შეყენებულნი საპყრობილესა. და კუალად შეიპყრნა
Line of edition: 36    იგნი ერთმა მჴედართაგანმან და წარადგინნა იგინი წინაშე მთავრისა მის ქალაქისა.
Line of edition: 37    ჰრქუა მთავარმან მან: "ვინანი ხართ, ანუ რაჲ არს საქმჲ თქუანი, რომლისათჳს
Line of edition: 38    წარმოგადგინნეს თქუენ წინაშე ჩემსა?" მიუგეს წმიდათა მათ და ჰრქუეს
Line of edition: 39    მთავარსა მას: "მოვედით თქუენ ხილვად ძმათა ჩემთა, რომელნი გუშინ შეეყენნეს
Page of edition: 57   Line of edition: 1    საპყრობილედ, ხილო ვართ ჩუენ ნათესავით ფილიატიმელ და შჯულითა
Line of edition: 2    ქრისტეანენი". მაშინ ვითარცა ესმა მთავარსა მას, ვითარმედ არიან იგინი მისქუეყანისანი,
Line of edition: 3    ბრძანა გადევნაჲ მათი გარეშჱ კართა ქალაქისთა, და განასხნეს
Line of edition: 4    იგინი. ხოლო წმიდათა მათ დაყვეს საპყრობილეთა მათ შეყენებულთა ოთხი დღჱ
Line of edition: 5    უზმათა, შეკრულთა ჴელით და ფერჴით ღუედითა ფიცხელითა, და ილოცვიდეს
Line of edition: 6    იგინი მუნ შინა და ჰმადლობდეს ღმერთსა ლმობიერითა სულითა და მხიარულითა
Line of edition: 7    გონებითა. ამისსა შემდგომად ბრძანა მთავარმან მან გამყვანებაჲ მათი
Line of edition: 8    საპყრობილით და წარსცნა იგინი კესარია ქალაქად დიდისა ჴელმწიფისა. და
Line of edition: 9    შემდგომად წარსცა წმიდაჲ არეცა მუნვე კესარიად და შეეყენნეს იგინი ერთობით
Line of edition: 10    საპყრობილესა კესარიას.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.