TITUS
Keimena II
Part No. 58
Previous part

Chapter: III  
Line of edition: 26       III. გუესმა ვითარმედ იერუსალჱმს შეცთომილნი ვინმე არა შეუდგან წმიდათა
Line of edition: 27    წერილთა და (სწავლასა) მამათა (და) მოძღუართასა და არა ჰყოფენ წმიდასა
Line of edition: 28    ამას ჴორციელად შობასა უფლისასა ოცდახუთსა თთჳსა მის დეკემბერისასა,
Line of edition: 29    შობასა უფლისასა (ჴსენებასა) დავით-იაკობისსა ჰყოფენ. და მეექუსესა მას
Line of edition: 30    დღესა თთჳსა იანვრისასა ნათლისღებაჲ არს, და შობასა და ნათლისღებასა
Line of edition: 31    ერთად ჰყოფენ. და ამას ცთომასა მით შეცჳივეს პირველნი იგი, რამეთუ არა
Line of edition: 32    ეკრძალეს დღესა მას ხარებისასა, რომელი იგი იყო გაბრიელ ანგელოზისა მიერ
Line of edition: 33    წმიდისა მიმართ (და) მარადის ქალწულისა მარიამისა, რომელი იგი ჴორციელობით
Line of edition: 34    იყო მისა ღმრთისა სირყუაჲ, რომელი იგი მუცლად იღო, რომელიცა
Line of edition: 35    იგი აღესრულა ოცდახუთისა თთუესა მარტსა. და მით ცთომითა და უცბობითა
Line of edition: 36    ვერცაღა მიგებებასა მართალ ჰყოფენ. ხოლო მე აწ არათუ მძლავრობითა,
Line of edition: 37    არცა ჴელმწიფებითა, არამედ საღმრთოთაგან წმიდათა წიგნთა და წმიდათაგან
Page of edition: 69   Line of edition: 1    მოძღუართა გამოძიებითა და სწავლითა ვისწრაფე ესე უწყებად თქუენდა
Line of edition: 2    და მათა რომელნი იგი გარდააქცევენ დღესასაწაულთა მათ, (და) გამოჩინებად
Line of edition: 3    უმეცრებათა მათთა, რაჲთა მოიქცენ ცნობად. ლუკა მახარებელი გვასწავებს ჩუენ
Line of edition: 4    ვითარმედ თთუესა მეექუსესა მოივლინა გაბრიელ ანგელოზი ღმრთისა მიერ ქალაქსა
Line of edition: 5    გალილეჲსასა, რომლისა სახელი ნაზარეთ, ქალწულისა მარიამისა, რომელი
Line of edition: 6    იგი თხოვილ იყო ქმრისა, (და) ახარა მას უფლისათჳს და ჰრქუა: ესე მეექუსჱ
Line of edition: 7    თთუჱ არს, ვინაჲთგან ელისაბედ, ნათესავი შენი, მიდგომილ არს სიბერესა
Line of edition: 8    თჳსსა. და აკურთხა იგი ანგელოზმან მან და წავიდა. ხოლო მათ დღეთა
Line of edition: 9    შინა აღდგა მარიამ და მწრაფლ წარემართა მთად ქალაქად იუდაჲსა და
Line of edition: 10    შევიდა სახლსა ზაქარიაჲსსა და მოიკითხა ელისაბედ. და ვითარცა წერილ არს,
Line of edition: 11    მოიკითხნეს ურთიეთას. და დაადგრა მუნ მარიამ სამ თთუე. ამით ჭეშმარიტად
Line of edition: 12    ჩას, რამეთუ ექუსისა თთჳსა მოდგომილ იყო ელისაბედ იოანჱსთჳს თთუესა,
Line of edition: 13    რომელ არს მარტი. ამას თთუესა ახარა გაბრიელ ანგელიზმან მარიამს,
Line of edition: 14    ოცდამეხუთესა დღესა. და სამნიღა თთუენი უკუმოეთუალვიან და აღესრულებიან
Line of edition: 15    ცხრად თთუედ. თთუესა ივნისსა ოცდახუთსა არს შობაჲ იოვანჱსი, რომელსა
Line of edition: 16    განჩინებულად ვჰყოფთ ყოველნი ქრისტეანენი შობასა მისსა. და მითდღით
Line of edition: 17    უკუმოითუალვის და ჩას, რამეთუ ოსდახუთსა არს ხარებაჲ მარიამისი
Line of edition: 18    გაბრიელის მიერ. და მითვე დღითა ჩას: შობითგან იოვანჱსით წამომართ წამოითუავის
Line of edition: 19    და აღესრულების ცხრად თთუედ ოცდამეხუთჱ დღჱ თთჳსა დეკენბერისაჲ.


Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.