TITUS
Keimena II
Part No. 51
Previous part

Chapter: VI  
Line of edition: 32       VI. და არე დგა შორის მათსა, და არარაჲ თქუა მისთჳს მთავარმან მან.
Line of edition: 33    მაშინ ჴმაყო მან ჴმითა დიდითა და თქუა: "ბჭობაჲ შენი უმშჯავრო არს, ჵ მსაჯულო,
Line of edition: 34    და საყდარი, რომელსა ზედა ჰზი, უსამართლო არს და ცრუ". ვითარცა
Line of edition: 35    ესე ესმა მსაჯულსა მას, განრისხნა ფრიად და უბრძანა, რაჲთა დაწუან იგი
Line of edition: 36    ცოცხალი ცეცხლითა. მაშინ გამოვიდა წმიდაჲ იგი მხიარული და სიხარულით
Line of edition: 37    იტყოდა: "ნეტარ არიან, რომელთა მიეტევნენ უშჯულოებანი და რომელთა
Line of edition: 38    დაეფარნენ ცოდვანი. საწადელსა, რომელსა სურვილ ვიყავ, მივემთხჳე, და გჳრგჳნსა,
Line of edition: 39    რომელსა ვეძიებდი, ვპოვე, და დღეს ღირს ვიქმენ, რაჲთა ვიხილო უფალი
Line of edition: 40    ღმერთი ჩემი იესუ ქრისტე". მაშინ მოთხარეს მთხრები და შთაადგინეს იგი
Page of edition: 58   Line of edition: 1    მას შინა მუჴლადმდე შეკრული და მოსდვეს გარემოჲს მისა მცირედ განშორებულადვე
Line of edition: 2    შეშაჲ ფრიადი, რაჲთა არა მსწრაფლ გამოვიდა სული მისი, არამედ
Line of edition: 3    მცირედ მცირედ შეჲწუეს სიცხისა მისგან, და ესრჱთ მოკუდეს ფიცხლად ტანჯული.
Line of edition: 4    და ვითარცა აღუდვეს შეშასა მას ცეცხლი, აღეგზნა საჴუმილი იგი ძლიერად
Line of edition: 5    და სიცხისა მისგან სიმჴურვალისა იტანჯებოდა წმიდაჲ იგი. მაშინ ჴმაუყო
Line of edition: 6    ძმათა მათ, რომელნი იგი დგეს გარემოჲს, (და) ჰრქუა: "ყავთ სიყუარული
Line of edition: 7    და მომაახლეთ მე შეშაჲ ეგე, რაჲთა მწრაფლ მივიდე მე ღმრთისა ჩემისა". ხოლო
Line of edition: 8    მჴედართა მათ არა უფლეს ესე ყოფად ძმათა მათ. მაშინ აღიპყრა ნეტარმან
Line of edition: 9    არე თავი თჳსი და მოიღო ალი იგი ცეცხლისაჲ თმითა თავითა თჳსისაჲთა,
Line of edition: 10    რამეთუ მოგრძელებულ ესხნეს თმანი მისნი დღეთა მათ სიგრძისაგან, რომელ-დაეყო
Line of edition: 11    საპყრობილესა შინა. და ესრჱთ სიხარულით და მხიარულებით იქმნა
Line of edition: 12    იგი საკუერთხ ღმრთისა და მსხუერპლ შეწირულ. და სრულ იქმნა წამებაჲ მისი
Line of edition: 13    ძმათა მისთა თანა პრომოსს და ელიას დღესა მას შინა, რომელ ზემო ვაჴსენეთ,
Line of edition: 14    თთუესა დეკენბერსა ათოთხმეტსა, დღესა კჳრიაკესა. და მივიდეს წინაშე
Line of edition: 15    ღმრთისა ჩუენისა, რომელსა ჰშუენის პატივი და თაყუანისცემაჲ და მისი
Line of edition: 16    არს დიდებაჲ და ძლიერებაჲ, მამისა და ძისა და წმიდისა სულისა, აწ და მარადის
Line of edition: 17    და უკუნითი უკუნისადმდე. ამჱნ.



Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.