TITUS
Keimena II
Part No. 56
Previous part

Text: Epist.Iust.  
Page of edition: 67   Line of edition: 1  საკითხავი თქუმული დღესასწაულთათჳს, რომელი იგი მიიწერა
Line of edition: 2 
იერუსალჱმდ ისტჳნიანჱს მიერ, მეფისა მართლმორწუნისა,
Line of edition: 3 
ხარებისათჳს და შობისა, მიგებებისათჳს და ნათლისღებისა


Chapter: I  
Line of edition: 4       I. ყოველნი, რომელნი ხართ ქრისტეანენი და აღიარებთ სარწმუნეობასა
Line of edition: 5    
კათოლიკე ეკლესიისასა, რომელი იგი, წმიდათაგან წიგნთა დაწერილი, წმიდათა
Line of edition: 6    
მამათა (და) მოძღუართა ღმრთისა და მაცხოვრისა ჩუენისა იესუ ქრისტჱსთჳს
Line of edition: 7    
გუასწავეს, კრძალულად აღვასრულო და გულისჴმავყოთ, რავდენი რაჲარს
Line of edition: 8    
მისი იგი ჩუენდა მომართ სახიერებაჲ და კაცთმოყუარებაჲ. დასაბამად ესე,
Line of edition: 9    
რამეთუ კაცი შექმნა თავისა თჳსისა ჴელმწიფედ და დაადგინა იგი სამოთხესა
Line of edition: 10    
და მისცა მცნებაჲ. და უკუეთუმცა დაემარხა იგი, იყომცა უცოდველ და
Line of edition: 11    
სამოთხისა მისგან არამცა გამოძებულ იყო; დაღათუ გარდაჴდა იგი, ესრჱთცა
Line of edition: 12    
არავე უგულებელსყო იგი სახიერმან -- კაცთაჲ ნათესავი. და მოსჱს მიერ მოსცა
Line of edition: 13    
ცხორებისა შჯული, და მასცა გარდავეჰჴედეს. და მისა სემდგომად წინაჲსწარმეტყუელნი
Line of edition: 14    
მოავლინნა, და მათიცა არავე ჰრწმენა. და სხჳთა ვერვინ რაჲ შესაძლებელ
Line of edition: 15    
იყო, რაჲთამცა ცხოვნდა ნათესავი კაცთაჲ, არათუმცა თჳთ იგი თავადი
Line of edition: 16    
მოსრულ იყო. და მოავლინა გაბრიელ ანგელოზი, ვითარცა იგი გუასწავებს
Line of edition: 17    
ჩუენ ლუკა მახარებელი, ზაქარიაჲსა, ქმრისა ელისაბედისსა, და ახარა მას
Line of edition: 18    
ძისა მისისა იოვანჱსთჳს, რაჲთამცაწინამორბედ და მოწამე იპოვა მაცხოვრისა
Line of edition: 19    
მოსლვასა. და ოდეს შევიდა ზაქარია ტაძარსა უფლისასა ჟამსა მას კუმევისასა,
Line of edition: 20    
და ურწმუნოებისა მისისათჳს იყო იგი დადუმებულ, ვიდრემდის შვა ელისაბედ
Line of edition: 21    
ძჱ იგი მისი, წმიდაჲ იოვანე, ვითარცა იგი ითქუა მისა მიმართ ანგელოზისა
Line of edition: 22    
მიერ. და ელისაბედის მიდგომითგან მოივლინა იგივე გაბრიელ ანგელოზი მეექუსესა
Line of edition: 23    
თთუესა ღმრთისა მიერ ქალწულისა მარიამისა ხარებად, რაჲთამცა
Line of edition: 24    
მუცლად იღო თავადი უფალი და შვა ჴორციელად.

Next part



This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.