TITUS
Keimena II
Part No. 65
Previous part

Chapter: III  
Line of edition: 5       III. და ვითარ ვიყვენით ამას სიტყუასა შინა და ვიტყოდეთ ძმათა მათ
Line of edition: 6    თანა ჩუენთა ჩუენებათა მას, მო-ხოლო-იწინეს ძმანი იგი ჩუენნი და გჳთხრობდეს
Line of edition: 7    ჩუენ რაჲ იგი იქმნა წმიდასა წალაქსა იერუსალჱმს: ვითარ იგი წმიდანი
Line of edition: 8    გამოეცხადნეს და იგინი მოელოდეს ჩუენგან რასამე სმენად, ვითარ იგი მათკუალად
Line of edition: 9    გჳთხრობდეს უკუანაჲსკნელ. რამეთუ დაგჳმალნეს ჩუენ, რომელ იგი მოეხუნეს
Line of edition: 10    წმიდათა ნაწილნი. ხოლო ჩუენ ვითარცა უთხართ ჩუენებაჲ იგი, მითხრეს
Line of edition: 11    მათცა ვითარმედ ჰქონან მათ ნაწილნი მათ წმიდათანი, რომელი იგი გამოჩნდეს
Line of edition: 12    წმიდასა ქალაქსა იერუცალჱმს. ხოლო ჩუენ მოვიხუენით იგინი და, არა ვითარ
Line of edition: 13    იგი ჯერ იყო სარწმუნოებით, არამედ ვითარცა ორგულებით, დავსხენით
Line of edition: 14    იგინი სადიაკონოსა ეკლესიისა, არა სხუათა თანა ნაწილთა, არამედ ზედა მოთხესა
Line of edition: 15    წმიდათა ჭურჭელისა სამსახურებელისასა. და მოველოდეთ სრულიად გამოცხადებასა
Line of edition: 16    მათსა, რამეთუ იყოღა ჩუენთანა ურწმუნოებაჲ ზუგრაჲმე, ვითარცა
Line of edition: 17    ნეშტი მჴურვალობისაჲ. და ვითარცა მოიწია ღამჱ იგი, განთენებასა ორშაბათისასა
Line of edition: 18    მუჩუენა მე ვინმე და მრქუა მე: "უკუეთუმცა არა იყვნეს ნაწილნი წმიდათანი,
Line of edition: 19    ვერმცა მიიწინეს ქუეშე ფრთეთა ჯუარისათა". და არცაღა ესრჱთ
Line of edition: 20    გურწუმენა. და კუალად ვითარცა მოიწია მერმჱ იგი ღამჱ, ეგრეთვე განვიზრახევდით
Line of edition: 21    ვიტარმედ რაჲსათჳს განჩინებული და განმარტებული გამოცხადებაჲ არა
Line of edition: 22    გუცეს. და მეყსეულად მოვიჴსენეთ პირველისა მის ღამისა ჩუენებაჲ და მოვიხუენით
Line of edition: 23    ნაწილი იგი წმიდათანი შემდგომად კანონისა აღსრულებისა და (ჰ)ამბორს
Line of edition: 24    უყოფდით. და მოვიჴსენეთ თქუენიცა იგი ვედრებაჲ, სიყუარულით მონათა
Line of edition: 25    ღმრთისათაჲ, და ვითხოვდით მათგან მადლსა, რაჲთა განჩინებული გამოცხადებაჲ
Line of edition: 26    გჳჩუენონ, რაჲთა თქუენცა, საყუარელთა მამათა, წიგნითა სარწმუნოდ
Line of edition: 27    ჩუენ მიერ გეუწყოს და ჩუენდა მომართ სრულიად სარწმულოებაჲ იყოს.
Line of edition: 28    და ამისა შემდგომად მოვიხუენით წმიდათა იგი ნაწილი და თაყუანის-ვეცით
Line of edition: 29    და შევიტყბენით და გუეპყრნეს იგინი ჴელთა ჩუენთა, და დავსხედით და ვევედრებოდეთ
Line of edition: 30    მათ, რაჲთა უგანცხადებულჱსი გამოჩინებაჲ გუაუწყონ და სახელებიცა
Line of edition: 31    მათი გჳთხრან, რაჲთა ყოველსა ურწმუნოსა ემხილოს, და მათნი იგი
Line of edition: 32    ნაწილი პატიოსნად და ღირსად თაყუანის-იცემებოდიან.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.