TITUS
Keimena II
Part No. 57
Previous part

Chapter: II  
Page of edition: 68   Line of edition: 1       II. და ჯერარს გულისჴმის ყოფად დიდიცა ესე ღმრთისა საიდუმლოჲ,
Line of edition: 2    
რამეთუ ოდეს იგი იოვანჱსთჳს ახარა, არათუ ელისაბედისა მოივლინა გაბრიელ
Line of edition: 3    
ანგელოზი, არამედ ზაქარიაჲსა, რამეთუ იოვანე თესლისაგან ზაქარიაჲსა შობად
Line of edition: 4    
იყო ელისაბედისგან. და კუალად იგივე გაბრიელ ანგელოზი არათუ იოსებისა
Line of edition: 5    
მოივლინა, არამედ მარიამისა, რაჲთა სიტყუაჲ ღმრთისაჲ ჴორციელ იქმნეს და
Line of edition: 6    
იშვეს; ხოლო იოცებისა ბრძანებითა ღმრთისაჲთა თხოვილ იყო, რაჲთამცა თავადსა
Line of edition: 7    
უფალსა და წმიდასა მას ქალწულსა და დედასა (ჰმსახურა), თავადი
Line of edition: 8    
იგი, უწინარჱს საუკუნეთა მხოლოდშობილი სიტყუაჲ ღმრთისაჲ, მამისაგან
Line of edition: 9    
შობილი (არს) დაუსაბამოდ არა ჴორციელად. ხოლო ჯერ-იჩინა ღმერთმან შემოსად
Line of edition: 10    
ხატი მონებისაჲ, ესე არს ბუნებაჲ კაცთაჲ. ქალწულისა მარიამისგან
Line of edition: 11    
ყრმად იშვა და ბაგასა შინა განისუენა და კაცთა თანა იქცეოდა და არარაჲ
Line of edition: 12    
მოაკლდა ამის ყოვლისაგან ღმრთეებასა მისსა, არამედ იჴსნა საცთურისაგან ნათესავი
Line of edition: 13    
კაცთაჲ და საუკუნოჲსა მისგან დაშჯისა ყოველი მორწმუნენი მისნი
Line of edition: 14    
განათავისუფლნა, რამეთუ ქალყულმან მამაკაცი არ იცოდა, გარნა ჭურჭელი
Line of edition: 15    
იგი ჴორცთა მისთანი უფალსა ამსახურნა, და იშვა მისგან ბუნებით და არა
Line of edition: 16    
ცოდვით. და ესე საკჳრველი გულისჴმის საყოფელ არს, რომელ ზაქარია ურწმუნოებასა
Line of edition: 17    
მისისათჳს დადუმებულ იყო, ვიდრემდის იშვა ძჱ იგი მისი იოვანე,
Line of edition: 18    
ვითარცა იგი ითქუა მისა მიმართ ანგელოზისა მიერ. გარნა მარიამ სიტყუასა
Line of edition: 19    
მას ანგელოზისასა არა ურწმუნო იქმნა, არამედ ჰკითხა მას, ვითარ მუცლად
Line of edition: 20    
იღოს? და ვითარცა ისწავა საჲდუმლოჲსა მის ძალი, ჰრქუა ანგელოზსა მას:
Line of edition: 21    
"მეყავნ მე სიტყჳსაებრ შენისა". და კურთხეულ და დიდებულ არს ღმრთის
Line of edition: 22    
მშობელი და ჯერ-არს მარადის ღმრთისა კაცთმოყუარებაჲ მოჴსენებად და სახიერებასა
Line of edition: 23    
მისსა დიდებაჲ! უმეტჱს ყოველსა დღესასწაულთა სარწმუნოთა
Line of edition: 24    
(არს) რომელი მიემთხვივის დღეს აღსრულებად ღმრთეებისა მისისა საჲდუმლოჲ,
Line of edition: 25    
რომელი იგი აღასრუსლა ჩუენისა ცხორებისათჳს.

Next part



This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.