TITUS
Keimena II
Part No. 55
Previous part

Chapter: IV  
Line of edition: 5       IV. და ხვალისაგან მოუწოდა მას ფილოკრინოს მსაჯულმან და გებად
Line of edition: 6    
კერპთა უბრძანებდა. ხოლო ნეტარი იგი მოწამჱ არარას სიტყუასა მიუგებდა,
Line of edition: 7    
არამედ მათ ყოველთა ქრისტესა უქადაგებდა მრავლითა კადნიერებითა. ხოლო
Line of edition: 8    
რომელნი იგი წინაშე დგეს და გარემო მისა, უკჳრდა, რამეთუ იყო იგი მჴნე
Line of edition: 9    
და სრულ სულითა და ჭაპუკ და ძლიერ ჴორცითა; დაღათუ ესევითარსა შინა
Line of edition: 10    
იყო ტანჯვასა, არამედ რჩეულსა მას ქრისტჱს მიმართ აჩუენებდა სარწმუნოებასა.
Line of edition: 11    
რამეთუ პირველი იგი ტანჯვაჲ არღა დაეცადა და კუერთხითა ყოვლადვე
Line of edition: 12    
ჴორცნი წმიდისა მოწამისანი მოჰბრძარნა და ესრჱთ და უკუნაჲსკნელ ზღჳსა
Line of edition: 13    
წყლითა მის ზედა მოწევნული იგი გუემანი უბრძანა დაბანად და ამის უბოროტჱსითა
Line of edition: 14    
ტანჯვითა ნეტარსა მას მოწამესა სტანჯვიდა, რომლისათჳს წმიდასა
Line of edition: 15    
მას მოწამესა დათმენად ვერღარა ეძლო, ტანჯვისა მისგან სალმობითა, და განუტევა
Line of edition: 16    
სული. ამას სატანჯველთა შინა უკუე ვცნათ ქრისტჱს სტრატიოტისა
Line of edition: 17    
აღსრულებაჲ. და სული მისი ანგელოზთა თანა ზეცისა სასუფეველსა მიიწია,
Line of edition: 18    
ხოლო პატიოსანნი იგი ნაწილნი მისნი ქუეყანამან შეიწყნარნა. და იხარებს უკუნისადმდე,
Line of edition: 19    
რამეთუ სძლო კეთილისა მის მოძულესა ბრძოლასა მჴნემან ამან ტრიპოლის,
Line of edition: 20    
ქალაქსა ზღჳსკიდესა, რამეთუ მუნ კეთილსა ღუაწლისა მომცემელმან
Line of edition: 21    
ქრისტემან ძლევისა სამძალი იგი აღუსრულა, რომლისა არს დიდებაჲ მამისა
Line of edition: 22    
თანა სულით წმიდითურთ, აწ და მარადის და უკუნითი უკუნისადმდე. ამჱნ!



Next part



This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.