TITUS
Keimena II
Part No. 50
Previous part

Chapter: V  
Line of edition: 11       V. ხოლო შემდგომად რვისა დღისა დაჯდა მსაჯული საყდარსა თჳისსა
Line of edition: 12    და მოუწოდა წმიდათა მათ, რაჲთა ისმინოს სიტყუაჲ მათი და ვითარცა იწყეს
Line of edition: 13    აღსარებად სახელსა ღმრთისა ჩუენისა იესუ ქრისტჱსსა, უბრძანა, რაჲთა უკუნაქცინენ
Line of edition: 14    იგინი კუალად საპყრობილედვე. და დაყვნეს მუნ შინა კუალად ოცდაათი
Line of edition: 15    დღჱ. და შემდგომად მისა კუალად აქცინა იგინი მუნვე ასკალონდ, შეკრული
Line of edition: 16    ჯაჭჳთა რკინისაჲთა, ვითარცა ავაზაკნი. და მიწერა მთავარსა მის, რაჲთა
Line of edition: 17    მუნ განიკითხნეს იგინი სატანჯველითა, და, უკუეთუ არა აღიარონ მათ მსახურებაჲ
Line of edition: 18    ღმერთთაჲ, მიეცნენ იგინი სატანჯველსა სიკუდილისასა. ხოლო წმიდანი
Line of edition: 19    იგი მგზავრ გალობდეს და იტყოდეს ვითარმედ: "ვერ ღირს არიან ვნებანი
Line of edition: 20    ამის ჟამისანი მერმისა მის თანა დიდებისა, რომელ გამოცხადებად არს
Line of edition: 21    ჩუენდა მაცხოვრისა ჩუენისა მიერ იესუ ქრისტჱსა". და ვითარცა მიიწინეს ასკალონდ,
Line of edition: 22    დაყვნეს საპყრობილესა მას შინა ასკალონისასა დღჱ სამი. და მეათოთხმეტსა
Line of edition: 23    დღესა დეკემბერისასა, განთიად დღესა კჳრიაკესა, დაჯდა მსაჯული
Line of edition: 24    იგი საყდარსა თჳსსა შუაღამეს ოდენ და ბრძანა მოყვანებაჲ წმიდათა მათ
Line of edition: 25    მოწამეთაჲ. და ვითარცა წარმოადგინნეს წინაშე მისსა, ჰკითხა მათ კუალად
Line of edition: 26    უკუეთუ პირველსავე მას განზრახვასა ზედა არიან? ხოლო მათ კადნიერად უფროჲს
Line of edition: 27    და უმეტჱს აღიარეს სახელი ღმრთისა ჩუენისა იესუ ქრისტჱსი და უვარყვეს
Line of edition: 28    კერპნი და მსახურაბაჲ მათი განგმეს. მაშინ ვითარცა იხილა მთავარმან
Line of edition: 29    მან ეგრჱთვე შეუძვრელად დამტკიცებულნი უნაკლულოდ სარწმუნოებასავე ზედა
Line of edition: 30    თჳსსა, განბჭო მას ზედა ბჭობაჲ ესევითარი, რაჲთა პრომეს და ელიას მოეკუეთოს
Line of edition: 31    თავი მათი.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.